تعالي قوليلنا تجربتج مع كامرتج :: دليل الكاميرات ::

s1990 · 11 أغسطس 2011

صبااااح الخييييييييييييير :eh_s(7)::eh_s(7):

لاحظت ان وايد بنات يدشون يسألون عن كاميرا معينة
وطرت فبالي هالفكرة

كل وحده فينا تدخل تتكلم عن كاميرتها أو بمعنى أصح تكتب تقرير صغيرون عن كاميرتها وصور من تصويرها عشان نسوي دليل بالقسم اللي تبي تعرف شي عن كاميرا تدش تشوف تجاربنا
او اللي محتارة ماتدري شنو تاخذ تشوف اللي يناسبهاا

المهم انا ببدا أول وحده ومزهبتلكم خووووش تقرير وأبي الكل يسوي مثلي

بليييز بنات نبي دليل سنع يبيض الوجه وأي وحده تبيني اساعدها بتقريرها انا بالخدمة :eh_s(15):

التقرير يحتوي على:
- اسم الكاميرا وصورتها
- معلومات عن الكاميرا من مواقع مفيدة
- معلومات عن الكاميرا من استخدامج انتي .. شنو انطباعج عنها .. كتبييي
- مميزات وعيوب الكاميرا من وجهة نظرج
- صور من تصوير الكاميرا ( من تصويرج انتي)
- من وين أخذتي الكاميرا \ التاريخ \ السعر << هالنقطة بتفيد واااايد ناس
- وأي شي بعد تحبون تضيفونه عن الكاميرا

نبدا على بركة الله

يتبعـ ....

s1990 · 11 أغسطس 2011

كامرتي Nikon D3100

:: صورة الكاميرا من النت ::

:: صورة الكاميرا من تصويري ::

:: معلومات عن الكاميرا من مواقع مفيدة ::

http://www.dpreview.com/products/nikon/slrs/nikon_d3100

مقارنة بينها وبين الكانون 500
http://snapsort.com/compare/Canon_EOS_500D-vs-Nikon_D3100/specs

:: معلومات عن الكاميرا من استخدامي ::

الكاميرا وايد حلوة
امكانيتها ممتازة
جودة الصور والالوان ممتازة
14.2 ميغابكسل
حجم الكاميرا زين بالنسبة حق بنت يعني مو ثقيلة وايد
اول ما اشتريتها حسيتها كبيرة على ايدي بس بعدين بالعكس احسها صغيرة
دقمها سهلة وبسيطة ... واكيد بالبداية تكون معقدة شوي بس لما تتعرفين على وظيفة كل زر بتحسينها واااايد سهله
امممم مادري شقول عنها بعد
قالولي ان الكام تنفع حق المبتدئين واهي فعلا نفعتني كـ أول كاميرا احترافية

:: مميزات وعيوب الكاميرا من وجهة نظري ::

مميزاتها انها مثل ماقلت حجمها مناسب، مو معقدة، تصويرها حلو، فيها حركات حلوة مثلا لما تكونين تصورين الفيديو وتبين تضبطين الفوكس على شي معين .. بس تضبطينه بالبداية ويتم طول تصوير الفيديو الفوكس مثل ما اهو
هالميزة مو موجودة في كاميرات ثانية << حسب ماقريت

من عيوب الكاميرا
"مافيها محرك فوكس داخلي"
هالجملة سمعتها وايد قبل ما اشتري الكام بس ماكنت افهم معناها وقلت يمكن مالها لزمه
بس عرفت معناها بعد ما استعملت الكام

مثل ما انتوا عارفين الفوكس يكون Auto أو Manual
حق اللي مايعرفون معنى هالكلمتين
لما تبون تصورون شي وتخلون تركيز الكاميرا على هذا الشخص والخلفية مو واضحه هذي يسمونها فوكس
لازم تضبطون الفوكس قبل لا تصورون عشان توصلون هالنتيجة واذا ماضبط معاكم بيطلع صورة الشخص مو واضحه
المهم
تقدرون تضبطون الفوكس بطريقتين
Auto & Manual
الاوتو بس تضغطون زر التصوير الكاميرا اوتوماتيك بروحها تدور على الجسم وتحط عليه فوكس
يعني تضبط كل شي بروحها بس بمتابعة منكم
والمانيول انتوا تمسكون جزء العدسة اللي جدام وتحركونه يمين يسار لين توصلون الصورة اللي تبونها

وصلنا خير

هالكاميرا بروحها ماتقدر تصور بالاوتوفوكس
إلا اذا العدسة نفسها كان فيها اوتوفوكس

طبعا هذي مو مشكلة كبيرة لأن كل العدسات في منها عدسات فيها اوتوفوكس
بس هالميزة تزيد من سعر العدسة وايد

مثلا انا بشتري عدسة الحين من برا
نيكور 70-300
اللي فيها اوتوفوكس ومانع اهتزاز بـ 140 دينار تقريبا
واللي مافيها اوتوفوكس بحدود الـ40 دينار
شفتوا الفرق

:: صور من تصوير الكاميرا ::

:: من وين أخذت الكاميرا \ التاريخ \ السعر ::

أخذتها من جيان
تاريخ 11\6\2011
بـ 220 دينار
الكاميرا مع عدستها الاصلية اللي هي 18-55مم

وان شاءالله اكون فدتكم بشي
ويالله بنااات بليييييييز بنشوف تجاربكم مع كاميراتكم :rerrerek::rerrerek:
الموضوع متعوب عليه ترا .. لاتحبطوني ابي ردودكم الحلوة :ggdw::ggdw:

H_AlJwaisre · 11 أغسطس 2011

وآآآآو ,, عــآد تصـدقيـن كـنت محتـآره
شــنو آخـذ Nikon آو Canon

آنـآ جـربت آلاثنـيـن بعد مـآحترت فـيهـم
وآالصراحــه كـل وحـده لـهآ مميـزآآت ..

يـعنـي مثـآل ,, الـ Nikon ‘ تصـور 12 صـوره بأآلثآانيـه آالوحــده
لمــآ ,, آلـCanon ‘ مـن 3 لـي 6 صـور بالثانـيه ,,

و جـودة الصـوره بالـNikon , وآآآيـد احسسســن مـن غيــرهـآآ
و الـCanon ‘ اهـيـآ عمليــه وسـهلـة حـق الـمبتدئيـن
و حـتى مـآفيها صـعوبـه مثـل الكأميـرآآت الثـانيـه ..

s1990 · 11 أغسطس 2011

H_AlJwaisre قال:
وآآآآو ,, عــآد تصـدقيـن كـنت محتـآره
شــنو آخـذ Nikon آو Canon

آنـآ جـربت آلاثنـيـن بعد مـآحترت فـيهـم
وآالصراحــه كـل وحـده لـهآ مميـزآآت ..

يـعنـي مثـآل ,, الـ Nikon ‘ تصـور 12 صـوره بأآلثآانيـه آالوحــده
لمــآ ,, آلـCanon ‘ مـن 3 لـي 6 صـور بالثانـيه ,,

و جـودة الصـوره بالـNikon , وآآآيـد احسسســن مـن غيــرهـآآ
و الـCanon ‘ اهـيـآ عمليــه وسـهلـة حـق الـمبتدئيـن
و حـتى مـآفيها صـعوبـه مثـل الكأميـرآآت الثـانيـه ..

وااااي الكل جذي
حتى انا قبل ما اخذ كامي احترت وايد بين النيكون والكانون
بس انتي ماعليج بالأرقام
انتي عليج بالمميزات اللي تناسبج انتي :eh_s(15):

نآنوشه · 11 أغسطس 2011

خووش موضوع
ورآح يفيييد كل اللي محتآرين

كآمي نيكون d3100

يعني نفسس كآمج :$
صرآحه حبيتها و روعه

يعطيج العآفيه يآقلبي

:eh_s(17):

نبض الجود · 11 أغسطس 2011

كآمرتي عآديـه مو آحترآفيـه

Canon PowerShot A490

صور للكأم ،

موآصفإت الكآم ،

تعريف عام :

مثلت هذه الكاميرا احد أهم التطورات الرئيسية التي طرأت على كاميرات كانون فى العام الماضي فبعد ان طرح كانون كاميرا a480 من نفس العائلة فى قبل عامين طرحت كاميرتين جديدتين من عائلة powershot هما a490 و a495 فى العام الماضي وبالنسبة الكاميرا نحن نتحدث عنها وهي a490 قد كتب عليها التنافس من لحظتها الاولي في الأسواق مع a495 والتي تمت تزويدها بخصائص على الورق يجعلها متفوقة على a490 ولكن على ارض الواقع فأن الفرق طفيف ويتضح بصورة كبيره فما يتعلق بجودة التقاط الصور

الخصائص الفنية :

دقة التصوير : 10 ميجا بكسل
الشاشة : كريستالية ملونة بمقاس 2,5 بوصة
صيغة الصور ( ثابتة / فيديو ) : Avi - jpeg - motion jpeg

وضوح الصورة : 640x480 بكسل عند التصوير بمعدل 30 صورة في الثانية
معدل التقريب : بصري 3,3 اكس , رقمي 4 اكس
وسائط التخزين : تعتمد الكاميرا على بطاقات الذاكرة من نوعية Sdxc او Sdhc او Sd
لون الكاميرا : فضي
الابعاد : 43x91x62 ملم
الوزن : حوالي 190 جرام ( شاملة البطارية وبطاقة التخزين )
البطارية : الكاميرا تعمل من خلال بطارية خارجية من نوع AA
السعر : 380 ريال سعودي

مميزات الكاميرا :

- جودة تصوير مميزة فى الصور الثابتة والفيديو .
- نمط تصوير تلقائي يمكن الاعتماد عليه .

عيوب الكاميرا :

- بطارية ذات عمر قصير .
شاشة كريستالية منخفضة الدقة .
- اداء بطئ فى التصوير .

تعليقي الشخصي :

تعجبني الكآم للمبتدئين بث لهآ عيوب وتنفع لتوثيق الاحدآث
مو لاحترآف التصوير لآن ماآفيهاآ مميزآت وخصآئص واآجد

وآلحين بتكلم عن الكآم اللي بشتريهآ

Canon D600

صور لهآ ،

مواآصفــاآتها ،

حساس رقمي بدقة 18 ميجا بيكسل

تسجيل فيديو Full HD مع 30fps

شاشة متحركة 3 بوصة بدقة 1,040,000 بيكسل

تصوير متواصل 3.7 لقطات بالثانيه

ايزو من 100 الى 6400 وياصل الى 12800

9 نقاط فوكس

ولمزيد من المواصفات ~>هنا

وشششكررآآ ،
ادري طولت عليكم =)

s1990 · 11 أغسطس 2011

نآنوشه ،.
يا هلا بـ زميلتي بالكام :eh_s(15):

الله يعافيج حبيبتي وثانكيو عالرد :eh_s(17): نورتي الموضوع

نبض الوجود ،.
عدل عدل :eh_s(9)::eh_s(9):
أول وحده تحط كامها تستاهلين ورده :eh_s(7):

يعطيج العافيه على التقرير

وعلى فكرة حلوة الكانون600
أكثر شي عاجبني فيها شاشتها :eh_s(15):
تنفع حق اللي يبي يصور نفسه :eh_s(15):

ان شاءالله تشترينها :yaaaaaarb:

~ kaika ~ · 12 أغسطس 2011

الله خووووش موضوع بوقته لوول
امس شريت نيكون d5100 .. وضايعه فيها

سارونه حاولت ادزلج رساله ع الخاص ما قدرت مشاركاتي شويه .. اذا تقدرين دزيلي رساله فيها ايميلج
حابه اسألج عن جم شغله بعد ما شفت صورج بـ فلكر اذا ما يضايقج طبعا

LA TROO7 · 12 أغسطس 2011

خوش موضوع سارااا

مرجع مفيد للكل لي رجعه ان شاءالله

نبض الجود · 12 أغسطس 2011

s1990 قال:
نآنوشه ،.
يا هلا بـ زميلتي بالكام :eh_s(15):

الله يعافيج حبيبتي وثانكيو عالرد :eh_s(17): نورتي الموضوع

نبض الجود ،.
عدل عدل :eh_s(9)::eh_s(9):
أول وحده تحط كامها تستاهلين ورده :eh_s(7):

يعطيج العافيه على التقرير

وعلى فكرة حلوة الكانون600
أكثر شي عاجبني فيها شاشتها :eh_s(15):
تنفع حق اللي يبي يصور نفسه :eh_s(15):

ان شاءالله تشترينها :yaaaaaarb:

الله يعآفيج ،
اآيي تهبببل ، انشآءالله ناآويه عن قريب ،
:eh_s(22):

s1990 · 12 أغسطس 2011

~ kaika ~
مبروك عليج النيكون 5100 حبيبتي

يالله تعلمي عليها وتعالي كلمينا عنها اهني :eh_s(15):
الحين ادزلج اكاونتي بتويتر احسن
الايميل مابطل وايد هالايام

LA TROO7
نورتي قلبون :eh_s(7): بانتظارج

نبض الجود
ربي يوفقج :yaaaaaarb:

إشراقة شموخ · 15 أغسطس 2011

canon ixus 960 is

رابط لمواصفاتها :

http://www.dpreview.com/products/canon/compacts/canon_sd950is

صورة مُلتَقَطَه بواسطة الكام ( مو انا مصورتها )

تعليقي الشخصي :

تصويرها حلو اول شي ماكنت اعرف لها و كانت تطلع الوجه بشكل غريب

بس تالي تعلمت عليها ومع العشرة >>:krkrkr:

ادعولي اشتري احترافية :eh_s(11):

إشراقة شموخ · 15 أغسطس 2011

فتشت في لابي عن صورة اقدر احطها فالمنتدة مالقيت الا هالصورة ض1

سماء الكويت الجميلة هع

ROZE · 15 أغسطس 2011

’’

موووضوووعج روعه ,,
جا بوقته مفكره اشتري كاميرا ان شالله لان كامرتي دخلوو ابعض عدساتهاا وانكسرت :eh_s(2)::eh_s(2):

بنات حطوو بعد كامراكم خل نستفيد أكثثر لاهنتوو :eh_s(17):

s1990 · 16 أغسطس 2011

إشراقة شموخ

ماشاءالله الكام رغم انها مو احترافية إلا ان تصويرها حلو
وعجبتني الغيوم بالصورة :rerrerek:

وأكيد كل كاميرا مع الوقت وكثر ما تجكجكين فيها تتعليمن عليها أكثر :eh_s(15): << عن تجربة

تسلم أناملج على التقرير وهذي مني لج :eh_s(7):

ROZE

ان شاءالله تحصلين اللي تبينه يارب
شنو كامرتج اللي كانت عندج؟؟

وإذا تبين مساعدة بالكام اللي تبينها لا يردج إلا لسانج :eh_s(15):

s1990 · 18 أغسطس 2011

اب اب

ή๑ή๑ ..♥ · 19 أغسطس 2011

آب آب

وآأإيد حلو الموضوع ..

آأإنـآأإ آإأإحب التصووير بعد كم شـهر بـآخذ لي كـآميرـآأإ
بنـآإإت شنو تنصحوني فيه .؟!

s1990 · 19 أغسطس 2011

نونو
تسلمين حبيبتي عالرد وان شاءالله تلقين الكام اللي تناسبج
وماراح نقصر معاج :eh_s(15):

بس شنو ميولج انتي وشنو تحبين بالكام او التصوير؟
وهل لج تجارب سابقة مع التصوير ولا أول كام تشترينها

عشان نقدر ننصحج بشي ينفعج :eh_s(15):

بواسم · 20 أغسطس 2011

موضوع رائع

انا ودي اشتري كام بس ابيها احترافيه يعني ابي اصور فيها بضاعتي ابي تصور كل التفاصيل

الصغيره وابيها سهله وخفيفه بشنو تنصحوني ؟

Nanoosa · 20 أغسطس 2011

- اسم الكاميرا وصورتها
canon 1100D

- معلومات عن الكاميرا من استخدامج انتي .. شنو انطباعج عنها .. كتبييي
و الله عجيبة بس اكو شي مو فاهمته شحقة ما اقدر اصور فيديو لأن كلما اصور فيديو تصور 5 ثواني و تنطفي :\
ودي احد يفيدني اذا بس انا قاعد يصير معاي هالشي ولا لأ؟ و شلون اصلحه؟

- مميزات وعيوب الكاميرا من وجهة نظرج
تصويرها حلو و خفيفة مو ثقيلة ,, و عيوبها اللي قلته ان ما اقدر اصور فيديو مع ان فيها فيديو

- صور من تصوير الكاميرا ( من تصويرج انتي)

و هذا فلكري توني يديده عليه و رايكم يهمني

- من وين أخذتي الكاميرا \ التاريخ \ السعر << هالنقطة بتفيد واااايد ناس
خذيتها من جيان بصراحة ما اذكر التاريخ بالضبط بس اذكر كان بشهر 6
و السعر 255
و خذيت معاها ارخص ستاند ب5 دنانير

- وأي شي بعد تحبون تضيفونه عن الكاميرا
ولا شي سلامتج مشكورة عالموضوع الحلو ^-^
و ياليت احد يجاوبني على سؤالي بخصوص الفيديو اكون شاكرة لكم وايد

تعالي قوليلنا تجربتج مع كامرتج :: دليل الكاميرات ::

New member

New member

New member

New member

New member

*مساعدة مشرفات نادي الكتاب Book Club*

New member

New member

New member

*مساعدة مشرفات نادي الكتاب Book Club*

New member

New member

New member

New member

New member

New member

New member

New member

New member

مساعدة مشرفات نادي الكتاب Book Club

مساعدة مشرفات نادي الكتاب Book Club