ميني خبز عربي بقلاية الفليبس ~ .
.
.حيل سهله ولذيذه وراح تستغنون عن الجاهز وتقدرون تسوونها خبز للفطور

المقادير :
3 اكواب دقيق كويتي
3 ملاعق كبيره سكر
ملعقه كبيره خميره فوريه
رشة ملح
ربع كوب زيت
كوب وربع ماء دافيء
الطريقه :
ننخل المقادير الجافه مع بعض ثم نضيف الزيت والماء ونعجنهم حتى تتماسك ثم ادهنها بالزيت واغلفها حتى تتخمر ربع ساعه بعدها ارش السطح دقيق ثم اكور العجينه على حجم اصغر من البيضه حتى تكون ميني ليما اخلص جميع العجينه وابدا اخذ وافردهم على خفيف حتى تكون متينه مو نحيفه واسخن قلاية الفليبس على حرارة 185 درجة اسخنها قبل ب3 دقائق بعدها اشغلها لمدة نصف ساعه وابدا ادخل كل دفعه واشيك عليها كل دفعه على الاقل 3 الى دقيقتين راح تحتاج حتى تنتفخ وتتحمر
مو كل مره اطفي القلايه افضل طريقه هذي وكلما خلصنا دخلنا دفعه وتقدرون تفرزنون الزايد من الخبزات عندكم
بعد ماخلصت فتحتهم بالسكين وحشيتهم
طريقة الحشوه لذيذه تناسب اي طبق عندك حتى لو السمبوسه :
تونه مصفاه من الزيت
زيتون اخضر
ذره
رانش – فلفل اسود – ملح
الكميه حسب رغبتك
نخلطهم مع بعض ونبدا نحشي الخبز
تتهنوا فيها يارب