تارت اللوتس ~
.
.
المقادير :
2 كوب او 3 بسكوت لوتس مطحون
نصف كوب سكر
نصف كوب زيت
نصف كوب ماء
ملعقه كبيره بكنج باودر
3 بيضات
ملعقه صغيره فانيلا
الصوص :
نصف علبة نستله الحليب المكثف
قشطة قيمر 125مل
ربع كوب لوتس مطحون
2 ملعقة طعام كريمة اللوتس الحمراء
6 حبات جبن كيري
الطريقه :
اول شيء صينية التارت نبخها بالزيت او ندهنها ونضع ورق زبده مقاس الدائره اللي بالوسط وتدخل الثلاجه على بال مانحضر الخليط حتى يتماسك الزيت وماتلصق الكيكه بالقالب
2 بسكوت لوتس اذا كانت صينية التارت صغيره الاطراف اما 3 اكواب بسكوت لوتس اذا كانت صينية التارت اللي اطرافها طويله
نضع البسكوت والبكنج بوعاء ونخلطهم بالمضرب السلك
ونضع بالخلاط الكاس او مضرب الكيك البيض والزيت والماء والسكر والفانيلا ونخلطهم مع بعض حول 5 دقايق ونصبها على المقادير الجافه ونخلطها بالمضرب السلك حتى يتجانس ثم نصبه بالصينيه ويكون الفرن مسخن من تحت وتدخل حتى يرتفع ثم نطفي ونشغل من فوق حتى ينضج ونختبره بعود الاسنان ونطلعها من الفرن شوي ثم نقلبها بصحن التقديم ونخلط الصوص بمحضرة الطعام ونصبه على التارت ونزينه باي شيء متوفره وطبعاً اذا تحبون التوفي او زبدة اللوتس وتدخل بالثلاجه تبرد
تتهنوا فيه يارب
دعواتكم 🎈