اذا ما كانت البامية حبة صغييرة .. وما كانت المرقه خااااثرة وباللحم الهوووباار😅 ما اكلها ولا ادانيها بتاتااا .. هذي طريقتي .. جربوها وادعولي .. تفضلوا👇
.
🔹اولا .. اللحم احبه بالعظم غسلته و سلقته عادي بالجدر الضغط مع بصله مقطعه وشوية هيل وورق غار للزفرة … صفيت المرق .. وخليتها عجنب
.
🔹الباميه استخدمت مثلجه المصرية حبة صغيرة .. ذابت .. قلبتها بزيت نباتي قليل لغاية ما تحمرت وذبلت .. خلوها تصفي من الزيت علی مانحضر الصلصه
.
🔹بخلاط ابريق الكأس .. نحط طماطم كم حبة طرية مستويه وعلبة معجون كي دي دي + ملح وفلفل وكزبرة بودرة وشوي كمون حسب الرغبه ممكن بدونه .. وراس ثوم صغير .. ونخفف بمرق سلق اللحم .. ونشغل الخلاط .. تتررررررررر .
🔹نصبه بالجدر .. وفوقه الباميه .. نخليهم بس يغلي الخليط .. نضيف تقلية الثوم والكزبرة اللي تجهزونها علی مايغلي صلصة البامية .. تسوونها كالتالي👇
.
🔹بمقلاه تحطون زيت نباتي بوفرة وتقلون فيه راس ثوم مدقوق ناااعم وبس يبدأ يتغير لونه تضيفون ربطة كزبرة مفرومه نااعم وتحركون علشان لايحترق الثوم
.
🔹تنزلون تقلية الثوم والكزبرة علی مرق الباميه وهو يغلي وتعطونها تحريكه سريعه .. تنزلون قطع اللحم .. تاخذ معاها غلوة .. وبالعافيه