◾الطريقه كالتالي:
.
🔹أول خطوة تجهيز التمر وببساطه استخدمت تمر خلاص .. الطري وانسب شي لهالوصفه لان عصارته طعمها حلو وواضح
.
🔹اشيل البذور واجمع حوالي كوب تمر منزوع النوى
.
🔹بمحضرة الطعام مع كوب ماء دافي واضيف هيل ودارسين (قرفه) واخلللللط تررررر
.
🔹اذا احتجت ماء زيادة اضيفوا بمقدار فنجان بس
.
🔹بالمنخل (المشخال) اصفي التمر من القشور والشوائب واخليه على جنب .. انا محتاج كوب واحد فقط
.
◾طريقة الكيكه:
.
لأني وعدتكم بطريقه سهله وماتفرقونها عن الأصليه .. استخدمت خليط كيك بيتي كروكر الذهبي .. اخترته لانه مافيه نكهه وطعمه مناسب للتمر جدا جدا بالاضافه انه راح ياخذ لون التمر البني بشكل مناسب .. ممكن استبداله بالخليط الأبيض بس هذا احسن
.
🔹انا اتبعت المكتوب عالعلبه .. اضفت نص كوب زيت .. وثلاث حبات بيض .. بس بدال الماء .. اضفت منقوع التمر اللي سويته بالفيديو اللي طاف .. كوب واحد فقط
.
🔹وخلطت الخليط حوالي سبع دقايق .. وممكن اذا خايفين ماتضبط .. اضيفو ملعقه وحده فقطططط طحين ابيض
.
🔹المهم .. اضفت هيل وقرفه بودرة وجوز مكسر وخلطته بالملعقه عادي
.
🔹وبالقالب .. دهنته هرده (طحينية) ورشيت سمسم (اختياري)
.
🔹صبيت الخليط بالقالب وعالفرن المحمي مسبقا .. الصينية بالنص حوالي 40 دقيقه
.
🔹طلعت القالب خلوه يبرد تماما واقلبوه وبالعافيه😊👌
.
◾اما طريقه التوفي السهله وماتفرقونها عن الأصليه
.
🔹بكلللل بساطه .. علبة حليب مكثف ومحلى (نستله) نحطها بقدر يفضل تيفال او اي نوع غير قابل للالتصاق
.
🔹عالنار وتحريك مستمر لمده عشر دقايق الى ربع ساعه .. اهم شي تحريك مستمر جق جق جق
.
🔹بالاخر اضيفوا هيل وقرفه .. اذا بالغلط تأخرتوا عليه بالنار وطلع يابس .. اضيفوا شوي ماء ساخن وحركووه لما توصلوا للقوام المناسب
.
🔹مافي اسهل اعتقد .. وبالعافيه