مشوار الرشاقه

حبيبتي modern مشكوره على الدعوه الحلوه الله يهنيج بحياتج ويوفقج ويرزقج وينولج الي فبالج اللهم امين
حبيبتي ليمه الحين ما وزنت اوزن يوم 13 \6 ان شاء الله

اامممم خل اقولكم شنو سويت
الساعه 11 اكلت حبتين توست اسمر بالحبوب مع جبن وزعتر وطماط واخذت حبتين حبوب كبد الحوت
بعدها بنص ساعه تقريبا يت بنت اختي فديتها وعطتني حبة مكنتوش واصرت اكلها خو انا ما صدقت اكلتها
بعدين الساعه 3ونص اكلت بادية سلطة حطيت عليها صلصله انا سويتها الصلصله عباره عن واحد روب فيتال ووظرف واحد بوردة كنور حق السلطه وقفشه كبيره زنجبيل الي سويته مثل ما قلتلكم قبل وبيضتين سويتهم مع قفشة زيت زيبون تقريبا مع حبه وحده جبن شرايح
بتقولون مسويه رجيم وتاكل كل هذا انا ما ابي احرم جسمي ابي يضعف على راحته يضعف بشبع مو بجوع عشان لا ااترهل ولا يوقف وزني

وحيدة نفسي حبيبتي فديتج مشكوره على الدعوه الحلوه ان شاء تضعفين بصحه وعافيه ويثبت وزنج وينولج الي فبالج اللهم امين

من امس انا ما نزلت شوي لأني لهيت شوي خالتي نايمه عندنا ولوية اليهال
المهم امس الساعه سبع شربت قلاص حليب مع زنجبيل وزعفران وماي ورد حطيت بدال السكر العادي سكر الذره قليل السعرات
كنت ناويه ما اتعشى بس يعت فأكلت سلطه مع صلصلة روب وزنجبيل وحبت جبن سلايز فاضيه

طبعا صار فيني امساك تكرمون فقبل لا انام اخذت حبتين من ادوى اعشاب اشتري من الجمعيه علبته صغيره سعره نص دينار تقريبا بس وايد حلو ينظف البطن تكرمون فالساعه سبع بين مفعوله وفعلا فعلا نظف بطني حسيت انها خفيفه وفاضيه وكنت مرتاحه حيل رديت نمت وقعدت 9 ونص طبعا قعدت ميته من اليوع بسرعه شربت عصيري المعتاد الي اهو عصير ليمونه قفشة عسل قشة زيت زيتون اصلي مع شوي ماي بحيث يصير نص قلاص

وبعدها بنص ساعه تقريبا اكلت عشر حبات كازو وهم بعدها بنص ساعه اشتهيت همبرجر امي فجت حلجها اتقول استغفر الله اسد همبرجر من الصبح هذا رجيم وجذي طقت براسي امبي كنت حيل يوعانه المهم جان اقوم اشوي حبتين همبرجر وحبتين توست اسمر بالحبوب حطيت على كل ويه من التوست قفشة ميونيز متوسطه وحطيت حبتين الهمبرجر مع حبت جبن سلايز وحده واكلتهم وقلبي قام يعورني لاني اكلتهم طبعا بعد ما اكلت قلبي قام يعورني بس ما علي

عاد بعدها مشيت على جهاز المشي ربع ساعه وتعبت بس ما قعدت رحت على طول على الجهاز القاري ولعبت علي ربع ساعه بعدين رديت حق جهاز المشي كملت النص ساعه

حبيبتي افراح صغيره مشكوره على الدعوه الحلوه الله يصبرني ويقويني عشان اكمل ان شاء الله جزاج الله الف خير الله يوفقج وينولج الي في بالج اللهم امين

الساعه ثلاث اكلت نص صدر دياي مشوي مع صلصة روب مطبوخ فيها وسلطه بس خربت الدنيا وشفت التمر وانقضيت علي اكلت تقريبا سبع حبات تمر محشي لوز ضاق خلقي وعدت نفسي بعد ماا اعيدها ان شاء الله

الساعه 9 تقريبا دقت علي رفيجتي تبي مني شغله عاد رحتلها اهي ساكنه بالدور العاشر صعدت بالاصنصير ونزلت بالدري وبعدها كانت صوبهم الجمعيه فرحت الجمعيه مشي يعني مشت عشان اوصل الجمعيه عشر دقايق تقريبا وتمشيت بالجمعيه يمكن ساعه او اقل شوي بعدها هم رديت مشي وبس

شيخة البنات حبيتبي مشكوره ان شاء تضعفين بصحه وعافيه وينولج رب العالمين الي فبالج اللهم امين

امس تعشيت روب فيتال مع تفاحه ونمت

اليوم الصبح الساعه 7 ونص طلعنا رحنا البحر على الساع 8 وربع دخلنا الماي وقعدت اسبح شوي على بطني شوي على ظهري شوي وانا واقفه تسبحت بذمه وظمير طلعنا من الماي تقريبا الساعه 10 الماي رهيب مع انا في شمس بس الماي بارد حده وناسه
طبعا قبل لا اطلع شربت عصيري المعتاد عصير ليمونه قفشة عسل قفشة زيت شوي ماي دافي بحيث يصير نص قلاص واكلت عشر حبات كازو

طبعا ردينا البيت حدي يوعانه على طول رحت المطبخ شويت ثلاث حبات همبرجر وحبتين توست اسمر الحبوب وجبنتين سلايزز وسلطه احس ان يوقتها كنت مفجوعه وبس بحاول اليوم بس اكل روب وسلطه وتفاحه ان شاء الله اقدر