نمورة بالفستق》

◾المقادير بالاكواب القياسية او اي كوب:
.
🔹️2 كوب سميد وسط او خشن
🔹️1 ملعقه كبيرة باكنغ باودر
🔹️1 كوب سكر ناعم الحبيبات وليس بودرة
🔹️1 كوب ماء
🔹️1 كوب لبن روب (زبادي) او لبن شراب
🔹️ملعقتين ثلاثه سمنه كبار ومتروسين او مايعادلهم زبدة
🔹️فستق حب كامل حسب الرغبه الكمية وممكن لوز شرايح ينفع على كيفكم
.
🚩 (ملاحظه .. ممكن نغسل الفستق ونصفيه وننشفه عدل قبل الاستخدام لتجنب انه يحترق بالفرن لمن نجي نحمرها من فوق)
.
#حلويات_كلحه #بسبوسة_كلحه
.
◾الطريقه:
.
🔸️ندهن صينية مقاس ٢٥ بالدهن جيداا .. دخلوها الثلاجه على مانخلص تجهيز البسبوسه .. كل ما كانت اصغر تطلع البسبوسة اسمك
.
🔸️الحين بطبق نخلط السميد والسكر والباكنغ باودر بالملعقه جق جق جق
.
🔸️نضيف اللبن الروب والماء ونخلط الجميع جيدااااا لما تختفي اي تكتلات جق جق جق
.
🔸️نصب الخليط بالصينية ونطرق الصينية عالطاوله مرتين ثلاثه طاخ طاخ طاخ علشان تطلع الفقاعات الهوائية
.
🔸️خلوها بالمطبخ .. بس لايكون وايد حار .. وممكن نغطيها بنايلون بس لايلمس النايلون سطح البسبوسه ويخربه 😏
.
🔸️وخلوها على هالحال حوالي ساعه ولا ساعتين وممكن تحتاج اكثر .. طيب لييييييش؟؟؟
.
🔸️علشان السميد يشرب كل السوائل وتصير البسبوسه شبه جامده وتنجح معاكم اكثر .. طولوا بالكم ماعليه
.
🔸️بعد هالساعتين ولا ثلاث .. نحط الفستق عالوجه ونضغط ضغطه بسيطه يادوبك بس علشان الفستق يلزق .. مو تهبدونها طراااخ 💥 وتخبصون البسبوسه على بو انه سنعات يعني 😁
.
🔸️المهم ندخلها فرن محمي مسبقا ١٨٠ من تحت فقط لمده نص ساعه الى 35 دقيقه .. يعني بس تحمر من تحت .. يبين من الحواف انها احمرت
.
🔸️نشعل من فوق ونطفي تحت .. لمن تحمر من فوق .. نطلعها من الفرن وعلطوووول نصب الشيرة الساخنه عليها
.
◾الشيرة: كوبين سكر وكوب ماء عالنار لمن يغلي نضيف عصرة ليمونه صغيرة ومطيبات حسب الرغبه ونحط ملعقه سمنه او زبده بالااااخر وهالشي اختياري تقعد على نار هادية بعد الغليان بو خمس دقايق وبس وبالعافية