تراميسيو اللوتس ~
.
من ابداعاتي❤️
.
.
لذيذ حيل مع القهوه وسهل حيل

المقادير:
بسكوت لوتس الكميه حسب صينيتك
علبة قشطة خفق الحجم الصغير 250 غرام
2 قشطه طازجه بارده او كوب
ظرف دريم ويب
نصف كاس سكر
ظرف كريم كراميل
علبة جبن فيلادلفيا مقاس 300 غرام

للتغميس :
ملعقه كبيره نسكافيه
كوب ونصف ماء مغلي
الطريقه :
نخفق كريمة الخفق بخلاط الكيك ليما تنفش ثم نضيف الجبن الفيلادلفيا او بديله جبن كيري 18 حبه والقشطه الطازجه ونخفقها حتى تكون كريميه ثم نضيف الدريم ويب والكريم كراميل والسكر حتى تتجانس المقادير
نحضر الصينيه المستخدمه
ونحط شوي من الخليط فيها ونكون مجهزين نسكافه مع ماء حار مو محدد الكميه لان يمكن تحتاجين زياده
ونخلي النسكافه تدفى نحط شوي من خليط الكريمه بالصينه ونغمس البسكوت بالنسكافه بسرعه لانه يشربه
ثم نصفهم فوق الكريمه ليما نخلص ونسوي طبقه ثانيه من طبقة البسكوت بعدها نحط شوي كريمه ونساويها ثم طبقتين من بسكوت اللوتس مغمس بالنسكافه
بعدها نحط اي شكل فوق الخليط ونرش بسكوت لوتس مطحون على الوجه ونغلفه وندخله بالثلاجه ليما يبرد
نطلعه ونفك اطراف الصينيه عنه ونشيل الاشكال اللي زينا فيها فوق بشويش .
تتهنوا فيها يارب