دجاج باستا بالكريمه والليمون
◾الطريقه بدون مقادير:
.
🔹بمقلى واسع نحط زبده ونشوح فيها قطع فيليه الدجاج عالصوبين لمن تتحمر عدل ونرش عليها فلفل اسود ونرفعها على جنب
.
كنت متبل الدجاج بشوية بهارات .. تأليف يعني .. بس مو ضروري ترى .. بدون تتبيل عادي
.
🔹بنفس المقلى وممكن اضافة المزيد من الزبده .. نحط بصل وثوم ونقلبهم عدل
.
🔹عقب ننزل كوب مرق دجاج (لو ماعندكم ممكن نذوب مكعب مرق دجاج بشوي ماي ساخن) وننطر لمن يسخن واصفت شوي صلصة خردل ماسترد
.
🔹نضيف ملعقه كبيرة طحين متروسه او ملعقتين وسط ونحرك لمن يذوب الطحين
.
🔹الحين نضيف حوالي نص كوب كريمه سائلة ونقصر النار للوسط 🚩 ما نبي الكريمه تغلي ويتغير لونها .. بس تسخين
.
🔹نضيف ملح وفلفل ابيض ونرجع قطع الدجاج ونغمرها بالكريمه ونضيف كزبرة فريش مفرومه ونضيف عصير نص ليمونه
.
🔹الحين نضيف معكرونه الافضل شرايط (فيتوتشيني) بس ما كان عندي .. نكسرها شوي ونضيف ماي زياده
.
🔹نغطي القدر (بهالمرحله ممكن اضافة جبن باراميزان مبشور .. ما انصحكم بالموتزاريلا ابداا) بس همن ماكان عندي 😂 اخر الشهر شنسوي 🙃
.
🔹وعلى نار هادية يقعد حوالي نص ساعه ويمكن اكثر شوي .. وبالعافية