لوك اخف شي :q +طريقه رسم حواجبي ( بالخطوات والصور ) مع جلامور !

السلام عليكم ورحمه الله وبركاته

مبارك عليكم الشهــر حبيباتي ..



ممم ناخذ بريك من اللوكات الثقيله اللي فجأه طحت فيها هههههه
ميك اب خفيف جدا بدون كحل .. يعني السالفه كلها تمويه وخفيف جدا
تقدرين تسويه اذا تبين تبينين بشكل طبيعي مرره ..
ويعطي منظر خيااااالي للعين و للوجه ككل ..


بالبدايه التعليق عاللوك فقط ..
يعني اظافرك حواجبك بيرسنق ... الخ هذا شي شخصي وللمرهـ الالف اعيدهـ ..
خلونا حبايب ..
وما اجبر احد يرد اللي مو عاجبه فيه شي صغير فوق اسمه باك او تراجع ..


ممم اول شي ياصبايا
تنظفين عيونك من الكحل الاسود وبقايا الميك اب لانو يعتمد على نظافه العين من جوا
تقدري تستخدمي هالادوات



اللي فوق الاخضر هذا جارنييه اساسيات هو مزيل لمكياج العيون ..ومره بطل
او اللي جمبه هو من لوريال برضو تخصصه تنظيف الميك اب تبع العين ..
واللي تحتهم هذا معقم عميق للوجه من كلين اند كلير وحلو ..

تاخذين قطنه وشوي من السائل ونظفي عينك .

بعدين تبدين تأسيس الوجه

طبعا الاساس حقي ( برووونز )



البادور الثنتين حقات ماك هي ستيديو فيكس nc43 لوجهي كله
و nw 45 احطه كـ تحديد للوجه وزي البلاشر لانه اغمق ..
كذا يبين شكلك طبيعي مافيه تفاوت بالالوان

وعجله كريولاين طبعا تعرفونها ..

واساسي البرونز تبع ماك برضو بروز nc44.5

وباودر شانيل افتح درجه ..




1- بدون ميك اب
2- اللون الفاتح من عجله كريولاين احطه حوالين عيني مثل الصوره بعدين بالطبطبه اوزعه ..
3 - احط فوقه باودر شانيل طبعا تحت وحوالين العين يعني منطقه العين كلها ..
4- وزعت ( نايلون ) من ماك على عظمه الحاجب والعين كلها لـ ورى ..


هذي عدهـ الحواجب




تاتو الحواجب من جريماس ( تقدري تستبدليه بـ تاتو كريولاين )
كونسيلير جريماس ( يستبدل بكريولاين )
شويه مويه
نايلون تحت الحاجب
فرشـاه مشطوفه + فرشـأه الاسفنجه ..




5 +6 - بعد مانحط النايلون ونوزعه ناخذ الفرشاه المشطوفه ونبللها بمويه وبتاتو جريماس نسوي زي الصوره




ادوات العين

كحل بيج من سيلفر ليدي
شدوالحواجب من بودي شوب ( استخدمت اللون الغامق كـ شدو )
الفرش ( فرشاه الدمج الدائريه + فرشاه التحديد )
ماسكرا برجوا
رموش ماكس فاكتور A
كحل ريقلون اسود

الخطوات
7 +8 بالصوره اللي فوق

1 - حطيت من شدو بودي شوب على قوس العين مثل دايم ..
2- بالكحل بس بنسوي خط نلزق عليه الرموش لان اللوك بدووون كحل ..

..



9- نلصق الرموش
10 - بفرشاه التحديد نسوي خط بشدو بودي شوب خط خفيف حد العين تحت
11 - بفرشاه الدمج نبدا ناخذ من الشدو ونحط تحت العين زي الصوره
وندممج . يعني نسوي تموويه قوي كأنه خيال ..
12 - بعد الدمج والتمويه ومن ورى وصلناه مع فوق ..



13 - نحط مسكرا فوق ونكثثثر من تحت
14 - بكونسيلير جريماس نسوي كوريكتر للحواجب وتحديد ..
15 - النتيجـــــــــــــه ..
16 - لمعه الخد



لمعه خد من ماك سيلفر
ولمعه من مكياج كويتي بس مره روعه


والروج استخدت روج مطفي لونه وري روعه زي لون الشفايف تقريبا كأنه طبيعي



الروج من ماركه سفـن ايلفن ماعرفها بس مومعروف
والمحدد من سيلفر ليدي لون بيج

طبعا عشان يبين فمك كنه منفوخ
الطريقه اني اعكس السالفه
اول شي احط الروج
بعدين بالمحدد البيج اللي ماله لون تحسين ابدا احدد لبرا يعني كاني اطلع الروج لبرا
كأني اموه الاطراف ..


وبس

ياحبيلكم والله كلكم ذووووووق

وتسلموووون

مدري والله مكتوب عالعلبه ومحفور عالشدو مكياج كويتي هههههههههه مالي دخل والله
بس بطل

ذيبه < يارب اسمك صح
ابشري ياقمر وترى فيه كذا لوك جريئ منزلته شوفي لوكاتي وان شاء الله تحصلين ..
بحرينيه موت < شوي منك والله :*

ودآعتك قلبي قال:

روووووووووووووووووووووووووووعة ناعم وذرب حيل ..



تسلم إيدينج ولا تحرمينااا من جديدج ..

أنقر للتوسيع...

من ذوووقك غلاي

اخصائية نفسية 7 قال:

لا الة الا الللة ماشاللة تبارك الرحمن واللة باين انج كلج عسسل ربي يخليج لاهلج وناسج يارب

أنقر للتوسيع...

ويخلي لك غاليك حبيبي

نورتي

رماد وظل قال:

تسلم دياتك حبيبتي

مررره اللوك رايق وهادي

قواك الله

أنقر للتوسيع...

الله يسلمك ياقلب نورتيني

الأميرة جوري قال:

رووووووووووووووعه بصراحه...يعطيج العافيه

أنقر للتوسيع...

يعافيك ربي ياذووق

دآيم آلحب قال:

ماشاءالله عليج احب لوكاتج وايد .. وبالنسبه حق هاللوك حبيته كثير لانه تقريبا مثل لوكي
بس بغيت اطلب منك طلب . اذا تقدرين تسوين لنا لوك حق ميك اب السفر
لاني باذن الله ناويه سفره قبل العيد وطبيعي ماقدر ادش النت من هناك

يعطيج العافييه حبيبتي

أنقر للتوسيع...

يعافيك ربي حبيبي
انتي تامري والله ..وترى ذا مره سهل وسريع ومناسب للسفر تقدري تغيري اللون وتخليه بني فاتح .. يطلع نوميكب ..

sparkle قال:

مشاء الله غلامر :* خووووش لوك سهل وحلو

أنقر للتوسيع...

تسلمين حبيبي

نورتيني

غضى قال:

روووعــه والارووع إنتي

أنقر للتوسيع...

والاروع وجودك يالغـلا

انا خطر قال:

ماشاءالله

حده راقي و ناعم

تسلم ايدج ي حلوة

أنقر للتوسيع...

يسلمك ربي ياقمر

mrs_orchidia قال:

عاد تدرين غلامور

سويت search in google عن مكياج كويتي .. طلع بمنتديات خليجية انهم يسمونه جذي لان الكويتيات أكثر شي يتسخدمونه و شطار .. فيه اسم الله علينا هذا اللي فلحنا فيه :krkrkr:
و انه ينباع باسامي مختلفة مثل كاراجا و كارازا و مادري شنو لووول

و احنا هني نسميه مكياج الهنود .. و للا بوطقة خخخخ

أنقر للتوسيع...

شفتي ان مالي دخل ههههههه
اجل خلاص موب مكياج كويتي مكياج ابوطقه على قولتك هههههههه