ثلاث خطوات …لتفريز البطاطس
والأستغناء عن البطاطس المجمده الجاهزه
.
.
💞لايك..ومنشن..تشجيع لتقديم المزيد💞💞
.

هذه طريقه ررووووعه وانا مجربتها شخصيا
عشان تحصلين على بطاطس مقرمشه ولذيذه وتستغنين عن البطاطس المجمده. .
كل اللي عليك انك تطبقين نفس الطريقه وتلتزمين بالوقت وان شاء الله تصير معك تمااااااام👍👍
.
المقادير…..
بطاطس حسب الكميه مقشره ومغسوله ومقطعه اصابع (وإذا حابه يكون شكلها زي الصووره استخدمي في تقطيعها القطاعه المتعرجه 👀👀
ملعقه صغيره ملح لكل حبتين بطاطس كبيره
ملعقه صغيره بيكنج بودر لكل حبتين بطاطس كبيره
ماء حاار ..
. .
الطريقه…
💞الخطوه الاولى…
نضيف للماء الحار الملح والبيكنج بودر ونخلطهم زين ثم نضيف البطاطس المقطعه
ونتركها في الماء الحار نصف ساعه.
.
💞الخطوة الثانيه…
بعد انتهاء الوقت نصفي البطاطس من الماء ونقلاها في زيت حاااااار مده ٣الى ٥دقائق فقط …(ضروري يكون الزيت حاااار بس مو الحراره العاليه اللي تسبب الحرق )
.
.
💞الخطوة الثالثه….بعد القلي توضع في صحن وتغطى بمناديل المطبخ وتترك تبرد ثم ترص بشكل مرتب في صحون وتغلف بنايلون تغليف الاطعمه يلف عده مراات على الصحن وتدخل الفريزر لحين الحاجه.او ممكن وضع البطاطس في اكياس بعد اخراج الهواء منها .