علاج سريع و فعال للامساك

السلام عليكم و رحمة الله و بركاته...
العلاج فعال و نتائجه مضمونه انشالله و عن تجربة شخصية...
بعد معاناه طويله و متعبه مع الامساك اللي سبب لي شرخ و بواسير :eh_s(2):و كنت ما انام بليل و لا اقعد راحة الصبح :eh_s(11):
لقيت العلاج...
لعلاج البواسير و الشرخ لازم اعالج الامساك :rerrerek:
و علاج الامساك تشربين وايد ماي و تاكلين اكل فيه وايد الياف ... بسس انا اصلن ما اكل وايد و ما اشرب ماي وايد ؟؟ حاولة لكن ما قدرت ...

الشي الوحيد اللي ياب معاي نتيجة كان شاي النعناع
من ثاني يوم بدون مبالغة حسيت بالفررررررق
و صرت كل يوم وترك اشرب كوب من شاي النعناع و الحمدلله لين الحين كل شي تمام صارلي 3 اسابيع و انا مفتكه من الامساك
و اذا مافي امساك يعني انسي معاناة البواسير و الشرخ :ggdw: انشالله

انا قلت اكتب هذا الموضوع و لو انه مو خوش فكره حق اول موضوع لي بس حبيت افيدكم لان ادري في وايد ناس تعاني من هذي المشكلة

طريقة عمل شاي النعناع :

الجاهز :
ماركة العطار ( انا صراحة كنت يايبته من سوريا) بس تقدرون تحصلونه عند جمعية الحرس او جمعية الجيش... انا اذكر مرة شفته هناك ... يي على شكل تي باق مثل الليبتون
تحطين ماي مغلي في كوب و تحطين فيه ال(تي باق) و تغطي الكوب بورق قصدير و تتركيه ينقع لمده ما تقل عن 5 دقائق.... بعدين تشربيه كله( انا اخلي التي باق داخله).... كل يوم و ترك او كل يوم

الطبيعي ( الفريش):
تجيبي النعناع ناشف او طري(تقريبا 7 او 8 اوراق) و تحطيه في كوب ماي مغلي و تغطي الكوب بالقصدير و تتركيه ينقع لمدة 10 دقائق ... بعدين تصفيه و تشربيه...

انا اضيف سكر للتحلية... مرات اشربه دافي و مرات حار

انشالله تستفيدون من موضوعي المتواضع

Zaina alotibi ... الله يعافيج حبيبتي
miss-007... انشالله مثل ما ارتحت من بعد ها لعلاج ترتاحين انتي بعد ... و طمنيني عنج بعد ما تجربين و اذا تبين تسألين عن اي شي انا موجوده انشالله
بنت الكويت... العفو حبيبتي و انشالله الإفادة توصل لأكبر عدد من الأخوات اللي محتاجينها ...