بناااااات تكفون اللي درست في الجامعه المفتوحه تدخل؟؟واللي تعرف معلومات حياها

هلا أختــــــــــي
صراحه انا ماعرف فيها شي
بس اختي فيهااااااااااااااااااا
وهم تخصصها تربيه
اللي اعرفه ان دراستهم تعتمد على الطالب نفسه90%
وتنبي انسان متفرغ لهااااااااااااااا

و الله انا اختي توه متخرجه منها بس انا كنت اداره اعمال الجامعه مو بس تعتمد علي الطالب فيها حضور بعد و المواد صعبه بس التربيه ما ادري و الله ، الله يوفقج

مشكورين خواتي

ونبي تفاعل .. وينكم بنااااااااااااااات ردوا علي

حبيبتي اللي اختج درست فيها خليها تفيدنا .. الله يوفقج

السلام عليكم حبيبتي بالنسبه لتخصص التربيه ففيه وايد مشاكل عليه يعني طلبه التربيه الله يعينهم كل شوي قاطينهم بمشكله .

بالنسبه لتخصصات المتاحه فهي : تخصص اللغه الأنجليزيه ، الحاسوب ، الأداره ( نظم و اقتصاد) .

من حيث العتراف فهي جامعه معترف بها من قبل التعليم العالي و بموافقه من مجلس الوزراء و الدليل انه في جم دفعه تخرجة.

بالنسبه للرسوم الدراسيه فهي تتراوح بين 350 _ 700 دينار بالكورس الواحد و طبعا يعتمد على التخصص. ( ليش ان الحقيبه الدراسيه لكل تخصص غير) .

النظام الدراسي : فهو يعتمد على الطالب تقريبا 90% و يمكن تلاقين صعوبه في البدايه ليش ان احنا مو متعودين نعتمد على روحنا بالدراسه و ان كل شي هلى الدكتور او المحاضر. اي نسيت اقولج ترى اغلب المواد تعتمد على اللغه الآنجليزيه.

مستوى الدكاتره: هم عزيزتي يعتمد على التخصصات يعني يمكن بس اقدر افيدج بخصوص دكاتره اللغه الأنجليزيه.


و اي شي تبين احنا بالخدمه .

مثل ماقالت كتكووتة

التربيه للحين حايسين ما يدروون شيسوون كل شوي طاعلهم شي الله يعينهم

بس شكلهم بيستقروون الحيين ^_^

ودراسة التربيه بالعربي بس باجي التخصصات انجليزي

والرسووم على حسب المواد اللي تاخذينها لان كل مادة لها سعر

والدكاتره للحين زينين ما شفت منهم شي

بس الله يستر من اللي ياي ^_^

والله يوفقج

هلا حبيبتي أنا توني داخلة الجامعة ومافي تخصص التربية لغوه
أما الباجي مثل ماقالو البنات الدراسة تتعتمد على الطالب نفسه والحضور مهم والدراسة كلها بالانجليزي بس في مواد اختيارية بالعربي

السلام عليكم ورحمة الله وبركاته


أختي انا طالبة تربيه في الجامعه العربيه المفتوحه ... وانا خريجه صارلي اربع سنين وأعرف كل صغيره وكبيره بالجامعه الحمدالله بعد هل سنين والخبره ..

شوفي اختي كلام خواتي الي قالوه صحيح ما راح ازيد عنه شيئ .... بس ما لغوو تخصص التربيه موجود لي اليوم وانا طالبه تربيه خريجه هل كورس بتخرج ان شاءالله ...


في البدايه تخصص التربيه كان مخصصينه عام لجميع المجالات يعني كل المواد ندرس في التعليم الابتدائي ... ولما رحنا نبي نتخرج التعليم العالي ما وافق على الاعتراف بشهادتنا .. .

قامت الجامعه وسوت تعديل على التخصص وصار تخصص تربيه لمادة عربي ولمادة رياضيات ولمادة أجتماعيات ...

يعني الي يبي يدخل تربيه يتخصص بواحد من هل مواد الثلاثه .. وبعد تخرج اول دفعه من تخصص التربيه .. راح يفتحون تخصصات ثانيه بالمستقبل ان شاءالله الي اهيا انقليزي واسلاميه وحااسوب بس هل تخصصات ما فتحوها الحين يبيلها وقت على شان ينفذونها بالمستقبل ...

تخصصات التربيه الموجوده الحين بس هل ثلاث (رياضيات ) (أجتماعيات) (عربي) بسسس

انا تخصصي اجتماعيات ... شوفي حبيبتي الحضور مهم جدأ وياخذ نسبة 25% من درجات الجامعه يعني اذا غبتي اكثر من نص المحاضرات بدون عذر طبي يعطونج حرمان من الفاينل ...

تخصص التربيه اذا تخصصتي رياضيات لازم تعتمدين على الفهم بشكل كبير لازم تكونين فاهمه عدل عشان تمشين

واذا تخصصتي أجتماعيات يعتمد على الحفظ بعد بشكل كبير ...

اذا تخصصتي عربي طبعا لازم تكونين حابه القواعد والنثر والشعر وهل سوالف الأدبيه ...


الأسعار مثل ما قالت اختي على حسب المواد .. يعني بالكورس يكلفج من 350- 600

دكاترت التربيه اغلبهم حبوبين ومتعاونين مع الطلبه ...

في تشدد شوي بالنسبه للي يطنشون ...

وبالنسبه لتقسيم الدرجات لتخصص التربيه .. 50 فاينل و 50 تتقسم على اعمال الفصل والحضور والواجبات والكوزز ...

الدراسه فيها حلوه بس يبيلها شوي مجابل بدون تطنيش عشان المعدل مهم . .

والكيرف يلعب لعب بالدرجات لازم تكونين شطوره وتحرصين على درجاتج تكون مرتفعه عشان تمشين ..

والحين ماكو تسجيل لتخصص التربيه لين ما يخرجون اول دفعه من التخصص ان شاءالله هل كورس

أدعولنا بالتوفيق ونتخرج على خير من هل جامعه يارب

وبالنسبه للأعتراف بالشهاده أكيد معترف فينا .. وخاصه عقب ما عدلوو على نظام التدريس بتخصصنا

بالتوفيق أختي وان شاءالله تحققين رغبتج وتتوفجين

حنان84 قال:

في تخصص بدنيه ودي اصير مدرسة العاب ودي

أنقر للتوسيع...

3azezty hatha el ta5a9o9 mo mawjood

laish ma etro7een el tarbya el asasya 3endhom hatha el ta5a9o9 o

3ala fekra el jam3at el 5a9a ma 3endhom hatha el ta5a9o9

صج يعني الكورس الجاي بيبطلونه والله ودي ادرس على حسابي الخاص مليت من كوني سكرتاريه مشتهيه ادرس اجتماعيات اموووووووووووت فيه

-------------------

في تخصص محاسبه ؟؟

kuwaitya_20 قال:

في تخصص محاسبه ؟؟

أنقر للتوسيع...

walla 7abebty ma sema3t ena efta7aw aw yabon yft7on ta5a9o9 mo7asaba kel el mawjod

english, 7aseb aly , edara beshaqayha el no'6om o eqte9ad

اشكثر يبون نسبة ؟؟

you 2 قال:

اشكثر يبون نسبة ؟؟

أنقر للتوسيع...

2.00 wenty 6al3a 7aboba hatha 3ala el ne'6am el ydeed

السلام عليكم

انا زوجي يدرس بالجامعه المفتوحه
وانشالله وباذن الله راح يتخرج هالسنه

واهم شي بهالجامعه انها تعتمد عالطالب مثل ما قالوا خواتي 90%
وتخصص زوجي تقنية معلومات
وايد صعبة الله يكون بعونه ويتخرج

اذا حابه تدرسين توكلي على الله

7abebty lolo77

ma awa9ech tad3ely ba3ad 3ashan alla yfkny men hal jam3a wa5al9 a5er sena ly enshalla

الله يوفقج اختي كتكوتا
وتتخرجين باذن الله

دلول التربيه يعطون دورات للي يبون يكملون دراستهم بس أعتقد بتخصصات يكون فيها نقص مثل حاسب آلي وغيره ويمشون لج نص راتب يعني اجازه دراسيه اعتقد يكملون بالتربيه الاساسيه

تعالو بنات انا لايعه جبدي من تخصصي حاولت أحوول للمساند ماقدرت يصير ادرس على حسابي وأغير تخصصي بعدين