صلصة طحينة《زبيدي مشوي بالفرن》

انا سويت هالصلصة وهالشي اختياري .. كيفكم يعني .. والاكل اذواق .. وعندكم عدة اختيارات:
.
ممكن تسوونها عالبارد وبدون بصل وثوم وممكن تسوونها حمسة مثلي عالنار وممكن تخلونها جنب السمك وممكن تصبونها فوق السمك
.
انا صبيته فوق سمكتين وخليت سمكتين سادة علشان ليون تتقبله وتاكله وانتو وكيفكم
.
#وصفات_كلحه #زبيدي_كلحه
.
🔸️مو محتاجه شرح .. بصل يتقلب لمن يذبل وفوقه ثوم وكزبرة ونقلب الجميع
.
🔸️ملح وفلفل وصبيت فوقهم هردة او طحينه ولبن روب وماي
.
🔸️لمن يسخن حطيت عصير ليمون ورشة بهارات عالذوق وممكن بدون بهار
.
🔸️قصرت النار لمن صارت خاثرة وبالعافية 😊👌🏻

🔸️طبعا قصصت الزعانف وفتحت الزبيدية من بطنها (في ناس تقولي من ظهرها افضل) وكل واحد براحته
.
🔸️غسلته جيدا وفركته بالطحين للاطمئنان ونظافة اكثر وبعدين تبلته بالبهارات من برة ومن الداخل
.
🔸️البهارات: كركم ملح فلفل بزار سمك جاهز وممكن شوي كمون وانا اضفت بهار بابريكا من تركيا شريته
.
🔸️بعدين حشيت بطنها بالتالي:
بصل شرايح وثوم مدقوق ناعم وبقدونس وكزبرة فريش وملح وفلفل وبهار سمك .. وكمون خفيييييف وزيت زيتون ودبس رمان (انا مسوي دبس الرمان بالبيت) 😌
.
🔸️بصينية الفرن .. غطيتها قصدير لسهولة التنظيف .. ودهنتها سمنة .. وممكن زيت عادي
.
🔸️حطيت السمك وبداخله شرايح طماطم وليمون (وعلى فكرة ماله داعي شرايح الليمون خاصه بالزبيدي) لان لحمه ترف مايتحمل حموضه زايدة ويهتري … هذا رايي الخاص 🙈
.
🔸️وعالوجه رشة زيت زيتون و رشة بسيييطه دبس رمان وعالفرن محمي مسبقا رقم خمسة او ٢٥٠ درجة
.
🔸️من تخت فقط نص ساعه .. بعدين اطفي تحت واحمرهم من فوق وبالعافية