كيكة التمر
  • 60
  • Loading
  • 0
  • الأربعاء, 25 أكتوبر, 2017 - 12 , مساءً
  • التقييم:
الطريقة و المقادير

كيكة التمر ~
تناسب الاجواء الشتويه .
.
مقاديرها :
2 كوب دقيق
ملعقه كبيره باكنج بودر
ملعقه كبيره بيكربونات الصوديوم
ملعقه كبيره قرفه ناعمه
نصف ملعقه صغيره فانيلا
علبة قشطه او زبادي
4 بيضات واذاماتحبينه كثير قللي الى
بيضتين
م ص خل
كوب زيت
كوب سكر
كوب جوز البيكان او عين الجمل مكسر
كوب تمر مفصص من النوى ومنقع في كوب ماء ساخن
الطريقه :
الصينيه تكون مقاس وسيع اي شكل مو شرط المجوفه ندهنها بزيت او سمن نباتي ونلبسها بالدقيق ونكب الدقيق الزايد اللي فيها وندخلها الثلاجه حتى نجهز خليطنا
التمر نقعته بالماء الساخن وغطيته حول 10 الى 15 دقيقه حتى يلين
نفرم الجوز ونخليه بحجم وسط
بخلاط الكيك او خلاط الكاس اسرع لي البيض والفانيلا والسكر والزيت والخل والقشطه واخفقهم 5 دقايق واضيف التمر مع موبته عليهم ونكمل خفق واصبهم على المقادير الجافه
المنخوله اللي هي الدقيق والباكنج باودر والصودا والقرفه ورشة ملح وفيه اضافه من جميلات السناب اللي هي رشة هيل جربوها
طبعاً نخلطهم بالخلاط السلك حتى تتجانس جميع المقادير ونضيف جوز البيكان معهم ونكون مسخنين الفرن من تحت ونصب الخليط بالصينيه ويدخل من تحت حتى ترتفع وبعدها نطفي ونشغل من فوق حتى تنضج ونختبرها بعود الاسنان
حتى لو طولت خلوها تكمل نضج حتى لو كان الوجه اسود مو مشكله لا طلعتيها قصي الطبقه اللي فوق اهم شيء تعبك مايروح
التزيين
كراميل جاهز او توفي حسب رغبتك
تمر سكري مقصص انصاف
ورد اي لون موجود عندك
دهنت الكيكه بالكراميل لما قلبتها وخليتها تبرد ثم وزعت التمر على جهتين ووزعت الفستق والورد وطبعاً الكراميل حطيته بقمع ومشيت فيه على الاطراف حتى يكون شكلها اجمل .