تشيز كيك اللوتس البارد》
.
شكثر لازم اقولكم عن سهولتها وسرعة تحضيرها علشان تصدقون .. لكن بالمقابل نحصل على قالب فخم وروعه و #لذيذة_لذاذة_اللذوذين_كلهم😋👌
.
لف الصورة يسار ⬅️⬅️⬅️ لمشاهدة باقي الصور
.
مقاديرها جدا سهلة .. واتمنى تستفيدون من الملاحظات لنجاحها
.
🚩 أول شي ندهن القالب المتحرك القاعدة (مقاس 9 انش) بالزبدة ونغطيه بورق الزبدة بالقاعدة والحواف
.
◾نحتاج لطبقة البسكوت:
.
🔹️18 حبة بسكوت دايجستف
🔹️1 م.ك سكر بودرة
🔹️نص علبة قيمر او قشطة المعدن او نص الكي دي دي الصغيرة
🔹️ربع قالب زبدة ذايب 25 جرام
.
◾لطبقة الجبن نحتاج:
.
🔹️كوب كريمة خفق سائله 250 مل
🔹️كيسين بودرة دريم ويب (كريم شانتيه)
.
🔹️ظرف ونص بودرة جيلاتين مذوب جيدااااا بثلث كوب ماء ساخن
.
🔹️نص علبة حليب مكثف ومحلى (بحيث حجم العلبة التقليدي 375 مل نحتاج نصها)
🔹️2 علبة جبن كريمي فيلادلفيا 400 جرام وممكن استبدال كل علبة بثمانية حبات كيري (لازم تكون برة الثلاجه قبل ساعه)
.
◾للتغطية:
.
🔹️استخدمت زبدة لوتس ذوبتها بالميكروويف والتزيين بالفراوله او اي شيء ثاني (اختياري)
.
#حلويات_كلحه #تشيز_كيك_لوتس_كلحه #تشيز_كيك_كلحه
.
◾الطريقة كالتالي:
.
🔸️بالنسبه للقاعدة .. نطحن البسكوت جيدا ونخلطه باليد مع الزبدة والقيمر والسكر ونخلط جق جق جق
.
🔸️نفرد البسكوت بقاع القالب ونساوي السطح (الافضل وضع ورقة زبدة بالقاع لسهولة خروج الكيكة)
.
🔸️بالنسبة لطبقة الجبن انتبهوا عدل .. نخفق بالمكينه الكريمه السائلة مع الدريم ويب لمن يثخن وينفش .. لاتبالغوا بالخفق زيادة (نسمي هالخليط هذا رقم 1)
.
🔸️بطبق منفصل نخلط بالملعقه او الخفاقه اليدوية الحليب المكثف والجبن الكريمي جق جق جق (نسمي هالخليط هذا رقم 2)
.
🔸️بودرة الجيلاتين يتذوب بالماء جيدا ونخليه على جنب (نسمي هالخليط هذا رقم 3)
.
🔸️الان نضيف (رقم 1) + (رقم 2) ونخلط بالمكينه ثواني معدودة بس يتمازجوا ونضيف عليهم خليط الجيلاتين (رقم 3) بشكل خيط والمكينه شغاله عالسرعه الوسط .. انتبهوا اذا كان فيه تكتلات .. صبوه بمنخل او مصفاية
.
🔸️الخليط صار جاهز .. نصبه مباشرة لاتنتظروا فوق البسكوت وندخله الثلاجه كم ساعه بعدين نطلعها ونحط عالوجه اللي نحبه .. انا حطيت زبدة لوتس وزينتها بفراولة وبالعةفية