اللي عرسهم قرب خل يدشون: مرتب وملخص علشانكم

الصابرة المحتسبة · 6 يناير 2012

السلام عليكم ورحمة الله وبركاته

كويتيات الي عرسهم قرب خل يدشوون&&&&

كان هذا موضوع للنصيحة العروس والمتزوجة

وحبيت أرتبه اهني بدون الردود علشان يسهل عليكم.

وعسى ربي يوفقكم ويسمح دربكم.

الصابرة المحتسبة · 6 يناير 2012

وصاتي لكم&&&&&&&&&:

- هالله هالله بالزوج دوري راحته ولا تضايقينه بالطلبات اللي مالها داعي.
- ليدخل عليج أبد ما يشووف الا الزين ولا يشم الا الدخون والعوود.
- ترى كلمه حلوه لي رد من الدوام ما تنقص من وزنج مثل: يعطيك العافية.. عساك على القوة..
- ولا تطريله حنة الدوام ومشاكلهم خلاص رديتي البيت انسي الدوام.

الصابرة المحتسبة · 6 يناير 2012

- وخليج هبت ريح لا تصيرين رفله وكل شي على الخدامه....اهديماته انتي اللي تحطينهم وتبخرين دشاديشه.
- واذا ما تعرفين تطبخين تعلمي شوي شوي يا كثر الكتب ... زهبيله لقيمه من ايدج خليه يستانس.
- ولا تكثرين الطلعات من غير سنع .
- وأمه ديري بالج عليها وحسبيها بحسبة أمج وبين فترة وفترة اخذيلها دريريعه ولا عوود ولا الشي اللي تحبه... تكبرين بعينه.

- وترى المره لي صارت ثقيله بالقعده....... تشتري وما تبيع ! اشلون يعني تسمع حجي هالحريم بس ما تنطق ال عند الضرووره.
- لا تقولين فعلت وتركت !! يعني لا تحجين والله أمك قالت أختك سوت................. مادام مرتاحه مع زوجج خلاص.
- لي كنتي ساكنة بشقة وبتروحين زوارة حق حمولتج اي عاد مو ايد ورا وايد جدام اخذي معاج صحين يا حلو ولا مالح ولا هالفناتك اللي ما تخفى على بنياتي السنعين.

- عاد ما وصيج على داره مبخره والفراش معطر .

- ولي صار يوم الجمعة القعده من الصبح ومزهبة الريووق وبعدين الدخوون حق الصلاة.
- *واتبعي اللي يبجيج ولا تتبعيين اللي يضحكلج*يعني الرفيجة اللي تحرشج على زوجج ودور الشي اللي يضرج من غير ما تنتبهين ديري بالج منها............ والرفيجه اللي تنصحج وتبيلج الزين خاويها.
- *ولا تسولفين حق الزوج سوالف الحريم هاذي حلوة ... هاذي تسوي جذي وذيج كذاك*
- * واحفظي بيتج مو كل وحدة تدشه ولا تكثر الزيارات بيتج أولى.خاويني وخاويج واخذ ريلج وخليج.

- لا يصير التكبر طبعج ترى التواضع زين يعني لي صرتي حلوة لا يحووشج الغروور اللي ماله داعي .ولا معاج شهادة وتعايرين الزوج بانه اقل منج بالتعليم .
- ولي صار بينكم نقاش لا تشدين خلج ريلاكس........ حلوووة ريلاكس... اذا حسيتي ان بدى الزوج يتنرفز سكتي ولا كلمة ولي قال أي شي قوولي انشالله.

الصابرة المحتسبة · 6 يناير 2012

واذا كنتي تحبين شغله مثل القعده على اللابتووب لا ياخذ وقتج كله شفتي الزوج طلع وقلتي اي هاذي فرصتي* لأ أول شي رتبي شغلج ان كان عندج ترتيب ولا تنظيف, وبعدين غسلي وبدلي اي عاد موو كله بيجامه على ابو انه برد وبيجامتي كشخة وشاريتها بسعر كذا لأ اتعرفوون ماشالله عليكم كيييييييييلكم كشخة وتحبووون الزين, مع حميره وكحيله وبعدين عاد تفرغي حق اللابتوب.

- * ولا يدخل الزوج الدار الا وهي مبخرة معدلة*
- *وهالله هالله بالدلع الحلو مو الدلع الماصخ*
- وديري بالج حيل لا طولين لسانج خلج بنيتي السنعه اللي لي قال الزوج شي ما يخالف ربج ولا يغضبه قالتله المره أبشر.

- *لي صار الزوج يحب الكورة ويحب يتابع المباراة لا تضايقين أبد زهبيله الجاي والمكسرات والبسكووت وحطيلة وما يمنع تقعدين معاه مجامله وتباشرينه كلها 45دقيقة وان كثرت 90دقيقة (ماشاالله علي بعد اعرف وقتها خخخخخخخخخخخ) واذا يبي هدووء خليه على راحته*
- *ها ديري بالج من الحنة والرنة* يعني لي ما لبى طلبج لا تقومين تحنين وتزعلين طولي بالج ووسعي صدرج صدقيني لي هديتي يمكن يلبي طلبج وانتي ما تدرين.
- *نار زوجي ولا جنة هلي* اشلوون: مهما اختلفتوا وما هما صار مشاحن بينكم ترى حتى المصارين بالبطن تهاوش صبري وتحملي , ترى المره مالها إلا بيتها .
- *عاملي زوجج كأنه طفل كبير* الزوج محتاج الحنية واللين بس عاد لا يصير زايد عن حده وتلوعين جبده ترى الشي لي زاد عن حده انقلب ضده.

الصابرة المحتسبة · 6 يناير 2012

* ولي رحتي معاه السوق وحسيتي انج طولتي من غير ما يتكلم قوليله يلا مشينا البيت الوقت أخذنا اللي ما لقيناه بعدين ارجعله السوق ما راح يطير*
- اذا كنتي تشتغلين مو أول ما ياخذج تعطينه بطاقة السحب هذا حقج وتعبج بس كل شي بالهداوه لي عرف انج متمسكة بحقج وبفلوسج من أول مرة خلاص ما يقرب ... بس هذا مو معناه انج ما تساعدينه , اشتري من طيب خاطرج للبيت لأن أول وتالي هذا بيتج*
- ديري بالج وحط تحتها مليوووووون خط أحمر من الرفيجات اللي يوزونج على زوجج ويحشوون اذنج بسوالف مالها داعي ومو كل شي ينقال تسوينه فكري وتريثي.

- لي صرتي مع هله على غدا ولا عشى لا تقعدين إلا لما تقعد أمه على الصينيه .. ولي ما عجبج شي من الأكل لا تبطلين حلج ولا تذمرين ..
- الحيا الحيا الحيا زين ما ترفعين عينج على ريل غير زوجج ...
- لي سمعتي خبر مو زين يضايق لا تطرينه لزوجج وقت الأكل ولا وقت النوم ............ لي صار وقت العصاري وحزت الجاي قوليله.
- مو كل شي ينقال حق الزوج: سوالف خاصة مع امج ولا وخيتج ولا رفيجتج لا تقولينها.
- لا تحاسبينه على الطلعة وين رحت ومتى بترد ؟ تزوج يبي يرتاح ما يبي تسجنينه .

- لي قعدتي بالصاله مع حموولتج لا يصير الضحك بصووت عالي ومن غير سنع .
- لا تعودينه انج انتي اللي تجيلين البيت من الفرضة وسووق السمج انتي الرقة والعذووبة.

- الحيا الحيا الحيا زين.
- ولما يدق تلفونه لا تشيلينه الا اذا قالج.
- التجديد بكل شي بس عاد مو تبذير.
- احترامه جدام الغير.

الصابرة المحتسبة · 6 يناير 2012

- واذا شفتي عليه زلة لا تعايرينه فيها كل منا يخطي .
- لا ينام وهو زعلان منج اي ديري بالج.
- وعليج بأذكار اليوم ترى تحفظج وتحفظ بيتج من العين والحساد.
- ولي صارت عليج اللي خبرج لا تهملين نفسج .
- ولي بغيتي تذكرينة بالصلاة مو بصراخ ترى دينا ترغيب ما هو ترهيب.
- نظمي وقتج.
- ما يمنع تشتريله هديه حلوة بمناسبة ولا غير مناسبة الرسول صلى الله عليه وسلم قال: " تهادوا تحابوا" اشلون مع زوجج .
- لا تهاوشون على أتفه الأسباب ترى الشيطان مزهبها ناطر بس تهاوشوون ويكمل الباجي الله يلعنه.

- لا تبذرين ولا تبخلين خير الأمور الوسط.
- لي بغيتي تعزمين أول شاوري زوجج شوفيه راضي ولا يبيها مرة ثانية.

- لي نقد عليج بشغله انتي مسويتها لا تمدين البوز واتزعلين.
- مدحي زوجج بس عاد مو بزوود اتعرفون.
- لي بغى يسبح زهبي اهدومه والفوطه.
- لا تحاسبينه على البيزات اذا كان يعطي اميمته.
- مو كل عرس رحتي ولا استقبال أول الحاضرين الحين انتي عروس وراج منو اللي يحاسبج بالدخلة والطلعه.

الصابرة المحتسبة · 6 يناير 2012

- (البنت ) هذاك قبل انتي ألحين مرررررررررررررررررره .... يعني تنحسب عليج قومتج وقعدتج.
- ترى دارج ما راح تكلفج شي لو انتي بنفسج رتبتيها ................. يعني لا لا لا تخلين الخدامة اهي الا تلقط اهديماتج واهديمات زوجج الدااااااخلية من وراج .
- وميمتج وميمتج وهذا المفرووض أكتبة من الأوليات لاتنسينها .
- (انا الربيت ولغيري صفيت) اياني وياج تقولها الخالة .

- خصوصياته مايبي يقولها لج كييييييييييييييييفة لا تجبرينه.
- لي صادفتج أي مشكلة وانشالله ما تصادفج لا تركضين حق الزعل والتشكي لفلانه وعلانه.
- ما في وحدة بهالزمن ما تعرف كلكم تعرفون كل شي من الأف ليما الياء اشلون تسنعون وترتبون وتشيلون وتحطون.

لي عطاج الزوج هديه اشكريه وقوليله ماقصرت لا خلا ولا عدم .......... مو تقوليله : وع شنو هذا , ولا رخيصة , ولا ليش ما له داعي جان خشيت البيزات ليش التبذير ....... حمدي ربج والله لو ما بين ازعله جدامج بينه وبين نفسه بيقول ليش جذي.

- ولي شريت شي خااااااااص حقج مو تركضين تقولين حق رفيجتج تعالي يا فلا نه شوفي شنو شريت , منو رايه يهمج ما غير زوجج.
- واياني وياج تطاولين على ربعة ولا تنقدين عليهم .
- ترى ما أقول الكلام هذا إلا لمصلحتكم وحبي لكم .
- وترى ما فيها شي لي جذبتي عليه وقصدج تقربينه من امه ولا اخته .

الصابرة المحتسبة · 6 يناير 2012

- الزوج مو كل يوم تلاقينه مستانس ومرتاح لي شفتيه متضايق من غير ما يحس وبأسلوبج الحلو توفريله الراحه وتهدين الجو ولي بغى يسولفلج اسمعيله ولا تحقرينه .
- اي وبعد سالفة انج تغارين من هالبنات ترى انتي ازين منهم واحلى بطيبتج وحلاوة لسانج حقه وبسنعج يالله من فضلك .

- ولي قعدتي بمطعم ولا أي مكان لا تقومين تبققين عويناتج على اللي رايحه واللي ماره .
- انا ادري كلكم فيكم سنع والله يحرسكم بس ان التذكرة تنفع المؤمنين .
- بعض الأزواج ما يحبون الصوت العالي من المرة .
- ومن البداية لاتخشين عنه شي .

- الأزواج أكثرهم ما يحبون يبينون حبهم او عجابهم للمره ....... انتي لاتزعلين وتضايقين لي لبستي وكشختي وما تحجى لا يمد البوز ما يخالف يا بنيتي تحملي تدرين ليش لأنج انتي لا إله إلاالله عندج صبر وقوة تحمل غير بس انتي مو حاسة الولادة والسهر على الجاهل شفتي

- واذا زعلتي منه وانشالله ما يجي الزعل لا تقربين لأي شي يوسوس لج الشيطان تراه ملعون الله يلعنه .
- ها ديري بالج من الإنترنت تعرفون ما يحتاج أوصيكم عيني عليكم باردة.
- وبصالة العرس وقبل ما تدشينها المعوذات وسورة الكرسي ......... والله خير حافظ.
- لا تحاتين شي بالعرس ربج معاج ويحرسج ..... انتي القمر انتي الحلا كله انتي شيخة المزايين انتي اللي ما فيه احد أكشخ واحلى منها .. ثقي وآمني انج بتعجبين الكل وأولهم زوجج.
- ما يخالف وسعي صدرج لي بغى هله يصورون معاج تراها كلها جم دقيقة وتخلص .

الصابرة المحتسبة · 6 يناير 2012

وألحين دور زوجة الأخو:- بنت الناس لي صارت في بيتكم عديها مثل اخيتج وحطي مكانج مكانها ...... لا تكثرين ولا تنقصين .
- ترى ما يمنع تفقدينها من غير ما تحس .
- ولي صارت فيه طلعة ولا عزيمه قولي لها وهي كيفها.
- لا تشيشين أخوج على مريته ديري بالج .
- لي لبست شي ولا سنعت بالبيت امدحيها ما يضرج.
- واذا قعدت معاكم بالصالة قدريها وسمحي الوجه والله يطرح البركة فيج.
- لي بدا منها شي وضايقج أول مرة طوفيها لها والثالثة اخذيها على صوب وباسلوبج الراقي وضحي لها.

- لي صارت مرت أخوج طالعة بشقة ما تقاطعينها زوريها وسألي عنها.
- خير الأمور الوسط بكل شي.
- وإذا كانت عندها عزيمه وهي بريحاتها ما يمنع تساعدينها وحسبي الأجر عند ربج.
- لا تدخلين بحياتهم ديري بالج.
- لا حد يوزج عليها ويقولج سوي جذي ولا تسوين ترى ما يحب مصلحتج إلا اللي يدور الحب والجمعة بينكم .
- وما يمنع هديه حتى لو تكون بسيطه تراها تقرب النفوس.

- لا تشيشين أمج عليها.
- ولي صارت مريضة سألي عنها وزوريها, وإذا ولدت هالعصيدة ولا حسو, مرقوقة طرشيلها.
- لا يصير الزعل على شي تافه كبري عقلج أدري انج حبيبه.

الصابرة المحتسبة · 6 يناير 2012

ألحين نروح للخاله : - أدري انتي أم وتحبين ولدج وما ودج يفارقج بس هذي سنة الحياة وهذا انتي اللي تمنيتيه صار.
- ألحين اهو ومرته بكيفهم حياتهم الخاصه لا تدخلين فيها , مادام ما اشتكالج ولا بين لج .
- حطي مكان بنت الناس مكان بنتج عند حمولتها اشلون ودج يعاملونها .
- مدحيها جدام ولدج وجدام الناس واكسبيها بصفج والله لوهي شينه بتلين وبتحبج غصبن عنها.

ولي جابتلج هدية لو هي بسيطه اشكريها واستانسي فيها واذا كانت دريريعه البسيها من باجر , واذا كان خنة وعود حطية وتفاخري فيه جدامهم كلهم.
- لا تنبشين وراها بأي شي.
- اذا كانت تدرس ريحيها ولا يزعجونها العيال بحزة الإمتحانات.
- لاتشرطين عليها وتآمرين بكبر وانا متأكده انج أكبر من جذي.
- واعذريها لي قصرت بشي وراها دراسه ولا دوام .
- لي رحتي السوق معاها حطي بدياتها جم بيزة اذا كانت ماتشتغل توها بابتسامه وجه سمح.
- لي ما صار حمل نطري عليها لا تضايقين وتكدرين الباجي كله من ربج سبحانه يرزق ويحرم له حكمته وعسى ربي لا يحرمكم يا حبيباتي آآآآآآآآآآآآآآآمين يا رب العالمين.

- تفقديها لي صارت عندج وناديها تقعدون مع بعض هالجاي والقهوه والشغل الزين .
- واذا طبخت اي شي لاتطنزين وتعيبين لي صرتوا بروحكم بكلمه حلوه وأسلوبج يالله من فضلك ما عليج قاصر كلج سنع ومنع وتعرفين يا مربيه الأجيال قوليلها ترى كان ماالح شوي ولا ماسخ ولا كانت الكيكه عجين انشالله المرة الثانيه احسن وتصكين على احسن شيف بعد.

الصابرة المحتسبة · 6 يناير 2012

ألحين دور الزوج: - يا وليدي أدري انك قدها وانت فيك المعدن الكويتي الأصيل راعي الشدايد والفزعات صاحب الطيب والنخوة .

- البنيه لي خذيتها حطها بعيونك اطلعت من ذمة أهلها وصارت بذمتك دير بالك عليها .
- الدنيا بالهداوه تمشي وتعلمها على طبعك شوي شوي .
- بالهون عليها الرسول صلى الله عليه وسلم قدوتنا * رفقا بالقوارير*, لي شفت أول ايامك ان عندها طبع وانت ماتحبه تحمل ترى عندها الزين كله يالله من فضلك بنياتنا ما فيه أسنع منهم.
- لا تنقد عليها وقصدك تزعلها وانا متأكده انشالله ان ما فيك هالطبع , بس احرص اذا بغيت تنقد جيبها على غشمره .
- امدحها بلبسها وكشختها وسنعها .
- حشمها جدام أهلك واحترمها مثل ما انت تبي حتى اهي تبي .
- لا تآمر عليها بتعالي جدام اهلك.
- عاونها ومو عيب الرسول صلى الله عليه وسلم كان يساعد.

الصابرة المحتسبة · 6 يناير 2012

- ترى يا وليدي البنت من طبعها الحيا ........... لا تدوس عليها زايد توها بأول أيامكم شوي شوي بتعود عليك .
- لا تحقرها وهي تسولف ولا تبي منك شي وتمشي وتعطيها ظهرك.
- أدري ما شالله عليك عسى الله يحفظك انك مو محتاج لبيزاتها لا تقرب لتعبها بالعكس اصرف عليها وكسوتها توصلها هذا حق لا تبخل عليها يا عل ربي يوفقك.

- لا تحاسبها على شي اشرته من بيزاتها , واذا حسيت انه تبذير وماله داعي قولها بلين واقعد معاها مو بصراخ ونجرة اللهم يا كافي .
- لي طبختلك وما عجبك انطر عليها ما حد طلع من بطن امه فاهم.

الصابرة المحتسبة · 6 يناير 2012

- زوجتك ترى تمر ساعات بشي يضايقها مثل أيام ............ والنفاس فحط بالك ات اذا شفتها معصبة شوي ولا على طريف دور الزعل لا تلومها قدر يا عسى ربي يحفظك.
- طول بالك واحط تحتها مليون خط......... اذا كانت شوي باردة بشغل البيت ولا بأي شي توصيها عليه .
- الحب الحب الحب كثر ما تقدر عطها ولا تبخل عليها انت عندك عادي بس الزوجه لا تحب اللي يتودد لها ويداعبها ويتغزل فيها وما شالله تبارك الرحمن بناتنا يستاهلون.

- ترى حلوه منك لو تكسر الروتين من غير موعد وتاخذها يا غدى ولا قعدة قهوة ودونيت(حلوه مني ههه) تغيير حلو.
- يا زينك لي قمت توصلها دوامها وانت بهالصبحيه ماسك ايدياتها والرحمن حارسكم.
- لا لا لا لا تسمع لأي واحد يوزك على مريتك, ولا يشيشك عليها.

الصابرة المحتسبة · 6 يناير 2012

- ياوليدي كلش ولا تقارنها بأي وحده ان كان من الجمال ولا الجسم ولا الطبخ ولا أي شي ............. ترى ما فيه أسنع من مرتك.
- وإذا بتناقشون لا يرفع الصوت.
- ان قعدتوا بمطعم ولا بأي مكان عينك على مريتك.
- ترى الرجل الفاهم والعاقل يبدي عقله ويكبر مخه ولا يستعمل............ في التفاهم.

- الدين وصى بإعطاء الزوجه كافة حقوقها وانت يالغالي ما تقبل انك تقصر عليها.

الصابرة المحتسبة · 6 يناير 2012

ألحين دور الرفيجه:- قبل كنتي حيل معاها ما تخشون شي عن بعض لكن ألحين رفيجتج تزوجت وصارت على ذمة زوجها لا تدخلين بحياتهم ولا تسألين عن أي شي ما يخصج أدري انتي سنعه وتعرفين.

- لا تكثرين بلإتصالات كل شي له وقته واحرصي لا تزعجينهم بأوقات يكونون قايله ولا باليل متأخر حدج لي الساعة 8 وخلاص نطري باجر ما راح يطير الموضوع.
- لا تعزمينها على مطعم ولا روحة سوق ولا أي مكان إلا لما تتأكدين زوجها راضي.
- واذا حسيتي ان زوجها شوي مضايق من جيتج ولا روحتج ابعدي من غير ما تحسسينها.
- لالالالالالالا تترسين راسها بسوالف ما لها داعي.
- اذا انتي صج تحبينها وتمنين لها الخير احرصي على سعادتها.
- الصاحب ساحب فكوني خير صاحب لها بكل ما يرضي ربج علشان يوفقج ربج ويرزقج مثل ما رزقها.

الصابرة المحتسبة · 6 يناير 2012

ألحين بتكلم بصوره عامه للطرفين:
- ترى الحياة الزوجيه أخذ وعطا وهي مثل ما تحب ولا تحبين انج أو انك تاخذ هم ملزوم انك او انج تعطين.
- ودوروا وتعبوا على راحتكم .
- ترى الحياة مو كلها حلوه فيها يوم حلو ويوم مر واليوم المر ما يطول بتغلبونه باذن واحد أحد.

الصابرة المحتسبة · 6 يناير 2012

- لا يهمكم كلام الناس كل من يشوف حاله.
- وازرعوا الضحكه وخلوا دوم البسمه بوجيهكم صدقوني بمر اليوم باحلى أوقاته وساعاته.
- اذكروا الله بكل شي علشان ربي يطرح البركة فيه.

الصابرة المحتسبة · 6 يناير 2012

كل وحده فيها الزين وفيها .... بس صدقوني بنات الديره بداخلهم طيبه ومعدنهم أصيل ومردهم يردون ......... فحبوا بعض والوحده لا تحقد على أخيتها ويا عل ربي يبعد عنكم الحقد وكل أمر مكروه وترى النفس أماره بالسوء فلا تخلونها تغلبكم انتوا قدها انشالله..... ولي جاتكم العروس تاخذ رايكم انها اشلون كانت بعرسها جاوبوها بانها كانت تهبل وكانت قمر ترى العروس مهما كانت لاإله إلاالله وجها ينور لا تقولون مكياجها والله مو حلو ولا النفنوف ..........إلخ,,,,, ان ضايقتيها بجيج اليوم اللي بيضايقونج فيه ..... وخلكم دوم ايد وحده تخافون على بعض وتحبون مصلحة بعض .

الصابرة المحتسبة · 6 يناير 2012

يوه نسيت اكلمكم عن الراس العود العم ابو الزوج تعالوا تعالوا............
- ألحين انت ياطويل العمر زوجت وليدك لاتصغره جدام مريته وتقلل من شانه.
- واذا بويتك يالله من فضلك كبير وواسع خله يسكن عندك أحسن ما يقط على هالأجارات اللي تقص الظهر.
- وعد مريته جنها وحده من بناتك .
- امدحها جدام وليدك في طباخها ولا سنعها بالبيت.
- لاتحط عليها لي قعدتوا بالصالة وانا متأكده انك أكبر من جذي.
- علم ووص بنياتك ولا عيالك انهم يحترمونها ويقدرونها اطلعت من بيت أهلها معززه مكرمه فلا تبخل عليها.
- أسأل عن والدينها وعساهم بخير.
- وص وليدك يحطها بعيونه.
- لا تدخل الا عند الشدايد.
- تنقصلها بشي اهي تحبه ان كان ميوه ولا كاكاو ولا برد ولا وجبه من مطعم ما فيها شي بنيتك وانشالله بتجيبلك الحفيد اللي يترس عليك البيت وما أعز من الولد إلا ولد الولد.

- بالعيد عطها عيديتها باللي تقدر عليه.
- غشمرها وسولف معاها وحسسها بالأمان وانها ما راحت بعيد عن أهلها.
- لي شفت مريتك تضايقها مره مرتين ثلاث قول لها بينك وبينها لا تعود

الصابرة المحتسبة · 6 يناير 2012

- ترى فيه فرق بين الحسد والغبطه: لي عرفتي ان فلانه حسوده لا تسولفين لها عن حياتج ديري بالج, أما الغبطه محموده انج تذكرين الله على النعمه وبنفس الوقت تمنين ربج انه يرزقج مثلها.
- ولي ربي يرزقج بالزوج اللي منعم عليه ربي لاتكبرين على هلج وربعج ترى النعمه زواله.

- وربي سبحانه ارزقج بالضنى لاتنسين الزوج ترى بيغار منه حطي بالج.
- والدنيا ماهي كل يوم حلوه بس الذكي اهو اللي يعرف اشلون يمشيها على هواه : بالإستغفار وذكر ربي والصلاة بتصير الدنيا أحلى وأزين.
- ابتسمي اليوم ودوم : اشماخذين منها كلها فانيه لاتزعلين روحج وخلج قويه وما يهزج ريح ياقلبي.

اللي عرسهم قرب خل يدشون: مرتب وملخص علشانكم

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

**مشرفة قسم ذوي الإعاقة **

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة

مشرفة قسم ذوي الإعاقة