بنات الجامعه من كل الكليات.. تعالو ابيكم

zoba · 5 سبتمبر 2007

[grade="00008B 008080 00BFFF 4169E1"]السلام عليكم

يا بنات يا شطار ياحلوين يا امامييير

شنو المقررات الاختياريه السهله
ومن اي كليه
وعند اي دكتوووور
ورقم المقرر اذا ممكن

انا سمعت ان الاقتصاد المنزلي سهل 0840102
واكو ماده اختياريه بالهندسه هم سهله بس ماعرف اسمها او رقمها

قالولي علم نفس بس طلعت كلش مو سهله يبت فيها سي بلس!! تخيلو اختياري وهالقريد كلش مو شي

بعد بعد شنو

اكون شاكرتلكم[/grade]

Chii-Chan · 5 سبتمبر 2007

السلام عليكم و رحمة الله و بركاته

حبوبه Zoba دايما تقدير السهولة بالمواد يختلف من طالبة لي طالبة .. يعني شوفي انتي أول شي شنو تحبين؟
بس بعطيج أمثلة ..
أنا المقررات الإختيارية السهلة اللي مروا علي :
مهارات اتصال : مادة نحو و حدي حدي حبيتها بس البنات اللي ما يحبون النحو يشوفونها صعبة و العكس صحيح

جماليات الأدب العربي : مادة شعر و حفظ أنا وايد حبيتها لأني أحب الشعر و الأدب بس اللي ما يحبه راح يشوفها صعبة.
ثقافة إسلامية : هذي المادة تعتمد عالدكتور أولا و أخيرا ، لأن في دكاترة عالمزاج و في دكاترة نظامهم سوي تقارير ضبطيلي فايل ناقشيني بالمحاضرة و انتي توب عندي و في دكاترة ماشين عالدرجات بالمللي ، فهذي مادة صج سهلة بس تأكدي انج تاخذينها عند دكتور زين.
مادة تاريخ حضارة : عند بعض الكليات تكون إلزامية و البعض الآخر لأ بس اختيارية و هي مادة من اسمها مادة حفظ و تاريخ ، وايد بنات قالولي انها سهههلة و بالمقابل وايد بنات قالولي انها حفظ و غثيثة

عشان جذي أنا قمت أختار موادي الإختيارية بنفسي و على الشي اللي أحبه عشان ماأتوهق بعدين ... أتمنى أكون فدتج و ترى في مواد وايد بس هذول أسهل شي صادفوني =)

ربي يوفقج إن شاءالله و يسهل عليج موادج كلها و تمشي سهالات و A وين ماتروحين

zoba · 5 سبتمبر 2007

مشكوره عالمشاركه
انا نوعيتي ماحب الحفظ احب المواد السهله او اللي تعتمد عالفهم اكثر
انزين وثقافه اسلاميه منو الدكاتره الزينين ومنو اللي اتحاشاهم

. · 5 سبتمبر 2007

امممممممم..

مثل ماقالت اختي من بنت لي 2 تفرق ..

انا خذيت مادتين اختياري ..

1- ثقافه اسلاميه..

2-حقوق انسان..

ورفيجتي خذت اصول..

الماده تعتمد عليج 50% وع الدكتور 50%..

فشدي حيلج..

والله يوفقج..

بطاطا · 5 سبتمبر 2007

و عليكم السلام

خووش موضوع يفيد الكل ان شاء الله

حقوق الإنسان حدها حلوة و سهلة طلعت منها بــ A

اهيا تكون مثل آخر فصل من كتب الاجتماعيات اللي بالثانوي عن الاتفاقات الدولية و جذي و اهوا سهل و اخف لانه اختياري للطلبة اللي مو بالحقوق

مدخل علم نفس غلطانة اللي قالت لج سهل انا طلعت منه C بعد

الثقافة الاسلامية الكل يمدحها انا عن نفسي ما جربتها

موفقة

. · 5 سبتمبر 2007

هلا بطاط..

انا عندي علم نفس سهل واحسن ماده اختياريه من العلوم الاجتماعيه..

مثل ماقلت من وحده لي 2 تفرق..

بطاطا · 5 سبتمبر 2007

رونه قال:
هلا بطاط..

انا عندي علم نفس سهل واحسن ماده اختياريه من العلوم الاجتماعيه..

مثل ماقلت من وحده لي 2 تفرق..

هلا

انا ليش قلت صعب لانه يختلف عن اللي كان بالثانوي

فيه تفصيل اكثر و يميل للعلمي من حيث شرح العقل و مادري شنو

و كلامج عدل

يختلف من بنت للثانية

اصص · 5 سبتمبر 2007

zoba قال:
مشكوره عالمشاركه
انا نوعيتي ماحب الحفظ احب المواد السهله او اللي تعتمد عالفهم اكثر
انزين وثقافه اسلاميه منو الدكاتره الزينين ومنو اللي اتحاشاهم

انصحج تاخذين ثقافه اسلاميييييييه حيييييييييييييييييييييييييييييييل سهله كله تكلم عن المبادئ الشريعه وحيييل خفيفه الماده نصيحه لا اطوفينها واخذيها عند سعود الدوسري عجيييييييييييييييييييييييييييييييييب
اخذت عنده بالصيفي كان روعه حيييييييل
وكان ثلاث ارباع السكشن ماخذين A يعني روعه

الحــبـ كذبــهـ · 5 سبتمبر 2007

وعليكم السلااااااااام

شوفي انا جربت ثقافه اسلاميه عند دكتور عبدالناصر اللوغااااااااني فضييييييييييييييييييييييييييييييييييييييييييييييييع لي باجر يونس ويهبل ومحترم وحقج تاخذينه وسهله عنده المده حييييييييل حيييييييييييل

تاريخ حضاره هم سهله خذيتها عند مهزع اليحاني اكتبي كل شي يقوله و احفظيه واحسن شي فيه انه مايحفظكم تواريخ

جماليات الادب هاذي سهله حيل خذيتها عند وجيه اسماعيل يجنن ويعطيج حقج بالكامل ويرفعكم شوي

تدريبات نحويه _ يمكن غيروا اسمها وصارت مهارات اتصال _ الحمدالله بعد سهله خذيتها عند عدنان الغزالي يعطيج حقج بالكامل وامتحانه مايطلع من النوت _ اشتبين بعد _

لغه عربيه واتصال يقولون سهله بس انا للأمانه ماخذيتها

وبس هذا اللي فبالي الحين

وموفقه خييييييييييييير يارب وان شاء الله كلنا نجيب A A A A A A

بطاطا · 5 سبتمبر 2007

الحــبـ كذبــهـ قال:
وموفقه خييييييييييييير يارب وان شاء الله كلنا نجيب A A A A A A

آميـــــــــــــــــــــن يـــــــــارب

. · 5 سبتمبر 2007

بطاطا قال:
هلا

انا ليش قلت صعب لانه يختلف عن اللي كان بالثانوي

فيه تفصيل اكثر و يميل للعلمي من حيث شرح العقل و مادري شنو

و كلامج عدل يختلف من بنت للثانية

اها انتي عامه؟

انا اول مره خذيت علم نفس بالجامعه بالثانوي عطونا علم اجتماع..

والفصل مال العقل الدكتوره لخصته لنا

وانا قريته مادرسته وحليت السوال صح بالمتحان جان اغير لاجابه خخخخخخخ للحين متذكره السالفه لانها تقهر

بطاطا · 5 سبتمبر 2007

رونه قال:
اها انتي عامه؟

انا اول مره خذيت علم نفس بالجامعه بالثانوي عطونا علم اجتماع..

والفصل مال العقل الدكتوره لخصته لنا

وانا قريته مادرسته وحليت السوال صح بالمتحان جان اغير لاجابه خخخخخخخ للحين متذكره السالفه لانها تقهر

لا حبيبتي رونة انا مقررات و افتخر << هههههههههه فصلت

انا ما خذيته بالثانوي لكني قريت كتاب اخوي هالسنة لاني احب علم النفس بشكل عام

انا كنت ماخذه علم اجتماع بالثانوي

و بالجامعة خذيته عند نازك <<< اهم شي اني مسجلة عندها على بالي ريال ههههههههههههه

المهم زفت و انصدمت بالمادة و كرهت علم النفس اللي انا كنت بحول للاجتماعية عشانه

و بس

و سالفة تغيير الاجابة الصح اكره شي بالدنيااااااااااااااااااااا

. · 5 سبتمبر 2007

اي بطاطا نازك معروفه مو زينه..

عموما الله يوفقج يارب..

Chii-Chan · 5 سبتمبر 2007

zoba قال:
مشكوره عالمشاركه
انا نوعيتي ماحب الحفظ احب المواد السهله او اللي تعتمد عالفهم اكثر
انزين وثقافه اسلاميه منو الدكاتره الزينين ومنو اللي اتحاشاهم

المادة اللي صادفتني حدها مو حفظ هي مهارات اتصال لأنها مادة نحو بس إذا انتي تحبين النحو بتحسينها سهلة ، و ترى كله نحو متوسط يعني مو بصعوبة نحو الثانوي

أما عن دكاترة الثقافة .. دكتور واحد بس قالولي تحاشيه كثر ما تقدرين اللي هو (فلاح مندكار) و الكل كان يقوللي عبدالحميد الشايجي مو شي بس لما خذيت عنده طلعت بA! و امتحاناته حد السهولة و ماكو حفظ وايد بس نوعه يبي وحدة تحضر و تناقشه بالمحاضرة و ماتغيب و تضبطله النوت و لما يطلب تكليف أو تقرير تسويه ..
عموما دكاترة الثقافة كلهم زينين و حبوبين بس هذا فلاح مندكار حدهم ما امدحولي إياه...

حبوبه ربي يوفقج إن شاءالله و ماتاخذين الا عند دكاترة زينين

zoba · 6 سبتمبر 2007

"رونه" عدل كلامج الاعتماد على الطالبه والدكتور بس حتى نوعية المعلومات والماده تلعب دور اكو مواد يبيلها فهم وتفكير ومعلومات شوي صعبه ومواد لء تكون معلومات سهله فتصير الدراسه اسهل مثل الاقتصاد المنزلي ولو اني ماخذيتها بس اتوقع تكون سهله لان الاقتصاد المنزلي سهل وشكرا

"بطاطا" مشكوره حبوبه بس انا مو صووووووب الاجتماعيات لاني علمي

وانا بعد وايد سمعت ان ثقافه اسلاميه وايد سهله شكلي بسجلها

"اصص" شكلي بسجلها وعلى ضمانتج وان شاءالله اخذ الA :eh_s(6):

"الحــبـ كذبــهـ" واااااايد مدحولي اللوغاني بس للاسف مو منزل كورس اول وانا كورس تخرج حسافه

تاريخ حضاره خلصتها عند العصفور هم كان زين وخذيت قريد حلو
جماليات الادب شلون صايره وتبع اي قسم
تدريبات نحويه هم خلصتها صج صج سههههههله .. اليوم اللي قبل الفاينل كنت كله طالعه مع بنتي عمتي عشان تخرجت من الثنوي ومادري درست الا يوم الامتحان الصبح ويبت الA :eh_s(15):
وموفقه خييييييييييييير يارب وان شاء الله كلنا نجيب A A A A A A من بوووووئك لباب السما ياااارب

مشكورييييييين حبايبي والله يوفق الجمييييييع

zoba · 6 سبتمبر 2007

بنات ثقافه اسلاميه مو نزلها لا اللوغاني ولا الدوسري

سالم الكندري

عواد العنزي

بسام الشطي

عبدالحميد خليفه الشايجي

انا سجلت عند الشايجي لان وقته يناسب الجدول
شلونه؟؟ زين ولا موزين
اتم عنده ولا اسجل عند احد ثاني

بطاطا · 6 سبتمبر 2007

zoba قال:
بنات ثقافه اسلاميه مو نزلها لا اللوغاني ولا الدوسري

سالم الكندري

عواد العنزي

بسام الشطي

عبدالحميد خليفه الشايجي

انا سجلت عند الشايجي لان وقته يناسب الجدول
شلونه؟؟ زين ولا موزين
اتم عنده ولا اسجل عند احد ثاني

بصراحة ما اعرف و لا واحد منهم

بس دام مناسب لجدولج توكلي على الله اخذي اللي يريحج و الدكتور يصير زين مع البنت الزينة المجتهدة

موفقة

انــــــــــــــــــــــا · 6 سبتمبر 2007

السلام عليكم

شلوونكم بنات؟؟

شرايكم بمادة علم اجتماع كاختياري سجلتها عند عبدالله اللنقاوي

بطاطا · 6 سبتمبر 2007

انــــــــــــــــــــــا قال:
السلام عليكم

شلوونكم بنات؟؟

شرايكم بمادة علم اجتماع كاختياري سجلتها عند عبدالله اللنقاوي

قوة

كمادة حلوة و سهلة و علم اجتماع كله عن المجتمع و جذي سوالف حلوووووو

بس الدكتور ما اعرفه .. ان شاء الله يفيدونج البنات

شهووده · 6 سبتمبر 2007

علم اجرام عندنا بالحقوق ..

دكتور عبدالعزيز العنزي ..

بنات الجامعه من كل الكليات.. تعالو ابيكم

New member

New member

New member

*عضوة شرف في منتديات كويتيات*

New member

*عضوة شرف في منتديات كويتيات*

New member

New member

New member

New member

*عضوة شرف في منتديات كويتيات*

New member

*عضوة شرف في منتديات كويتيات*

New member

New member

New member

New member

New member

New member

New member

عضوة شرف في منتديات كويتيات

عضوة شرف في منتديات كويتيات

عضوة شرف في منتديات كويتيات

عضوة شرف في منتديات كويتيات