قوامها مابين الاسفنجي والفطاير .. لها عدة طرق باستخدام الخميرة .. بس انا اخترت لكم الاسهل والاسرع واكيد ناجحه 😉👌
.
◾جهزو المقادير كالتالي: (اكواب قياسيه)
.
🔹3 كوب طحين + م.ك باكنغ باودر + نص م.ص ملح
🔹نص كوب ماء دافي شوي
🔹نص كوب زبادي
🔹نص كوب حليب سائل
🔹نص كوب زيت نباتي
🔹2 بيضه + م.ص فانيلا سائله
🔹3 م.ك حليب بودرة
🔹2 م.ك سكر
.
◾الحشوة: اختيارية .. الاهم ماتكون حشوة سائله او تكون فيها سوائل يعني مثلا لاتحطون حشوة طماطم او جبن سائل قلاصات ولا حتى موزاريلا لانه بيذوب ويصير سائل
.
🔹انا حطيت زعتر ورق وفلفل اخضر بارد وجبن فيتا وانصحكم بالحلوم افضل للحشوة من الفيتا
.
🔹عالوجه ممكن تزينوها بطماطم مفرومه بس صفوها من الماء .. زيتون شرايح ورشة موزاريلا عالوجه فقط
.
🔹نخلط جميع المكونات بدون تحديد أولوية لكن علشان لاتبربسون ابدؤوا بالبيض والسكر .. ثم الحليب البودرة وهكذا
.
🔹وخللو الحليب السائل اااااخر شي
.
🔹اضيفوا الطحين على الخليط السائل وبس يصير ثقيل اخلطو بملعقه خشب .. والحين اضيفوا الحليب السائل بالتدريج لما يصير القوام لزج
.
🔹الان اخلطوا الحشوة اللي تبونها مع خليط الكيك بالملعقه
.
🔹بقالب فرن .. رشوه بالبخاخ او ادهنوه زبده .. صبو الخليط واضربو القالب بالطاوله علشان نتأكد من انسداد كل الفراغات
.
🔹الفرن لازم يكون حااامي 200 درجه وبس تحطوها بالفرن نزلو الحرارة 180 وخلوها حوالي 20دقيقه
.
🔹او حسب قوة فرنكم .. انا مثلا فرني حامي فدايما احط القالب على صينية واحتياطا احط قطعه حديد بين القالب والصينية
.
🔹عموما يبين ان الكيكه اطرافها احمرت .. اطفؤوا الفرن وشغلو عليها من فوق يا دوبك تشقر .. لاتحرقوها 😥
.
وبألف عافيه 😊👌