قبل مااكتب الطريقه ..اخيرااااا الحمدلله طلعت اللقيمات مدوره ومرتبه😊بعد ماااكانت تطلع معاااي اشكال وكائنات غريبه اتوقع باقي مااكتشفوها في الاحياء استغفرالله😁😁يعني فيه امل انها تطلع معاكم زيي
بس اتبعوا نفس الشرح اللي اكتبه واي استفسار انا حاضررره😘..وان شاء الله راح انزل لكم الايام الجايه اللقيمات بالكاسترد واللقيمات بالدريم ويب
.
.
المقادير… كوبين دقيق ابيض
ملعقه كبيره حليب بودرة
بيضة واحدة
ملعقه صغيره ممتلئة بيكنج بودر
ملعقه صغيره مملتئة خميرة
ملعقتين كبيره زيت
كوب ماء
ملعقه صغيره حبه سوداء غير مطحونه
وإذا حابه الكميه اكثر ضاعفي المقادير بكميات متساويه
.
.

الطريقه….
اخلطي جميع المقاديرمع بعض (ماعدا الحبه السوداء) لمدة خمس دقائق تقريبا بالخلاط اليدوي .. ثم أضيفي الحبة سوداء واخلطيه ثم غطيه ليتخمر لمدة ساعة ونصف
(ضروري الالتزااااام بالوقت)..
.
وبعد ماتختمر نحمي الزيت وتكون حرارته جدا هادئه
ونشكل داخله اللقيمات .

والان نجي للنقطه المهمه …كيف تخلى اللقيمات مدوره😳
اول شي نحضر فنجان قهوه مليان زيت
ونحضر ملعقه المقايس اللي شكلها نصف دائراه
انا استخدم المقاس وسط .
نحط الملعقه داخل الزيت (اللي داخل الفنجان)ثم داخل العجينه ونحاول نزبط العجينه داخل الملعقه (يعني مانخلي العجينه لها زوائد برا الملعقه نساويها بالاصبع(
ثم ندخل الملعقه داخل الزيت الحار واذا دخلناها نقلبها بسرعه….اتمنى تكون واااضحه
. .
الطريقه بالفيديو في الحساب فوق ونقلب اللقيمات داخل الزيت باستمرار حتى تكون مقرمشه واذا صار لونها ذهبي فاتح نخرجها من الزيت
ونضع عليها دبس التمر وهو اللي يعطيها اللون والطعم الحلو
نحطه في وعاء ونسوي له حمام مائي عشان يصير زي الشيره اتمنى تكون الطريقه وااضحه
إذا عجبتك الوصفه لاتنسين اللايك😘😘
وبالعاااااافيه💓💓