لمقادير باستخدام الاكواب القياسية:
.
🔸️2 كوب طحين
🔸️شوي ملح
🔸️ملعقة صغيرة زيت
🔸️ملعقة ونص صغيرة خميرة فورية
🔸️ثلاث ارباع كوب ماء وفوقهم ملعقتين كبيرة ماء دافي
🔸️ملعقة صغيرة سكر
🔸️ثوم بودرة واعشاب عطرية حسب الرغبة
🔸️بياض بيضة مخفوق شوي للدهن
.
#فطاير_كلحه #وصفات_كلحه
.
◾الطريقة:
.
🔹️بالعجانه نحط الطحين والخميرة والسكر والملح والثوم والاعشاب وبالملعقه نخلطهم جق جق جق
.
🔹️اضيف ملعقه الزيت وباصابع اليد احرك وافرك علشان تتداخل
.
🔹️اشغل المكينه واضيف الماء بالتدريج .. انا احتجت بالضبط ثلاث ارباع كوب ماء دافيء .. و رجعت اضفت فوقهم ملعقتين ماء كبار
.
🔹️خليت المكينه شغاله على سرعة متوسطه حوالي اربع دقايق تررررررررر
.
🔹️طلعتها وحطيتها بطبق مدهون زيت وغطيتها بنايلون تختمر ثلاث ارباع ساعه .. و لو خليتها ساعه احسن بعد
.
🔹️طلعتها .. فرغتها باصبعي من الهوا .. وقسمتها نصين .. وممكن نخليها حبة وحده كبيرة .. كيفكم
.
🔹️كورتها مثل الفيديو وانتبهوا تكون مدورة من الخارج لاتخلوا ثنايا فيها علشان لا تنبط وتتشقق
.
🔹️ودهنتها ببياض البيضه وغطيتها بقطعه قماش نظيفة او نايلون ينفع .. عشر دقايق تختمر اكثر
.
🔹️بعدها طلعتها ورجعت دهنتها ببياض البيض ودخلتها فرن محمي مسبقا الصينية بالوسط حرارة عالية 200 درجة من تحت فقط
.
🔹️بس بدات تتحمر شغلت الفرن من فوق وخليتها تتحمر بالكامل .. طلعتها وخليتها مكشوفه تنشف
.
🔹️بعدين قصيتها من فوق سويت لها غطا .. وفرغتها من الداخل وصبيت فيها الشوربة
.
🔹️وعلشان الاكشن .. اخذت قمع حبة فلفل اخضر وحطيت فيه عود اسنان وغزيته بالغطا 😉
.
🚩 بالنسبه الى لب الصمونه .. حمصوه بالفرن شوي .. وتاكلونه عادي .. لاتنسون ان فيه ثوم واعشاب .. يعني طعمه لذيذ .. انا احبه محمص واغمس فيه لبنه وزعتر وزيت 😍