بنات صراحة هالكادر اللي مادري شنو سالفته
كل مايقرب يقرونه ونقول خلاص
نلاقي يطلع شي وما يقرونه
الحين عقب أنباء استقالة وزير الخارجية
مايندرى أصلا الجلسة بتصير يوم 25 ولا لا
اذا ما استقالت الحكومة
صراحة بنات
أغلب الكوادر قاعدين يقرونها وزيادتهم أكثر منا عليهم بالعافية
بس ليش يستكثرون على المعلمين
كادر النفط طالبوا فيه وبسرعة أقروه
وكادر الفتوى والتشريع وكادر التحقيقات وبأثر رجعي من 2009 وأقل زيادة فيه 680 للفتوى
والجمارك إن شاء الله بيقرونه لهم
بس احنا تدرون ليش
لانه جمعية المعلمين
بتصريحها العجيب واللي دايما تصرح فيه
لن نضرب وإن كان الإضراب يحقق الكادر
يا سلاااام عيل ما نفكر بالكادر ننساه
بينما لوتشوفين تصريحات النقابات الثانية للي أقروا لهم كوادرهم
بتلاحظون الفرق بينهم وبين جمعية المعلمين
قضية الكادر لا تحتمل المتاجرة فيها وايد يتبنون قضايا من أجل الوصول لمجلس الامة عن طريق الظهور الاعلامي عن طريق قضية معينة أو طرح معين وهم يكونون عارفين بأنه بطرق أخرى ممكن يحقق اللي يتبنون طرحه بكل سهولة
لكن سالفة أعطي الامان و سالفة لن نضرب هذي ما تحقق شي وشفنا بالفترة الاخيرة شلون الكوادر أقرت
بنات تدرون لو يحل مجلس الأمة
محد راح يضمن إنه يحصلون نواب بالمجلس اليديد يوافقون على الكادر أو يتبنونه
الموقف راح يكون صعب جدا جدا جدا
والجمعية تقول لن نضرب بعد
فالموقف راح يكون صعب جدا جدا ولا يقر الكادر بهذه الطريقة
صراحة راتب المعلم ما يفرق عن أي مؤهل دراسي ثاني بفارق كبير لا شي بسيط لكن المجهود مضاعف
بالفصل المعلم يتعامل مع كم تلميذ
يتعامل مع كم ولي أمر
شغله على التقييم المفاجئ
مثل زيارة الموجه المفاجئة
زيارة المدير أو المديرة المفاجئة
يعني مو مثل باقي الوظايف اللي كل يوم معاهم المدير بنفس المكان
حتى الترقيات مو مثل باقي الوظايف
لا علشان يترقى يدخل اختبارات ومقابلة ودورات
كل هذا المعلم ما يستاهل الكادر
كل هذا المعلم ما يستاهل بوقفة قوية وقرار قوي من جمعية المعلمين
طبعا ما ننكر جهودهم وتبنيهم للكادر بس لابد من موقف قوي وقرار وكلمة موحدة للوصول للكادر
