موضوع للنقاش: الخاين ..اللي مايدري عن بيته ...ليـــــــش ؟؟؟

الرجل لو يقصر بحقوق زوجته وبيته وعياله ماتفكر المرأة تخونه أو تدور على واحد يملأ الفراغ اللي يتركه الزوج
أما الرجل لو زوجته بالنفاس يروح يدور على وحدة يستانس لدرجة فيه حريم لقوا أزواجهم مع الخدامات
هذا مو حق
الزوج له دور كبير في حياة الأسرة لكن أشوف المرأة دورها أكبر فتون الزوجة مشغولة أكثر من الزوج وهو بس قاعد يتطمش عليها هذا ليش جذي وهذا ليش جذي يعني الزوجة تتقطع ماتدري هي تجابل الزوج أو البيت أو العيال أو التدريس وهذا مريض وهذا عليه امتحانات وخصوصا الموظفة عليها الحمل أكبر هو ما يصدق يلقى عليها زلة راح يركض يدور الحريم ولو بتكلم منيه لباكر ما راح أخلص
والمرأة تصبر على الرجل لكن الرجل ما يصبر على المرأة

اختي انا بقولج شغله انا صار لي 10 سنوات متزوجه والحمدالله قايمه بواجبي وعمري ماتذمرت من طلباته ورغباته كنت طالبه طلعي من الدراسه ولا خلاني اشتغل ولااسووق !! ولا انا من النوع الي اطلب على النيه الي يعطيني ارضا فيه
ماارده ولا عمره قليت ادبي عليه !!

ومع هذا خاني ولما سألته نكر وتم ينكر بس على منو مو لهدرجه انا غبيه
مع الايام قالي اللي اسوويه مزاج وتغير وعذرته قلت يمكن انا كبرت واهتميت بنفسي بس ماكو فايده

ترى في رياييل مايترس عيونهم الاتراب القبر مع الاحترام ..

ومثل ماذكرتي ترى مو العتب على الرياييل مرات يصير من الحريم لان الصراحه في متزوجات مايهتمون الا بالاكل والعيال

والله لو بتكلم بالموضوع هذا مانخلص والناس اجناس بطبعهم

@عطر@ قال:

الرجل لو يقصر بحقوق زوجته وبيته وعياله ماتفكر المرأة تخونه أو تدور على واحد يملأ الفراغ اللي يتركه الزوج
أما الرجل لو زوجته بالنفاس يروح يدور على وحدة يستانس لدرجة فيه حريم لقوا أزواجهم مع الخدامات
هذا مو حق
الزوج له دور كبير في حياة الأسرة لكن أشوف المرأة دورها أكبر فتون الزوجة مشغولة أكثر من الزوج وهو بس قاعد يتطمش عليها هذا ليش جذي وهذا ليش جذي يعني الزوجة تتقطع ماتدري هي تجابل الزوج أو البيت أو العيال أو التدريس وهذا مريض وهذا عليه امتحانات وخصوصا الموظفة عليها الحمل أكبر هو ما يصدق يلقى عليها زلة راح يركض يدور الحريم ولو بتكلم منيه لباكر ما راح أخلص
والمرأة تصبر على الرجل لكن الرجل ما يصبر على المرأة

أنقر للتوسيع...

والله ياعطر كلامج صح انا بعد جذي خاني مع ياهل ولما واجهته حاول يحط عيوب الدنيا فيني بس ماقدر يدري فيني مومقصره بحقه بس اهو موكفو بس اضطريت اسامحه عشان بيتي وعيالي شسوي بس الجرح للحين موجود
بس ما اقول الا الله يهديه وانا رحت حق امه وطلعت خياسه بس طبعا نكر وانا والله مومقصره بحقه لكن هذا الدنيا
والله موشرط ساعات تشوفين حريم مايدرون عن رياييلهم ويلوعون الجبد حتى بيتها ماتنظفه وكله قاطه عيالها عند الخدم وماتدري عنهم وكله هايته وتلقين الريل يطالع خاطرها مطالع ويموت عليها ولا يرضى عليها

شوفي أختي الغالية كلامج صحيح 100% بس ماينطبق على كل الحالات والله يالغالية آنا أعرف وحدة ملتزمة ويشهد لعائلتها بالطيب والعطاء ومتزوجة وعندها عيال لفت على ريال عن طريق زوجته قامت تدز النقصات وحدة ورا الثانية وبي أساعدكم في مكتبكم وىناوآنا ورسايل بينها وبين الزوج يعني مساعدة وشغل ودارت وراه ليمن طلقته من مرته إهنيه بالحالة هذي منو الغلطان ؟؟؟؟؟

حبيبتي اشقاعد تقولين؟
علشان المرة تهمل, هل شي يحلل حق الزوج الزنا؟؟؟
انتي سألتي ليش الرجل يخون
انا اقولج ليش
الأ الحكم الشرعي بالزاني للأسف لايطبق
وله تخيلي معاى لو لو لو فرضا يطبق الرجم للزانيين
جم عدد الرجال راح يتبقى بالكويت؟؟؟
ولاتقوليلي الرة هاملة نفسها, لانة الرياييل مايملة عينهم إلا التراب

هلا الغلا

انتو كل المره المره .ز ازين المره تهتم بنفسها وتهتم في البيت والعيال وتهم في اهله وتهتم انه ما يزعل منها ولا ياخذ على خاطره .. حتى لو هي بتنفجر من داخل

تهتم في مسؤلية البيت .. لانه مشغول مسكين ووراه دووام .. وهي فقيره بس عندها دوام والاعيال .. وهو

كله الزوجه الزوجه .. شوفي الغلا .. صج المره لها دور بس هو وين .. شنو عذره يوم القيامه جدام ربه .. هي انشغلت بالعيال الي انا ابي اترس البيت فيهم ويكونو لي عزوه جدام الناس .. او انه يقول مشغوله بشغله الي انا محتاجها تشتغل حتى تساعدني بمصاريف الدنيا ...

وين دور الرجل نفسه .. وين الصبر على الحلوه والمره ... وينالاخلاق .. وين الخوف على العرض وان الله بيبلينا في اهلنا ..

احنا الي نسينا .. ودووم الرجال ما عليه غلط رجال .. وننسى ... .. هو وين ودوره ووين....مرته مو كشخه يكشخها ..والا الافلوس على الصديقه حلال يغرقها هدايا وعلى زوجته فقران..
زوجته مشغوله بالعيال... يجيب من يساعدها .. او يمسك عمره ومو لازم يكملهم فريق.. حتى هي بعد تعرف تشم نفسها
زوجته فيها .. او فيها .. وين القوامه .. وين الحسن التصرف ..

يعني هي تستحمل خياسه وصراخه ولوعة الجبد لها .. والعسل كله لبنت الشوارع الي تعرف عليها ..

انا اقول ان الغلط يركيب الرجال من ساسه لراسه .. ومافي الحين وحده ماتلبس ولاتتعدل .. حتى عمليات صرنا نتحدى اللبنانيات علشان سي عبد العال.. بس بعدج تتم في عينه خفسه

انا اقول ان الغلط الاولي منه هو لانه نسى ربه .. والثاني .. نشوف شنو .. ولو فيها ليش مايحله قبل مايشوف غيرها .. والا الخيانه عندهم اسهل بوايد من حل المشكله \



اعتذر من الاطاله .. بس صج الموضوع صار يقهر .. يخون وبعد له عين يقول منها اهي .. صج وقاحه .. (( ان لم تستح ففعل ماشئت))

تدرين جرح
اايدج كلامج ابله
صج المفروض الوحده توقف وتقيم نفسها وتشوف السبب بعدين تحاول تعالج
بس اذا كانت المره مهتمه بنفسها ومومقصره وتعطي بس الريال مايقدر ويطلب زود ولايحمد ولايشكر ويعتبره حق مكتسب من حقوقه الحين المره غصبا عليها تحطب البيت وياه
وغصبا عليها تجابل وتحط وتسوي وتوجب
وغصبا عليها مو طيب منها تتحمل كل شي
ويشين النفس وياكل ويمسح ايده بالطوفه واي شي بالدنيا سببه اهي اهمااااااالج تقصيييييييييييرج انتي السبب والباشا؟
زوج الفنادق؟
اللي حاله حال العيد مرتين بالسنه يطل علي الناس!
بس مرتين باليوم
امانه حسبوها جم ساعه تشوفين ريلج باليوم ومتي؟
شكثر؟
وعقب شنو؟
اتكلم عن الوضع الطبيبعي؟
يقوم دوام يرد اهي يايه من الدوام(الا ربه المنزل يابختها+ياقردها) بهدومها وبدلتها وتلبس شي خفيف مريح وتقعد اهو قل الدشداشه وتربز بالصاله وصرخ الغدا الواحد يوعان بينام يالله اذيتونا ذليتونا علي لقمه بناكلها وكله طبخ خدااااااااامه شسويتي خو بتصخنينه وتبتدي موجه التعليقات الجميله اللي تنشرح اسارير الزوجه له كل اسروره اكبر من اللي قبلها
حلو؟
بس الكويتيه السنعه وهذا حال الكويتيات كلهم تلقينها رافعه الجام ومطنشه
ولبس عادي بس تنبيه بنات ماله داعي قمصان البيت ام دينار ونص وماله داعي ديزني كبرتو علي اريل وجاسمين وويني ذا بو (الا اللي ريلها يحب) يعني القميص الشرح المريح بودينار ونص يعادل تونيك او نفنوف قصير من زارا ومانغو وحتا بوخمسه واشوا ان الحين الموديلات ريترو ستايل يعني واسع بواسع خير اللهم اجعلو خير
لاتكشخون حق بره وتخلون البيت ترا هم
وقمصان الطوال = نفانيف بيت قصار
وماتحبين تتكشفين الله يعافي موضه الليغنغز
تبين باجاما؟ ماتبين تلبسين نفنوف <<<<برمودا اللي خامها ايلاستك
وهذا ترا اغلب الكويتيات جذي



اتلمهم لبست وحقرت ونجبت بس هم بشر يعنيي الحجي يجرح ماتلقينها يسفل فيها واهي تبتسم وحبيبي وعمري تلقين داخلها ودها بالملاس تنجب وتطق بس الوضع سكوت
وتاكل هدوء وتنجب لليهال وبعدين تحاول تفتح سالفه عقب ما الدب يبتدي يدبه ، وتحسنت النفسيه شوي وانشاءالله تحصل ريج حلو
بسرعه بسرعه نام قام لبس طلع <<ديوانيه + يتابع الاعمال + يزور اهله + يهيم بالشوارع الواسعه المهم يطلع يقب
او يقعد بالبيت يحوس ويزفف
والمره هم ساكته او تطنش او يمكن يعطي ريج حلو ويضحك ويسولف لله الحمد
وبعدين؟ رد البيت عشا او متعشي بره بنام
او جابل البلاي ستيشن
او قعد يركب شي
او قعد يمارس الهوايه الكويتيه والمنتج الوطني الحنه وانتي وعيالج وانتي انتي المحلل الاوحد والفطحل للزوجه الكويتيه الكامل المنزهه استغفرالله



خلصنننننننننننننا حط راسه وننام
يت الزوجه عقب كللللللللللللللللللللل هذا وكل التحمل ياحبيبتي لابسه (يايتطنز علي الجسم لان الوحده مطلوب منها انه تحمل باللوز يعني تحمل تولد وترد اضعف من قبل) او تطنز علي ركبها السود (لان ركب امه بيض وركبه انظف من الصيني بعد تلميعو) او اي شي
او يمكن يكون خوش واحد ويقول ايبا شهالزين شهالحلاه تعبان وراي دوام تعبان وراي قعده
ودمتم سالمين
تحط مصرف
وتجابل خدم وتسوي كل شي
وفوق هذا يقول امقصرررررررررره احس اني فاقد حنان ومحتاج وحده يمي (بالله هاللي شايله البيت علي راسها مو كائن بشري وانثي؟) وانت قعدت بالبيت وشفت علشان تعرف في احد يمك والا لأ يا الضوء الشارد؟ انثبر رجاءا وتعال كلمنا بعدين عن هياته الزوجه






السبب الثاني:
رفاء السوء وما ادراك تلقينه يبله برفيجاته كلمها زعلانه الله يخليك عطني تلفونك بدق والبنت تشبط باللي تحصله وشدراها ان متزوج!!
او طالع ويا رفيجه ويتحرش ويقوله وين الرجوله وين الفحل بتاع قبل اللي يطيح البنت بخمس دقايق عاد اهني النخوه العربيه والمرؤه start to kick in ويحاول الفحل يثبت بطولته وفحولته ويطيحح البنت صريعه رمشه ويرقمها


او او او الرفاق الرفاق الصاحب ساحب من صج




والسبب الثالث السائد :
الموضه
ستايل الله وكيلج
الحين الكل يتعرف شمعنه اهو مثل ذاك اليوم بمحله اليقظه مت من الضحك كاتبين ببباب المحكمه (مو من صج محكمه اثنين يعرضون مشاكلهم وفي قاضي يحكم، )تقول نسيت اني مره اسوي كل شي واهو بالدوانيه ورد الريال علي الموضوع يقول شنو الغريب؟ ماني طفره ولاشي حالي حال كل االرياييل بالكويت شنوي عني لو شالت مسؤوليتي ومسؤوليه البيت انا قاعده اعلمها تعتمد علي عمرها شي ماتعلمته ابيت ابوها !!!!!
هزلت يازمن العجائب هزلت

اللي تتكلمين عنهم ،اللي مايقه وماتهتم هذي الريل يداري خاطرها مدارا ويطالع ويهها مطالع

كلامج عدل

فيه حريم مقصرين وريايلهم يلعبون بيدهم وريولهم وفيه العكس مهملته ويركض وراها الناس اطباع سبحان الله واجناس ماتقدرين تحكمين على حاله وحده

مثلا اللي بيلعب يلعب سواء مهملته او حارصه عليه

وبعدين غلط المره تسوي كل شي تدرس تربي توكل تنوم ..ألخ غير تتزهل حق زوجها وتكشخ له اهوا الوقت اللي بيكون بالبيت مو كثر بره البيت يعني لو طلع فاضي ماكو شي يسويه اكيد بليس بيلعب بعقله وبنات بليس على قولة فوزيه يدورون الريل بالتفق

يبون المتزوجين اكثر من العزابيه مادري شفيهم استخفوا

يعني المره لااااااااااااااااااااااااااااااااااااااااااااااازم تعطي ريهل مهام او اشياء يساعدها مثلا يددرس العيال ايب اغراض من الجمعيه ..ألخ وايد امور لازم يشارك فيها مو بس اكل ونوم وهياته ولا جنه رب اسره ؟؟

واول واخر على طبيعة الريال الخوان خوان لو شنو كانت المره لو جميله لو خلوقه لو متربيه لو سنعه يظل اهوا خاين وبوطبيع

والتوافيق على الله

وهم ما يمنع انه يكون حليو ويلقى وقت فاضي ممكن يلعب فمن جذي الواحد يحرص والمره السنعه تشغل ريلها وتدخله وياهم بالبيت وتخليه يحل مشكله معينه يدرس اليهال يوديهم ايبهم يطلعون ..ألخ عشان مايظل بروحه يفكر بروحه ويقول شعندي من الشغل ارد البيت فندق اسوي اللي ابيه واطلع جني عزابي ماعندي مسؤوليه ولا شي

والاختلاف بالراي لا يفسد للو قضيه انا هذا رايييييييي

الفريدة قال:

كلامج فيه شيئ من الصحة لأنه أحيانا تكون الزوجة هي السبب مهملة لزوجها و بيتها والريل يعيز وهو يقط نغزات والمرة إذن من طين وإذن من عجين ماتدري وين الله حاطها وبما أن الرجال انانيين وأغبياء فتجدينهم يستسهلون الخيانة ويستصعبون إصلاح الزوجة والبيت ....

وأحيانا تكون كاملة والكامل الله ومع هذا يخونها زوجها والله أعرف وحدة ماشاالله عليها شاطرة وسنعة في كل شي في التربية و الطبخ و الذوق و التوفير و اللبس وترتيب البيت وريحة العطور والبخور اللي مالها مثيل ومع هذا في يوم من الأيام ياها ولدها جان يقولها يما اليوم أبوي وهو موديني المدرسة حسيت إنه يكلم وحدة ..وطبعا اشتغلت التحريات ولقت الأدلة على خيانته وكانت شخصيتها قوية وواجهته وماقدر ينكر وهددته بأنها ماعندها مانع تقلب الدنيا فوق راسه وإنها راح تفشله جدام أهلها وبالذات أبوها(عمه) اللي يحبه ويحترمه... ( طبعا إهية كانت فاهمة شخصية زوجها عدل وعارفة نقطة ضعفه وعلى هالأساس تصرفت )..والحمدلله انتهت السالفة على خير

أنقر للتوسيع...

والله يالفريدة اذا قط نغزات انا اعتبره مهتم في بيته ويحاول يصلح مرته هذا نووع نادر ترا

وفي انواع مثل ما قلتي لو عنده ملكة جمال الكون ومو مقصرة عنه هم بيخون او بيطلع اي سبب عشان يلعب

شاكرة مروورج حبيبتي وما تقصرين :eh_s(17):

انا اشوف السبب مرااات يكون بسبب الزوجة تكون لاهية ماخذتها الدنيا والطلعات والروحات ماتدري عن بيت ولا ريل ولا عيال او مهملة روحها أو نكدية أو تعاند زوجها فيطلعها من جبدها بطريقة ثانية هني انا معاج الزوجة يكون لها دور ..
مع انه بعد مو عذر ...
بس يعني ممكن تلقين ثغرة بالزواج وهو استغلها ..
لأنج لو بتشوفينها بالمثل اغلب رياييل الكويت ما يدرون عن بيوتهم ومقصرييين والزوجة اهي المرة والريال شلون يعني هذا عذر او مبر علشان تخون ؟؟ لا طبعا !!

بس مرات الزوجة تكون قايمة بكل حقوق الزوج ماقصد انها تكون حلوة ومهتمة بروحها بس لا والله تكون كاملة مكملة ماسكة بيتها وعيالها وريلها وبيدها وريولها والزوج يخون شتقولين بفراغة العين وقلة الاحترام يبي وحدة تمسك بيته وهو يسرح على كيفه هني هاذي الشغلة اللي تحرررررررررر ...

@عطر@ قال:

الرجل لو يقصر بحقوق زوجته وبيته وعياله ماتفكر المرأة تخونه أو تدور على واحد يملأ الفراغ اللي يتركه الزوج
أما الرجل لو زوجته بالنفاس يروح يدور على وحدة يستانس لدرجة فيه حريم لقوا أزواجهم مع الخدامات
هذا مو حق
الزوج له دور كبير في حياة الأسرة لكن أشوف المرأة دورها أكبر فتون الزوجة مشغولة أكثر من الزوج وهو بس قاعد يتطمش عليها هذا ليش جذي وهذا ليش جذي يعني الزوجة تتقطع ماتدري هي تجابل الزوج أو البيت أو العيال أو التدريس وهذا مريض وهذا عليه امتحانات وخصوصا الموظفة عليها الحمل أكبر هو ما يصدق يلقى عليها زلة راح يركض يدور الحريم ولو بتكلم منيه لباكر ما راح أخلص
والمرأة تصبر على الرجل لكن الرجل ما يصبر على المرأة

أنقر للتوسيع...

حبيبتي ليش يعني ما في حريم تخون ؟؟
واايد في حريم متزوجات تلقينهم مواعد وبشقق وما همهم لا زوج ولا عيال
ولا خوف من الله

والرجال انواع منهم الي متسامح << هذا وين نحصله
وفي منهم اللي يلعب حتى لو زوجته عنده مو بنفاس والا مسافرة
وانا ما اقول هذ من حقه والا الاسلام ليش حلل الزواج باكثر م حدة

بس حرم الزنااا

انا اقول ان احيانا المرة تكون مسئئوله عن خراب بيتها بسبب اهمالها

مو شرط تكون موظفة ومجابلة بيتها وهامله شكلها

لااا في احيانا تكون على سنجة عشرة بس شنو مو حق الزوج ولا حق البيت

من موجب لي استقبال لي حفلات
والزوج عليه السلام

شاكرة مروورج حبيبتي واسعدتني مشاركتج خيتووو

الوجدان وكوين بردتوا جبدتوا

بس والله لو الرياييل عرفوا عقاب الزنا عند رب العالمين جام ما تجرءوا سووها ولا تفشخروا فيها الله يهديهم ويصلحهم

أنا مع الوجدان وكوين

عسل وهمبه قال:

اختي انا بقولج شغله انا صار لي 10 سنوات متزوجه والحمدالله قايمه بواجبي وعمري ماتذمرت من طلباته ورغباته كنت طالبه طلعي من الدراسه ولا خلاني اشتغل ولااسووق !! ولا انا من النوع الي اطلب على النيه الي يعطيني ارضا فيه
ماارده ولا عمره قليت ادبي عليه !!

ومع هذا خاني ولما سألته نكر وتم ينكر بس على منو مو لهدرجه انا غبيه
مع الايام قالي اللي اسوويه مزاج وتغير وعذرته قلت يمكن انا كبرت واهتميت بنفسي بس ماكو فايده

ترى في رياييل مايترس عيونهم الاتراب القبر مع الاحترام ..

ومثل ماذكرتي ترى مو العتب على الرياييل مرات يصير من الحريم لان الصراحه في متزوجات مايهتمون الا بالاكل والعيال

والله لو بتكلم بالموضوع هذا مانخلص والناس اجناس بطبعهم

أنقر للتوسيع...

يعطيج العافية حبيبتي على المداخلة الحلوة
وكلامج صح في رياييل ما يترس عينهم الا التراب
واحيانا يكون التقصير من المرة
الله يهديلج ريلج ويبرد قلبج حياتي :eh_s(15):

انا صراحة اللي اشوفة في رياييل حقرة مع احترامي يعني انا عمتي خوش مرة مهتمة في بيتها وعيالها ونفسها عالاخر وتموت على ريلها وماخذها على حب وموت على تراب ريولها بس شنو يخونها وكل العايلة تدري ولا يتحرش في بنات العايلة يقولي مرة انا احب القريب كل ما قرب كل ما سار احلى عمة بعينة وعمتي المسكينة ما تتوقع ان يتحرش في بنات العايلة يعني حتى امي يتحرش فيها وابوي كذا مرة متهاوش معاه مع انة ريال مثقف ومتعلم ويموت على مرتة يقول ما اقدر اعيش من غيرها حبيبتي بس هم ما اقدر اعيش من غير بنات وعنده درازن حريم ونوعة يصرف عليهم طبعا اهوة مفضوح بالعايلة وكلنا ساكتين بس عشان عمتي بروحها مريضة واهوة مو مقصر معاها دايما يشتريلها ويحطلها ويسفرها عشان يسافر بروحة لا واهوة اللي مساعدة ان شغلة في سفرات برة فيطوف الموضوع ويسافر مع رفيجاتة يعني سوالفة على حقارة ساعات احسها تحس ان عندة سوالف تشكي منة بس اهية ما تبي تحطة برسها لو تبي تصيدة تصيدة شقول بس الله يهدية

[B]أنا أحس أن العادات الي تربينا عليها فيها أغلاط ومنها أن المره لازم تصبر وتشتري خاطر الريال حتى لوعرفت عن خيانته ليش المره مو أنسان من لحم ودم وأنا أستغرب من المره الي ريلها يسوي كل هذا وتسكت عنه وتسامحه علبو أن عندها عيال والله مثل ماباعني أبيعه والعيال مايضيعون بدام الام عارفه أن أهيه سنعه[/B]:eh_s(14):

صراحه كلامج عدل
و انا ما اسمع عن وحده ريلها يخونها الا وتكون مقصره معاه يا ماتعطيه حقه الشرعي بالفراش او مبهدله ومكشره وفوق شينها وقواه عينها تحتج مو حجه انه اليهال والتدريس سبب انه يخليج تلهين عن زوجج اقل مافيها قعدي جدامه بشكل مرتب دراعه عاديه ومرتبه شعرج وعطر خفيف حلو خو مشطي الشعر وربطيه عادي ما ياخذ وقت حتى لو رد وشافج تدرسين العيال ولا تطبخين قابيليه بابتسامه هلا ياعمري ويا قلبي وحشتني اخلص من تدريسهم واييلك اجابلك حتى لو رد مكشر بيفتشل على عمره حزتها ويحس بقيمتج

الله يهدي الرياييل

بعضهم الخيانه بدمه لو شتسوي المرا

والبعض عذره ان لو تشوفين المر ما تفرقين بينا وبين السيلانيه

لكن همن الزنا ما له عذر

مو عاجبتك مرتك تزوج عليها

بس الحرااااااااااااااااااام لا