◾للكيك نحتاج:
.
🔸️نص كوب طحين ابيض
🔸️ربع كوب بودرة كاكاو
.
🚩 اذا حابينها سويسرول فانيلا حطوا ثلاث ارباع كوب طحين ونلغي ربع كوب الكاكاو طبعا
.
🔸️١ ملعقه صغيرة باكنغ باودر
🔸️نص ملعقه صغيرة ملح
🔸️٤ حبات بيض
🔸️ثلثين كوب سكر
🔸️نص ملعقه صغيرة قهوة
🔸️٢ ملعقه كبيرة زيت
.
◾للحشو نحتاج:
.
🔸️١٥٠ جرام قطع شوكولاته
🔸️نص كوب كريمه سائله
.
🔹️نذوبهم مع بعض بمغطس ماء او بالميكروويف ونضيف عليهم
.
🔸️كوب كريمه مخفوقه
.
🔹️نخلطهم بالملعقه وندخلها الثلاجه تصك ساعه تقريبا
.
#حلويات_كلحه #سويسرول_كلحه
.
◾الطريقة:
.
🔹️نحتاج صينية قصيرة الحواف ومقاسها ٣٠×٤٠ سانتي ومبكنة بورق الزبده
.
🔹️نخفق البيض والسكر والفانيلا لغاية مايتكون خليط كريمي فاتح ترررررررررررر
.
🔹️نضيف الزيت والمكينه شغاله ونكمل خفق اقل من دقيقه .. يعني ترررر بس صغيرة
.
🔹️نضيف خليط النواشف (الطحين والكاكاو والباكنغ باودر والملح) ونخفق يادوبك بس يتمازج الخليط .. يعني ايضا تررر صغيرة
.
🔹️نكمل خلط (وليس خفق) بالملعقه جق جق جق لغاية مايتمازج النواشف
.
🔹️نصب الخليط بالصينية ونساوي السطح .. وندخلها فرن محمي ١٨٠ درجه والصينية بالوسط لمدة من ١٠ دقايق الى ١٥ دقيقه
.
🔹️يعني حسب فرنكم من عشر دقايق ابدؤوا شيكوو عليها
.
🔹️نطلعها ونقلبها على ورق زبدة يكون مرشوش بودرة كاكاو .. تنقلب بحيث يصير السطح تحت وقاع الكيكه يصير فوق
.
🔹️اهي وساخنه .. نلفها على ورق الزبدة بشكل اسطواني ونخليها حوالي دقيقتين تبرد شوي
.
🔹️نفتحها او بالاصح نرجع نفردها .. وندهنها بالحشوة ونرجع نلفها مرة ثانية وندخلها الثلاجه ساعه عالاقل وبالعافية