.
#معجناتي😍😍😍
هذه عجينتي المعتمده لكل المعجنات اللي في حسابي لو تأخذين لفه على الحساب راح تلاقينها نفس العجينه … ولعيونكم😘😘راح اكتب لكم
.
.
اهم الاسرار لنجاح هذا النوع من العجينه حسب الخبره……
اولا…ممنوع اضافة اي نقطه ماء للعجينه
ثانيا…اللي ماعندها زبادي عادي تقدر تضيف بداله كوب لبن (الحامض)
ثالثا..الحليب اللي نضيفه يكون دافئ يعني اقرب للبروده
لان اضافة الحليب الحار ممكن تضعف من عمل الخميره
رابعا…لابد من التأكد من صحة تاريخ صلاحية الخميره لانها مكون اساسي ومهم في العجينه
خامسا…مده العجن مهمه لنجاح المعجنات يعني كلما زاد العجن كلما اصبحت العجينه طريه وهشه …انا عن نفسي اعجن اعجن لحد مااحس ان العجينه ودها تقول خلاص فكيني ذبحتيني😂😂 بس استخدمي قفاز اوكيس اثناء العجن
سادسا….عند الانتهاء من العجن تغطى العجينه بكيس او نايلون او سفره او ….. لمده اقلها ثلث ساعه واكثرها نصف لان العجينه اذا اختمرت اكثر من كذا راح تطلع ريحة الخميره
سابعا…وانتي تشتغلين في فرد جزء من العجينه لاتتركي الباقي من العجينه مكشوف غطيه بالكيس الى وقت الفرد

ثامنا….عشان تصير المعجنات طريه وهشه بعد خروجها من الفرن ضعيها في الحافظه الحراريه او في صينيه مغطاه بإحكام بكيس او قصدير
تاسعا….نخل الدقيق مهم لنجاح المعجنات

واخيرا…كلما جربتي العجينه اكثر من مره كلما زاد اتقانك لها …. شدوا حيلكم وجربوا ولاتنسون تخبرونا بالنتائج😘😘😘

👏👏👏مقادير العجينه👏👏👏
2كوب دقيق ابيض ويمكن اكثر (نضيف دقيق لحد ماتصير العجينه ماتلتصق باليد)
علبة روب زبادي بحرارة الغرفه
ملعقه كبيره خميره فوريه
ملعقه صغيره بيكنج بودر
ربع كوب زيت
رشة ملح
3ملاعق سكر
نصف كوب حليب سائل دافئ
الطريقه:
نخلط جميع المكونات ثم نضع الدقيق تدريجيا الى ان نحصل على عجينه متماسكه لاتلتصق باليد
وبعد 20 دقيقه نفردها على سطح مرشوش بالدقيق وتشكل حسب الذوق وتحشى حسب الذوق ثم توضع في صينية الفرن بعد دهنها بالزيت
ورشها بالدقيق
ثم تخبز في فرن مسبق التسخين على درجه حراره متوسطه
وبااااالعافيه💞💞