كويتيات
منتديات كويتيات النسائية
المكياج و العطور
[ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]



العودة   منتديات كويتيات النسائية > منتديات كويتيات الجمالية > المكياج و العطور
حساب موعد الولادة
حساب الوزن المثالي
تاجرات مول
[ um_yoyo ] مواليد و اطفال
مهادات وملابس الاستقبال للمواليد ,مصاصات على اسم المولود,شنط اغراض المواليد ,باندات الشعر الامريكيه
[ [ Kirsten storms ] العناية بالجسم
منتجات وخلطات للعناية بالبشرة والجسم
[ ام عفاف الكويت ] رومانسيات وملابس
رومانسيات وملابس اكسسوارات
[ حيادر ] تخصص خلطات
خلطة دلع حيادر للرموش- سنفرة الهردة المبيضة-مجموعه البياض الشامي -الحنة الخمرية- مجموعة بلاك بيوتي والمزيد من الخلطات
[ ( المـلاك ) ] تخصص خلطات
خلطات طبيعية 100 % للبشرة و الجسم و الشعر
[ ms strawberry ] لانجري ورومنسيات
لانجري ورومنسيات والعاب زوجيه
[ ranh ] تجميل وملابس
انقاص وزن,علاج حب شباب وشعر,نفخ خدود وشفايف,كريمات اساس bb,اعشاب وفيتامينات فوريفر ليفينج,اطقم تلبيسة دباج
[ موريا آدم ] اطقم ضيافة
مصممة الديكور موريا آدم.أطقم ضيافة راقية/استقبال مواليد مبتكرة (توصيل لجميع الدول )
[ ^Grass^ ] منتجات تجميل
شيا-كاكاو-مانجو-افوكادو-الوفيرا-صابون افريقي اسود-خلطات للشعر-خلطات تبيض للوجه والجسم
[ lamsety ] مستلزمات الضيافه
سكر مغلف / بسكويت / شوكولاته / توزيعات / هدايا / منتجات متنوعه
[ rainbow77 ] مستلزمات الاثارة
لانجري والبيبي دول وقمصان طويلة + منتجات الإثارة الزوجية + ملابس داخلية واكسسوارات
[ لينا لانجري ] للسعادة الزوجية
لانجري مثير وقمصان نوم وببدول وتنكري وفساتين وترينغات وبدلات رقص ورومانسيات ومنتجات زوجية طعم مثيرة وعطورات مثيرة وفناتق زوجية وألعاب زوجية
[ *ماي ورداسم يستحق الثقه* ] عالم الجمال
اسم رائد في عالم الجمال الطبيعي والخلطات المجربة والمضمونة
[ ريانـــــــــــه ] متخصصه بالطبخ
سلطات أطباق رئيسيه حلويات ورق عنب
[ ام عمار ] أطقم ضيافة
أطقم الضيافة باسم المولود .. العائلة ..الزوجين
[ الريان ] مركز صابونتي
صابون طبيعي (صناعه يدويه منزليه)يحتوي على زيوت واعشاب طبيعيه خالي من المواد الكيماويه, صابون المره بالشوفان ,صابون القهوه بالشوفان والعديد من انواع الصابون الطبيعي
[ فجر_الكويت ] تجاره عامه
نغوص بأعماق التجاره لنجلب لكم الأفضل
[ shaehana ] خلطات ومنوعات
خلطات ومنوعات المنزل
[ ستــ ريما ــايل ] منتجات امريكيه
منتجات امريكيه وسويسريه واجنبيه
[ RoOoz ] رومانسيات ومنظمات
عالم روز للرومانسية ومنظمات المنزل
[ المصممه حراير ] تخصص ماركات
تخصص ماركات ,, فاشن ستي
[ sharoo_e5 ] تجميل وملابس
حبوب كيرفر يو لتكبير المؤخرة والأرداف وحبوب ايفوري كابس للتبيض وحبوب تطويل الشعر وتكبير الصدر والعديد من المنتجات
[ متخصصة بالاعشاب ] اعشاب وخلطات
بودرة التضييق اليمنيه لتعودي بكرا كما كنتي, بودرة نفخ الخدود والموخرة , اعشاب الرشاقه والتخسيس, علاج العقم , زيت الشعر, علاج البرص والبهق والاكزيما والثعلبه
[ خبيرة لبنانية ] تجميل و تنحيف
حبوب تبييض-تنحيف وشد الجسم - ازالة الكرس وشد البطن- تكبير الصدر والمؤخرة -نفخ الشفاف
[ خبيرة اعشاب ] خلطات نسائية
برامج أعشاب للنفاس , الدورة و تأخر الحمل
[ دبدوبة الكويت ] مواد تجميل
عالم التجميل بين يديكي
[ ranh ] منتجات فعاله
استشارات طبية.بي بي كريم.فوريفرليفينج.نفخ خدود وشفايف وصدر.تنحيف.تجميل.علاج شعر وبشرة.ملابس
التسجيل التعليمـــات التقويم البحث مشاركات اليوم اجعل كافة الأقسام مقروءة

المكياج و العطور ركن متخصص في آخر صيحات التجميل من مكياج وعطور


تابعينا على كويتيات
تابعينا أول بأول على تويتر وانستقرام كويتيات

اذا كنت مشتركة في اي منتدى آخر
اكتب موضوعاً و انسخ الرابط التالي اليه !
رابط الموضوع المباشر
انسخ وارسل الرابط لصديقك الآن !
موضوع منتديات كويتيات النسائية : كويتيات [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]
  [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]
  كلمات مفتاحية : akeup, amazon, Aramex, أوربان ديكاي، نيكس، ميلاني، أمازون، أرامكس, Beauty, eyeshadow, lipgloss مكياج, lipstick, Milani, NYX, online shopping, pink, purple, urban decay

إضافة رد
 
LinkBack أدوات الموضوع إبحث في الموضوع انواع عرض الموضوع
قديم 23-06-2011, 12:10:02 PM   رقم المشاركة : [1]
كــويــتــيــة بــرونــزيــة
الصورة الرمزية { سحر الوَرد *
 
{ سحر الوَرد * غير متواجدة حالياً
Th Auro9 كويتيات [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


/ .. ~ بـِـسـْـمـ ،، الله الرّحـْـمـَـنْ ،، الـرّحـِـيـْـمْـ } .. \

. : + : .

مرحبــــآ بنوتات شخبــآركم؟


هــذي أول مــوضوع لي بالقســم ^_^

طبعا الكل أو أغلب اللي يدي هني من العضوات مدمنات ميك آب

وأنا منكم هههههههه

بس الشهرين ثلاثة اللي طافوا إدماني غير شكل

ماغير مجابلة النت ومواقع البيوتي وأدور السايتات اللي تقبل فيز عالمية وتشحن ميك آب @@

وألفلف على البلوقات ويتيوب وكل ماشفت شي عليه مدح متكرر رحت دورته بموقع



المهم، بتكلم أول شي نبذة صغيرة عن الشوبنغ أون لاين للميك آب خصوصاً

أتوقع في وايد بنات حابين يستفيدون ويعرفون عن هالشي =)


أول شي تحتاجين 3 أشياء

- سايت تتسوقين منه "تتأكدين إنه يقبل فيزا عالمية"
- فيزا عادية أو المخصصة للنت مسبقة الدفع
- عنوان خارجي والأشهر شركة أرامكس.. بقيمة 30 دولاء يعطونج 3 عنوان في أمريكا وبريطانيا وحاليا من فترة قصيرة ضافوا صندوق بالصين


في بنات وايد يظنون إنه سوالف الميك آب والبيوتي ماتتوصل

بس هالمعلومة جزء منها صح وجزء منها غلط

أرامكس يوصلون الميك آب.. بس في أشياء محددة مايوصلونها

الأشياء اللي طلبت منها ووصلت بدون مشاكل:

فاونديشن عصار، ستيك فاونديشن، كونسيلر كريمي، باودر، بلاشر، أرواج، قلوسات، كحل، ماسكرا،

الأشياء اللي مايوصلونها

السوائل "مثلا مزيل ميك آب"
صبغ الأظافر
العطور

لأن هالأشياء قابلة للإشتعال.. وخطر إدخالها للطيارات وشحنها إذا إذا الشركة عندها تصريح خاص

بيني وبينكم انا يدي حاكتني إني أطلب نيل بولش @@ قلت هالمرة بطلب طلبية صغيرة وبطلب 1 أو 2 نيل بولش معاهم بجيك تمشي عليهم ولا يصادرونها لووول



المهم.. أنا مابشرح بالتفصيل بس عطيتكم المبادئ.. اللي تبي تسأل عن أي شي بخصوص أرامكس أو التسوق تسألني وإن شاء الله أقدر أجاوبها



الحين ببتدي بإدماني

أول شي تميت أدور سايتات تبيع ميك آب وتقبل فيزا دولية

اول موقع طحت عليه
www.eyeslipsface.com

أكيد أغلبكم تعرفون الماركة حتى لو ماجربتوها..
مابتكلم عنها الحين لأن طلبياتي منها واااااايد ماصورتهم كلهم للحين
بيكونون في رد لاحق إن شاء الله إذا حسيت إن الموضوع عجبكم

الموقع الثاني أمازون المشهور
www.amazon.com

طبعا أمازون موقع تسوق أون لاين شامل بدون مبالغة كـــــــل شي
يكفي تدخلين بالسيرج إسم الماركة اللي تبينها و 98% بتحصلينها

الحين انا طريقتي شلون مع أمازون؟ طبعا أمازون عالمي وعنده بعض الأشياء يكتب إنها ممكن تنشحن دولياً
بس سوالف التجميل دايما تكون بس للشحن داخل أمريكا

وهني ايي دور صندوق أرامكس.. تسوقي وادفعي وحطي عنوان أرامكس وبس إنتظري

شنو طلبت أنا من أمازون؟؟

طلبت وايد أشياء.. بس اللي بتكلم عنه في هالرد

المشهور محبوب الجماهير الأشهر من نار على علم

Naked Palette from Urban Decay

في وحدة ماتعرفه؟؟ ماعتقد


هالباليت أنا من شفته طبعا حبيته من أول نظرة

أنا تراني قبل فترة بس كانت البيجيات والبنيات مو من صوبي أبداً

دايما ويا الوردي والبنفسجي والفوشي وهالألوان..

بس اللي خلاني أروح للبيجيات وأتعلم عليها وأحبها

عقب ماشتغلت ألوان اليونيفورم أسود بأحمر @@ يعني مايتاسب معاه إلا البيجيات والألوان الطبيعية

أو السموك والروج الأحمر وهذا مب من صوووبي أبداً..

فبتديت أتعلم على البيجيات والألوان الطبيعية ومع الوقت حبيتهم

مب بس للشغل... حتى حزة اللي أبي أطلع على السريع ومالي خلق اطول فالميك اب

اضاءة تحت الهاجب واهم شي احدد وادمج كسرة العين بشدو بني غامج وعلى الجفن المتحرك بيج أو ساعات استعمل بودرتي ههههه

وااايد حلووة الحركة وتعطي العين شكل جميييل

صرت ماعرف أطلع اذا مب محددة ودامجة كسرة عيني @@ خاصة لما تككون بشكل خفيف.. ماتكون واضحة لكن بنفس الوقت تجمل شكل العين


<<<<< جني وايد أهذر؟؟ استحملوني هههههه

اللي ماتحب الهذرة تطوف الكلام وتروح للصور بكتب معلومات المنتج تحت كل صورة ^_*


أول شي الحب نيكد

يوم خلاص وقعت في حبه وقررت أطلبه.. قعدت أدور

شفته بأمازون، سيفورا، وموقع أوربان ديكاي نفسهم

أول شي تحمست على موقعهم لأن فيه أشياء تينن وبعضها ماتتحصل إلا أونلاين بموقعهم الرسمي بس

لكن شفت كاتبين انه مايقبلون إلا بطايق أمريكا وكندا.. ودورت تجارب لانت ماجفت احد مشتري منه ببطاقة دولية ونجحت

فاستبعدته


موقع سيفورا وايد تحمست له.. طبعا عندهم كل الماركات قلت بطلب كذا شي.. وعندهم سوالف تجميع النقط

بس نفس الشي كاتبين بطاقة امريكا وكندا -_- شفت ناس عندهم تجارب بس ماضمنت

انا كنت مستعيلة، الفيزا اللي استخدمها خاصة بالنت مسبقة الدفع

والنظام عندنا.. لما تسوين عملية الفلةس تنسحب من البطاقة بس لو مثلا الموقع رفضها ماترد لحساب البطاقة دايركت

اتم معلقة تقريبا اسبوعين لين ثلاث اسابيع بعدين ترجع

وبما إني كنت حدي متحمسة لنيكد.. قلت بلاها المخاطرة


فأخيرا رحت أمازون


ومــــلاحظة مهمة وااايد

أمازون لما تسوين سيرج بتطلعلج البضاعة وساعات أكثر من مرة نفسها

أو لما تدشين للشي اللي تبين

تشوفين مكتوب:

Sold from Amazon
يعني أمازون نفسه يبيعها وغالبا يكون توصيلها داخل أمريكا مجان للشحن العادي

وفي نوع
Sold from (-----) and Fulfilled by Amazon
هذي معناتها إن اللي بيع الشي متجر ثاني بس موجودة بمخازن أمازون تطلعلج من عندهم


هذوولي أحسن خيارين.. لأن أمازون نفسه أضمن شي

النوع الثاني

Sold from (-----)
يكون محطوط اسم البايع - او المحل
هني مو على طول تشترين منه.. تتأكدين إن التقييم للبائع زين 5 نقاط ) وعندهم وايد
Positive Feedback
علشان ماتتعرضين للنصب لا سمح الله


انا يوم ييت بشتري نيكد.. سويت سيرج طلعلي واايد بياعين

وطبعا تعرفون نيكد وايد مطلوب.. فبعضهم وااايد مبالغين بالأسعار @@ عادي يوصل الدبل

انا شريت من متجر سيفورا بأمازون


بتشوفين مكتوب Sold from Sephora



سعره
$48
+ $5.95
شحن داخلي

يعني سعره بدون شحن أرامكس بـ $54 دولار

انا اول شي انقهرت لأن مكتوب بالوصف

Primer Not Included

وأنا حدي كنت أبي أجرب البرايمر المشهور مالهم

ايي ويا الباليت بحجم صغيروني حــده كيووت
<<< في موقع أوربان ديكاي يبيعونه هالحجم بروحه @@


المهم ماكان عندي خيار ثاني قطلبته من سيفورا أمازون والمفاجأة السعيدة إنه يا وياه البرايمر

هذي 3 صور <<<< وأخيراً وصلتي للصور لووول

جذي شكله بالضبط بس يكون فعلبة بلاستيك شفاف

"طبعا من برة مخمل وتعرفون جو الخليج الجميل والغبرة بآخر اسبوعين.. غبر شوي مانتبهت إلا بالتصوير ولا هو بالطبيعة عادي"



والحين الـ 12 لون الجميلين

طبعا هو ياي بـ 12 لون بالحجم الكامل

6 منهم موجودين بشكل دائم

و5 منهم نازلين يدد بالباليت

وواحد أعادو إنتاجه







مثل ماجفتوا تيي معاه فرشاة شادو

الإصدار الأول كان إيي وياي كحل بصوبين أسود وبني

وكان سعره بـ $44

بعد النجاح الهائل اللي حققه @@ الانتاج الثاني بدل الكحل حطو البرش وصار سعره $48

كنت أتمني لو لحقت على بو الكحل لأن الفرش عندي ياكثرها

بس الفرشة اللي معاه حلوة.. خاصة للالوان الفاتحة لكل الجفن

وحلو طرفها للشدو عند المدمع

لحد الآن أنا اللي استعملتهم أكثر شي الفواتح:

Virgin
أول واحد من اليسار.. عجييييب كإضاءة ضدفي على أبيض وبنفس الوقت أبدا مب أوفر وايد حلو

لتحت الحاجب وعند المدمع جميل وايد ناعم حتى لو تحطينه الصبح ماتحسين فيه اللمعة الأوفر

Sin
لونه إننن وردي على صدفي نقدر نقول؟ فيه شمر أكثر من الأولي.. أنا احب عقب ماخلص ميكب عيوني كله بطرف الفرشة اطبط به على الجفن المتحرك.. اضاءته حلوة

Naked
هذا اللون احيه بالضبط لون جفني @@ إذا أحطه مايبين تقريبا بس يعطي جفني ملمس ناااعم

Sidecar
هذا بني فاتح بلمعة وفيه لمحة من الوردي.. لون خفيف وحلو

HaBuck
عجيييب للكسرة.. أستخدمه ساعات أخذ شوي منه بفرشة الدمج وأدمج الألوان اللي على جفني به.. خاصة منطقة الكسرة والاضاءة

Half Baked & Smog
هالأثنين برونز.. انا مب وايد مع البرونزاج فماستعملتهم للحين

Darkhorse
بني غامج لزاوية العين الخارجية.. مع لمعات صغيرة ذهبية راقية

Toasted
لون جمييل بين البنفسجي الفاتح والوردي.. لمعته حلووة ودرجته جميلة

Hustle & Creep & Gun Metal
ألوان لحد الآن استخدمتهم بس للتمويه والتحديد تحت العين

الأول أرجواني غامج
الثاني أسود بلمعة قليتر
الثالث رمادي وسط حلووو واايد بقليتر فضي



الحين بالنسبة للشدوات

ألوانها روووعة.. ملمسهــم مخملي ناااعم وبسهولة ينمجون ويتوزعون

صج حبيتهم من قلب


وهذا البرايمر الصغيروني الكيوت



طول الصبع ^.^

طبعا انا صايرة بخيلة عليه هههههههه مابيه يخلص



الشي الثاني اللي طلبته من سيفورا أمازون ويا نيكد

طحت عليه بالصدفة من الـ Suggestions

من بينيفت



طبعا تعرفون إضاءات بنفت المشهورة.. اللي غرشتهم جنها مناكير وفيها برش صغيرة

إكتشفت إنه سيفورا عندهم ست Execlusive فيه 3 ألوان من هالغراش

صغيرونين كيووووت.. دشو قلبي ماقدرت إلا أطلبهم :$




إييون بثلاث أنواع.. الأحمر اللي يستعمل للخدود والشفايف

الصدفي يستعمل إضاءة للخدود

والبينك للخدود والشفايف




حاليا اللي عجبني أكثر شي الصدفي <<< أحب الإضاءات

والبينك بعد كيوووت

الأحمر احط منه نقطة صغييييرة إذا مستعيلة وأبي لون على السريع

سعر هالست بـ 15$ يابلاش!!


توصيل المنتجين إثنينهم كلفوني 7.350 دينار.. لأن الوزن كان أكثر من نص كيلو بشوي

وأرامكس أول نص عندهم بـ 4 وكل نص زود بـ 3 وخردة مادري جم



تقريباً وصلوني بأسبوع وشي أقل من أسبوعين



يتبــع لا تردون بليز



. : + : .

/ .. ~ يـِحـْفـَـظكـُـم ،، الله ،، ويِـرعَـاكُـمْـ } .. \


. . .
. .
.

B y e



توقيع » { سحر الوَرد *




حـيـّـاكُم شـرفـُـونِـي ببلوغِي،،

Follow Me on ******* & ********* @Sanooya

عرض البوم صور { سحر الوَرد *     رد مع اقتباس



قديم 23-06-2011, 12:11:48 PM   رقم المشاركة : [2]
كــويــتــيــة بــرونــزيــة
الصورة الرمزية { سحر الوَرد *
 
{ سحر الوَرد * غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


/ .. ~ بـِـسـْـمـ ،، الله الرّحـْـمـَـنْ ،، الـرّحـِـيـْـمْـ } .. \

. : + : .

الموقــع اللي بتكلم عنه الحين

طحت عليه توني الشهر اللي طاف

آخر تسوق كان منه.. بس جهزت الصور فحطيته


www.Cherryculture.com

هالموقع يبيع ماركات واااايد

من أشهرها اللي لفتوا نظري نيكس، ميلاني، آيكو، إل آي

وهالموقع عندهم توصيل دولي.. قيمته على حسب مشترياتي

بس انا تعاملت وياهم بصندوق أمريكا

<<<< إذا كنتي مستعيلة نفسي صندوق أرامكس أسرع

الموقع حتى لو كان يشحن دولي بس عادة يطول شوي

صندوق أرامكس سريعين..


من موقع تشيري صنفت على نيكس

طبعا موجودة عندنا بسنتر بوينت

بس عاد شنوو؟؟ الدرجات الحلوة كل مخلصة

واسعارها قبل سنتين وايد غلوها @@

وبعد قلتلكم أنا إدماني غير شكل

أحس بمتعة ووناسة وأنا أطلب أونلاين وأتتبع الأوردر وأنطره يوصل :$



نشوف صورة جوية للمشتريات




تصدقون إني كنت بس أبي قلم ميلك والعلبة الصغيرة @@ بس ماقدرت يدي حكتني

وهذي المشتريات عقب التصفية على فكرة.. كنت مالية الشوبنغ بوكس بحمر وبلاشرات وشدوات ههههههه

بس استهديت بالله قلت مب طاير خل اطلب شوي شوي

فاستقريت على هذول




نشوف نظرة مقربة

أول شي الراوند ليب ستيك

هالحمر واايد شفت عندهم بمواقع اجنبية

درجاااتهم واااايد يخلوونج تحتااارين!!

بعد شيل وحط وتصفيات استقريت على اربع درجات منهم



ثنتين منهم مشهورين وايد في البلوقات اذا وحدة بتتكلم عن حمر نيكس لازم تطريهم

Thalia / Tea Rose

Thalia
الأولى من اليسار

إممممم اللون في الحقيقة شوي مب نفس اللي توقعته
ياية على بني.. انا كنت حاطة ببالي انها شوي اقل بني <<< جن التركيبة غلط؟

ماتوقع بحطها بروحها لأن ماحط حمر بنيات كللش.. اتوقع فوقها قلوس لحمي تصير شي

الثانية Tea Rose

جمييلة وهادية... تصلح للوكات النيود بس بنفس الوقت لونها مب شاحب اللي يسويج مريضة @@

بالصورة اهي ثاني وحدة من اليمين

اللونين الثانين اخترتهم على اساس وردي فاتح وفوشي

Fig كنت متوقعته بيبي بينك
طلع نيود على وردي وااايد هادي حبيته.. صرت أحطه بشنطة ميكبي اليومية

Louisiana هذا فوشي
بس مب فوشي فاقع.. هادئ يعني لما تحطينه مابتحسين روحج أوفر.. لطيف

بشكل عام حبيتهم..
قوامهم كريمي لما تحطينهم تحسينهم يمشون بسرعة
لو مانتبهي ممكن يسيحون

بالنسبة لثباتهم زين مايطيرون بسرعة
" انا متعودة حتى لو الحمر ثابتة لازم اعي عليها كل شوي ولازم فوقها قلوس نادرا احط حمرة بدون قلوس"


المفضلين عندي فيغ وتي روز


ومازلنا للشفايف طلبت 3 أنواع من القلوسات



الفوشي نوعه هايبر شاين وهالنوع وايد ناججح عندهم هذا اسمه Dolly Pink
كان صندي من قبل صج صج باااربي اينن
هالنوع من القلوسات ميزتهم ان تدرجاتهم وايد، اييون بقوام مختلف، لون قوية بدون قليتر، لون مع شيمر خفيف، لون شير، وفي بقليتر

هذا الفوشي من النوع الأول.. أحطه بدون روج عجييب بروحه لو ابي لون الباربي او اخلطه ويا بيج او بطيخي يعطي لون هادئ حلوو

طبعا كنت صافة جم لون بس بعد استهديت بالله ><


النوع الثاني هذا شي يديد عندهم اسمه Lip Satin او شي جذي

الدرجة اسمها Mian

والدرجات على فكرة كلها باسماء مناطق.. في درجة اسمها بوظبي ^_^

خذيت واحد اجربه.. لونه ناتشورال مايل على الموف شوي

اول ماحطه دايركت حسيت ملمسه نااعم مخملي وبسهولة يتوزع.. وماتحسين إنه في طبقة فوق شفايفج

ولما تطالعين بالمنظرة تحسين جنه لون شفايفج


بس شاللي ماحبيته فيه؟؟ عقب جم ساعة ينشف ويبهت شوي

بس ترا انا بشكل عام ماحب الحمر والقلوسات المات لازم على الاقل احط قلوس شفاف او لب بالم ولا مارتاح


النوع الثالث العصار هذا مود لب قلوس اول ماتحطينه شفاف بعدين يقلب فوشي

مميزته حلو يسوي الشفايف طبقة وحدة.. ومايتلصق

بس اممم إذا حطيتيه بروحه عقب ماتمسحينه يتم اثر فوشي جنه الحمرة السحرية هههههه

صورته مب موجودة هني بس في الهوائيى بتجوفونه صوب دوةلي.. ووياه لب بالم هدية من الموقع بنكهة العلوج BubbleGum


المفضل عندي طبعا دولي بينك

ناوية اشتري منه كذا درجة.. لا-لا، سموكي لوك، ناتشوراب، وقولدن بينك

ويمكن اللب ساتن اخذ لون

وشكلي بجرب من الراوند قلوسس كنت حاسبتهم مال مرهقات ومب واضحين ولا اشوف بالسواتشز الوانهم وايد كيوت!


خلصنا من الشفايف

الشي الثاني اللي خذيته.. أقلامهم الجمبو المشهورين




ميلك شكثر دورته عندنا مافي منه

انا من قبل شارية منهم لونين

Cottagge Cheese / Strawberry Milk

كوتيج جيز أبيض صدفي بشيمر.. أحب استعماله بس مايصلح اذا تبين شدو مات

من جذي كنت أدور ميلك

طلبت

Milk / Black Bean / Purple Velvet

جربتهم ثلاثهم بس اللي استخدمته كم مرة هو ميلك

احط منه كم نقطة فوق البيس واوزعه باطراف صبعي

هو ابيض بس لما توزعينه وتدمجينه بيكون خفيف مب ابيض اوفر

استعملته تقريبا 3 أو 4 مرات وماحسيته ساح وحسيته ثبت ووضح لون الشادو

للعلم استعملته فوق مثبت مب بروحه


الاثنين الباقين ماستعملتهم بس جربت اللون طبعا واحد اسود و الثاني بنفسجي غامج

كنت محتارة بينه وبين اللي اسمه بس بيربل بس اخترت هذا

وشكلي المرة الياية بطلب الازرق والاخضر احسهم روعة لتحت العين


طبعا المفضل عندي مثل ماقلتلكم ميلك


وبعد طلبت شدو مفرد وعلبة الشادوز الصغيرونة.. باللون البنفسجي
"تيي بأربع ألوان.. بنفسجي.. نيود.. برونزي.. سموكي"



انا وايد احب اللوكات بالشدوات البنفسجية فخذيتها

صغيروووونة حدها كيوت للشنطة.. فيها 9 ألوان شدو @@ ولونين حمر تحت

نسيت أصور الحمر أصلا راحوا عن بالي حزة التصوير هههههه

استعملتهم لحد الان 3 مرات.. وبصراحة كنت متوقعة إنهم بودري وبسرعة يطيرون

بس طلعوا يتموت ولونهم واضح

"كنت حاطة كونسيلر وفوقه مثبت وبعدين قلم ميلك"

شكلي بطلب اللون النيود.. يقولون إنه منافس للنيكد.. علشان أحمله بالشنطة صغيرون يندعس.. للتاج آبس لو احتجت


وخذيت منهم شدو مفرد اسمه Frosted Flake

شفت إنه يعتبرونه ديوب لماك رايز بيبر

أنا ماعندي شدو ماك.. بس هاللون حبيته كإضاءة وايد حلو هادئ خاصة مع الدمج


آخر شي خذيته للعيون كونسيلر وبيس



الكونسيلر مب يديد علي.. هذا الثالث أو الرابع اللي اشتريه كل مايخلص ارد

وااايد مرتاحة منه.. كريمي وبسرعة يندمج ومايخطط.. ويتم مدة

ساعات اذا فاونديشني مخلص او سريع سريع اوزع الكونسيلر بفرشاة فاونديشن وفوقه البودرة

انا استخدم الدرجة اللي اسمها بيج

والثاني بيس العيون

شفته وجذبني ايي بثلاث ألوان

Skin Tone / White / Pearl

انا خ1يت السكن تون مثل ماجفتوا بالصورة هو والكونسيلر تقريبا لونهم واحد.. عقب ماطلبتهم شفت تعليق وحدة كاتبة إنه الكونسيلر يغني عن البيس

بس من استخدامي صح اللونين يتشابهون بس القوام يفرق ويبين انه البيس مايغطي مب نفس الكونسيلر

بس على العموم بستخدمه أكثر إذا حسيته صج مفيد كمثبت بطلبلي اللون الأبيض أو البيرل

حسب التعليقات انه البيج يثبت الشدو مدة أطول

والأبيض يخلي اللون أقوى

والصدفي بعد يقوي اللون ويخلي فيه شيمر خفيف


ثالث نوع من المنتجات للويه خذيته بلاشرات

اول مادشيت صفحة بلاشراتهم صفيت لي تقريبا من كل نوع 3 لوووول

بعدين قررت اخذ من كل نوعية 1 والمرات الياية يصير خير هههههههه

هذي البلاشرات



انواعهم: باودر عادي / كريمي / بودر بالوان مختلفة يستخدم كاضاءة
"انكسر من ثاني يوم اختي طيحت العلبة تخيلوا بطلبلي غيره"


هذي الأسماء




Natural هو الكريمي.. وردي على بيتشي.. حبيته اللون.. احطه فوق الفاونديشن واوزعه وادمجه عدل وفوقه احط مسحة بودر خفيفة وبعدين بلاش عادي
Mauve الباودر.. هـــادئ وفاتح مات مافيه ولا لمعه.. بين الوردي والبنفسجي
Dare ماتهنيت فيه استخدمته بس مرة.. تدرجات البرتقالي والبطيخي وبروزنز خفيف.. جمييل لازم بطلبه مرة ثانية


المفضل عندي الكريمي

ناوية أطلب من الكريمي لون مشمي او بيتش
ومن البودر لون وردي اسمه بينكي ولون اسمه بينجد بشيمر خفيف يقولون يشبة نارس أورغازم
ومن الدائري بطلب اللي انكسر وفيه درجة اسمها هايلايت هذي شفافة وتستخدم للويه كله شفت بكذا سايت يمدحونها فنويت عليها المرة الياية




وآخــر شي لليوم من هالسايت بس مب نيكس



من ميلاني خذيت هالروج

بالصدفة من قبل شفت صورة كيم حاطة روج فوشي من نارس وهو ليميتد

وكانو كاتبين انه ميلاني روز هيب هو الديوب له

خذيته.. بس طلع وردي فسفووري مب فوشي @@ مادري اذا بتجرأ احطه بروحه ولا بخلطه؟

انا عالعموم الفوشي والبنكيات حبايبي




وبس خلصت هالبارت من موضوعي

عجبكم؟ تبوني أكمل ولا تمللتوا؟

أدري أنا هذرتي وايد لووول

إذا بغيتوا أكمل بحط لكم سواتشز اللي حطيتهم اليوم

<<<< لأن كيمرتي كامرتي ثابته ماقدر اصور يدي من جريب

وجربت أصور سواتشز بالايفون بس تصوير في اضاءة الغرفة مايطلع الألوان

الحين بصورهم في إضاءة الشمس


وإممممم عندي منتجات E.l.F

وفرش سيقما وإيكو تولز

تبووونهم؟



وووبس إن شاء الله يعجبكم الموضوع

البدليات طنشوها بليز <<< وايد كلامي ماقدرت أراجعه


وإذا وحدة حبت تسألني عن شي لا تتردد ^.^

حياكم ^_*





. : + : .

/ .. ~ يـِحـْفـَـظكـُـم ،، الله ،، ويِـرعَـاكُـمْـ } .. \


. . .
. .
.

B y e



عرض البوم صور { سحر الوَرد *     رد مع اقتباس

قديم 23-06-2011, 12:22:23 PM   رقم المشاركة : [3]
كــويــتــيــة ذهــبــيــة
الصورة الرمزية najdeya
 
najdeya غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


يعطيك الف الف عافيه موضوع حيل مفيد

اول مره ادري ان ارامكس يوصلون ميك اب

مشكوره حبيبتي


عرض البوم صور najdeya     رد مع اقتباس

قديم 23-06-2011, 12:32:39 PM   رقم المشاركة : [4]
كــويــتــيــة ذهــبــيــة
 
Kocheko غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


مشكوره حبيبتى تتهنين فيهم
بيس nyx مو موجود عندنا سالت عنه من فتره وقالوا مافى مادرى اذا نزل ولا لاء خاطرى اجربه احسه حلووو


توقيع » Kocheko
اللهم حببني في عبادك... وجملني باعين ادم وحواء
عرض البوم صور Kocheko     رد مع اقتباس

قديم 23-06-2011, 01:00:00 PM   رقم المشاركة : [5]
كــويــتــيــة فــضــيــة
الصورة الرمزية هزني الشوق؟
 
هزني الشوق؟ غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


عليج بالعافية وانا اطلب من امازون قد طلبت باليت شدو كبير والحمدلله وصلني بالسلامة مو متكسر

واطلب بلاشرات بالذات نارس وبخصوص بيس اربن ديكاي صحيح حجمه صغير

بس اذا قصيتي بمقص بتتفاجاين بالكمية الي داخله دوري باليوتيب وبتحصلين الطريقه

ويسلمو على المعلومات وموضوعج كامل ما شاء الله ^^


عرض البوم صور هزني الشوق؟     رد مع اقتباس

قديم 23-06-2011, 01:09:08 PM   رقم المشاركة : [6]
كــويــتــيــة فــعــالــة
الصورة الرمزية Zozowa j
 
Zozowa j غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


Mshallah a'3ra'9ch. Tynn
3laich b 1000 3afya


عرض البوم صور Zozowa j     رد مع اقتباس

قديم 23-06-2011, 01:19:40 PM   رقم المشاركة : [7]
كــويــتــيــة فــعــالــة
الصورة الرمزية بنت زايد 22
 
بنت زايد 22 غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


عليج بالعافية الغلا


عرض البوم صور بنت زايد 22     رد مع اقتباس

قديم 23-06-2011, 01:26:51 PM   رقم المشاركة : [8]
كــويــتــيــة نــشــيــطــة
الصورة الرمزية تِجمُلْ ~
 
تِجمُلْ ~ غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


ماشاء الله
المكياج يونننننس وايييييييييد
وسيفت المواقع شيشتيني عليييهم
حبيت باليت الشدوو يونسسسس والأروآآآج رهييييييبه

عليج بالعافيه والله يام الزين
ماتقصرين لانج كتبتي تجربببتج فديتج


عرض البوم صور تِجمُلْ ~     رد مع اقتباس

قديم 23-06-2011, 01:40:54 PM   رقم المشاركة : [9]
كــويــتــيــة مــاســيــة
الصورة الرمزية EleGanZa
 
EleGanZa غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


عليج بالعافيه حبيبتي :*

اغراضج تشوق ماشاءالله

انا احب اطلب من بره بس مشكله الارامكس غالي والجمارك يخلون سعر الشغله دبل ..!!! يقهرون


عرض البوم صور EleGanZa     رد مع اقتباس

قديم 23-06-2011, 02:14:44 PM   رقم المشاركة : [10]
كــويــتــيــة ذهــبــيــة
الصورة الرمزية q8ia7
 
q8ia7 غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


اووووومبي يشوووووق ودج تاكلينه كله لوول والتصوير وايد حلوه مشالله عليج

وحطي بعد ايلف وسيجما وحطي كل شي كل شي

واااي النيكد شنو بخاطري مع ان اكثر الشدوات اللي عندي بنيات وناتجرال بس هذا يا رباااه مشوقني حيل

انزين امانه طلبج هذا بس جم طلع عليج ؟ كل شي كل شي يعني جم دفعتي بالضبط

ويعطيج العافية وعليج بالف عافيه تتهنين حبيبتي


توقيع » q8ia7
أستغفر الله العظيم ،

اللهم صلي على محمد وآل محمد~
عرض البوم صور q8ia7     رد مع اقتباس

قديم 23-06-2011, 02:26:42 PM   رقم المشاركة : [11]
كــويــتــيــة ذهــبــيــة
الصورة الرمزية ذكريات عشاق
 
ذكريات عشاق غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


روعه ماشالله والالوااان غاية في الذوق
عليج بالف عافية


توقيع » ذكريات عشاق آستغفر الله العلي العظيم واتوب اليه





عرض البوم صور ذكريات عشاق     رد مع اقتباس

قديم 23-06-2011, 02:38:46 PM   رقم المشاركة : [12]
من كبار شخصيات كويتيات
الصورة الرمزية مزيونه وشقره
 
مزيونه وشقره غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


يهبلووووون والالوان تهبل ماشاءالله عليج بالعافيه حياتي


عرض البوم صور مزيونه وشقره     رد مع اقتباس

قديم 23-06-2011, 02:39:33 PM   رقم المشاركة : [13]
كــويــتــيــة ذهــبــيــة
الصورة الرمزية ✿فيْۈنڪْہ✿
 
✿فيْۈنڪْہ✿ غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


ما شــاء اللــه اغراضــج روووعـــه ...

عليــج بالعافيـــه ...


توقيع » ✿فيْۈنڪْہ✿ ✿ لاالـه الا انت سبحانـك إنـي كنت مـن الظالميـن
عرض البوم صور ✿فيْۈنڪْہ✿     رد مع اقتباس

قديم 23-06-2011, 02:39:54 PM   رقم المشاركة : [14]
كــويــتــيــة بــرونــزيــة
الصورة الرمزية { سحر الوَرد *
 
{ سحر الوَرد * غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


/ .. ~ بـِـسـْـمـ ،، الله الرّحـْـمـَـنْ ،، الـرّحـِـيـْـمْـ } .. \

. : + : .

تسلمـــون حبيباتي على التفاعل

برد عليكم وحدة وحدة..

بس رحت صورت سواتشز للمنتجات كلهم

بصغرهم وبرفعهم وبضيفهم هني

وعقبها برد عليها

حياكم الله منورين ^.^





. : + : .

/ .. ~ يـِحـْفـَـظكـُـم ،، الله ،، ويِـرعَـاكُـمْـ } .. \


. . .
. .
.

B y e


عرض البوم صور { سحر الوَرد *     رد مع اقتباس

قديم 23-06-2011, 02:41:45 PM   رقم المشاركة : [15]
كــويــتــيــة بــرونــزيــة
الصورة الرمزية 3la-q8'
 
3la-q8' غير متواجدة حالياً
افتراضي كويتيات رد: [ مشتريــآتي من الميــك آب.. كلهـآ أون لآين حيــآكم بالصـور والمعلومــآت ]


ما شاءالله عليج بالف العافية

عاد منزلين ماركة nyx باليت جديد نسخة لنيكد باليت شكله عجيب


عرض البوم صور 3la-q8'     رد مع اقتباس

إضافة رد
: تويتر الموضوع

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



تابعينا على كويتيات
تابعينا أول بأول على تويتر وانستقرام كويتيات

ترتيب كويتيات عالمياً


الساعة الآن حسب دولة الكويت : 03:05:37 AM.

 
Powered by vBulletin® Version 3.8.7
خدمات منتديات كويتيات منتديات كويتيات الجمالية منتديات كويتيات الأسرية منتديات كويتيات التجارية
اشتراك سيدة أعمال ركن الاستفسارات الجمالية ركن العروس كويتيات مول عروض متنوعه
دليل التاجرات العناية بالشعر والبشرة والجسم الحياة الزوجية بيع اكسسوارات شنط وعطور
متجر كويتيات لوكات المشاهير - المكياج و العطور نساء وحمل و ولادة - أولياء أمور الطلبة بيع منتجات العناية بالجسم والبشرة
تحميل صور ركن الأزياء و الإكسسوارات تأخر الإنجاب - التربية و الطفل بيع الملابس ومنتجات الحياة الزوجية
صور كويتيات منتديات كويتيات المطبخية منتديات كويتيات الأدبية بيع المنتجات الغذائية والتوزيعات
تصميم توقيع مطبخ كويتيات - الأطباق الرئيسية بيت القصيد - ركن الخواطر بيع جميع مستلزمات الأطفال
استعادة كلمة المرور - تفعيل الاشتراك المقبلات والمعجنات - حلويات القصص والروايات أرشيف السلع والمنتجات
الاتصال بنا عصائر ومشروبات - أطباق صحية ركن متاع القلوب تجارب العضوات مع سيدات الأعمال
المواضيع والتعليقات المنشورة لا تعبر عن رأي منتديات كويتيات ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

Search Engine Optimization by vBSEO 3.6.1