فطائر البف باستري بالجبنه
المقادير..
عجينة البف باستري الجاهزه
جبنه مالحه
للوجه..صفار بيض…سمسم…حبه بركه (الحبه السوداء)

الطريقه…
نأخذ شريحه واحده من العجينة ونقسمها الى اربعة مربعات متساويه ناخذ كل مربعين مع بعض ونحشاهم بالجبنه المالحه ونضغط الاطراف بشوكه او بقطاعة الخضار المتعرجه
وهكذا الى ان تنتهي الكميه

اذا خلصنا تشكيل الفطائر من العجينة نرصها في صينية مدهونه بزيت ثم نمسح سطح الفطائر بصفار البيض ثم نرش على السطح سمسم وحبة بركه

ثم ندخلها الفرن ويكون حار مسبقا ونضع الفطائر على الرف الاسفل وعلى درجة حراره متوسطه (180درجه) ويكون الفرن مشتعل من الاعلى والاسفل عشان تنتفخ الفطائر وتترك الى ان تحمر من الاسفل بعدين ننقلها الى الرف الاعلى عشان تحمر اكثر من الاعلى

اتمنى تكون الطريقه واضحه
وبالعاااافيه

اللي تسأل عن عجينة البف باستري… هذه العجينة تشترينها من السوبر ماركت وممكن من البقاله وتجي على شكل شرائح (10 شرائح تقريبا ب7ريال واحيانا يسوون عرض وتصير 20 شريحه ب11ريال)
كل شريحه تسوين منها حبتين فطائر
وهذه العجينه تحفظ في درجات تبريد عاليه (في الفريزر) اذا اردنا نستخدم العجينه نخرجها من الفريزر ونتركها تقريبا نصف ساعه
بعدين نبدا فصل الشرائح عن بعض ولاتفصلينها وهي مجمده لانها راح تتكسر
وبالعاااافيه