.
🔹️انا استخدمت لحم عجل حوالي ثلاث ارباع الكيلو .. واصفت عليه التالي (الكميات عالنظر)
.
🔹️حوالي ملعقتين كبار بقسماط سادة (ممكن بقسماط بالبهارات) بهارات مشكله
.
🔹️استخدمت عدة بهارات عالذوق .. كمون و كزبرة وبابريكا وملح وفلفل اسود وفلفل احمر وبهار مشكل
.
🔹️اضفت شوي صلصة صويا .. وكنت اتمنى لو كان عندي صلصة باربيكيو .. وكله عالذوق
.
🔹️بيضة وحده .. واللي مايحب الصفار علشان الزفر يضيف البياض فقط (مع ان اللحم بينشوي وما راح يكون في زفر)
.
🔹️رشة زيت زيتون وبس خلطتهم باليد وسويتهم اقراص .. وكل قرص ضغطت بابهامي سويت حفرة بالنص (الفيديو اللي طاف قلت ليش سويت هالحركه)
.
🚩 ممكن نغطي كل قرص بنايلون ونفرزنها عادي
.
🔸️على النار .. نستخدم الجريل او اي مقلى ينفع عادي بس يكون معاها غطا احسن
.
🔸️دهنت اقراص البرغر بالزيت (لاتدهنوا المقلى) واحط الاقراص واغطيهم لما يستوي .. حوالي ثلاث دقايق كل صوب
.
🚩 لاتضغطون بالملعقه عالبرغر علشان لايطلع منها العصارة وتصير ناشفه
.
🔹️وبالاخر احط على كل قرص شريحه جبن تشيدر او اللي تحبونه
.
🔸️بنفس المقلى بس شلت البرغر بنفس الزيت اللي طلع من البرغر حطيت شرايح بصل وفطر وقلبتهم لمن ذبلوا
.
🔸️سوينا السندويشات وحطينا فيها اللي فيه النصيب وبالعافية 😊👌🏻

☝🏻) اننا في حال استخدمنا لحم العجل لعمل البرغر .. وكلنا نعرف ان لحم العجل قليل الشحم او الدهن فبالتالي لازم نضيف له دهن بنسبة الربع من الوزن الكلي
.
يعني مثلا كيلو اللحم يحتاج ربع كيلو دهن او شحم واحيانا اكثر بعد 👌🏻
.
اذا زاد الشحم عن ٤٠% ف راح تلاقون قرص البرغر ينكمش وااااايد
.
واذا كانت نسبة الشحم اقل من ٢٠% راح تلاقون ان قرص البرغر ناااشف وياااابس ويحترق بسهوله
.
.
✌🏻) والمعلومه الثانية .. اننا بعد تشكيل قرص البرغر سواء يدويا او بالأداة الخاصه .. باصبع الابهام 👍🏻 اضغطوا بالنص نفس الحفرة .. نفس الفيديو بالاخر .. لييش ؟
.
هالشي راح يساعد ان حبة البرغر ماتنكمش وايد وتحافظ على حجمها قدر الامكان