- 141
- 0
- الأربعاء, 25 أكتوبر, 2017 - 12 , صباحًا
- التقييم:
الطريقة و المقادير
طريقة السمك المسكوف 🐟
لايكاتكم وتعليقاتكم تعني لي اعجابكم بما اقدم وتدفعني لتقديم الافضل والمزيد
#سمك بلطي او سوبريم نفتحه من النص وننظفه ونغسله عدل ونملحه ونبهره
#بالنسبة الى بهارات السمك اسوي بنفسي الخلط اشتري بهار السمك افضل اللي يبيعونه الاسر المنتجه واضيف له ثوم بودر، دقوس،كمون، فلفل اسود وأحمر حار ، مسالا سمك، كاري مدراس وليمون اسود اخلطهم مع بعض جيداً واحفظهم في علبه وهذي بتكون بهاراتي للسمك
#حشوة السمك عبارة عن بصل وطماط وفلفل بارد وحار وكزبرة وثوم كلهم مفرومين نضيف لهم شوي زيت ورشه ملح وبالنسبة للبهارات نضيف بهارات السمك وفلفل أسود وليمون اسود نكثر منه شوي وبعد حطيت شوي دبس الرمان وممكن الاستغناء عنه وتمر هندي منقوع في ماي حار
#نحط السمك في صينية الفرن بعد ما نغلفها بالالمنيوم ونرش عليه شوي زيت وندخله الفرن من تحت ليما يستوي يآخذ نصف ساعه تقريباً بعدين نطلعه ونحط عليه حشوه البصل وشرائح الليمون الطازجه وشوي من دقوس صبار ندخله الفرن ونشغل عليه من فوق فقط بعد ما انحطه في اسفل رف بالفرن وعلى نار جداً هادئة لحد ما يتحمر الوجه ويقدم مع الارز
