الطريقة
تجهزون معكرونة رقم ٢١ تصفونها في قالب الجيز كيك
مدهون بشوي زبده او سبري
يفضل تحطون شوي بالقاع صلصة البشاميل الذ بعد بس انا ما حطيت

بعدها تجهيز حمسة اللحم المفروم
بصل مفروم وثوم مهروس ومعاه اللحم المفروم

بعدها نحمسهم عدل ونضيف ملح فلفل اسود كاري كركم كمون

ونضيف بعدها صلصة ام اف الحمرا
ونخلي الخلطة تطبخ وتثقل بعدها
نحطها ع جنب

ونسوي البشاميل
نص قالب زبدة ٣ملاعق طحين
ثوم بودر فلفل أبيض ملح
ونخلللط تالي نضيف ٣اكواب حليب سائل
ونخلط عدل عدل لما تثقل الصلصة نحط ربع كوب جبن موزريلا ونحركها شوي ونخليها ع جتب

الحين نحط صلصه اللحم المفروم ع المعكرونه ونحاول ندخلها عشان تنزل داخل اسطوانات المعكرونه عدل
ومن فوق نضب صلصة البشاميل
ونضيف جبن موزريلا عدل مدل
ونرش بهار أعشاب

تالي تدخل الفرن لمدة ساعه تقريبا ع حرارة ١٦٠فقط من تحت عشان تستوي عدل عدل

لا تحاتون ع تستوي من الصلصة وحاولو تخلون الصلصة تكون ماي اكثر وبعدها بتقولون ليش ما نسلق المعكرونه ما نقدر لانه لو سلقناها ما راح تثبت بالقالب وتوقف واساسها حجمها صغير ومايحتاج الا انكم تغطونها عدل عدل بالصلصه وتخلونها تستوي ع راحتها،،،، الرجاء قراءه الوصفة جيدا