tattoma

الصواني

up
up up
up up up

راجعة بقوة

السلام عليكم ..... اتمنى لج التوفيق شكلى اول وحدة بتسال ..انا من زمان عندى مطبخ تحضيرى مفتوح على صالة داخلية والحين جددت اثاث الصالة غيرت لونها الى اسود ورمادى ومافى امكانية اغير سيراميك المطبخ وصراحة شكلة حدة بايخ خاصة الجزء اللى مفتوح عالصالة لونة ابيض سيراميك الطوفة محتارة مادرى شسوى فية اصبغة والاافصل علية جبس بورد مثل طريقة البار اواحط لوحة فيةا اسود كبيرة شتشورين على


ومشكووووووووة

قسي قلبك تعيش

انا الثانيه موفقه حبيتي انا ساكنه عند حمولتي وببني فوق شقتي اقدر احط درج من داخل شقتي لفوق وشلون يصير لانه راح يلغي المطبخ يصير مكانه درج اقدر اخلي الدرج من تحته مطبخ ويصير مفتوح عالصاله اولاللا

توقيع » قسي قلبك تعيش

tattoma

مشكورين حبايبي عالتمنيات الطيبة

أول شي المطبخ التحضيري:
عزيزتي يعتمد جوابي على عدة عوامل، إذا كان لون المطبخ أبيض أعتقد يمشي مع الرمادي والأسود بس إذا انتي مو حابة شكله وبخاطرچ تغيرين عنج اكثر من حل كلها تعتمد عالميزانية:
١) تغيرين المطبخ كامل (مكلفة) ولكن أفضل حل
٢) تصبغين المطبخ ولكن العيب الوحيد احتمالية تقشع الصبغ بعد فترة
٣) انسي فكرة الgypsum board لأن جمال المطبخ التحضيري بوجوده بالصالة، راح يصير قمتة اذا عزلتيه
تقدرين تختارين الحل اللي يناسبچ وأتمنى اكون فدتچ


أما بالنسبة لأختي الثانية:
بنيان الدور يعتمد على امكانية تحمل البيت، وبافتراض ان يصير ويتحمل، لازم معلم ديكور يزور المكان واهوا يحدد لأن بالسقف وتحت الديكور أكو دكّات المكيف (السنترال)، يعني الدري في هذه الحاله لازم يكون من برا في منطقة ماكو شي فوقها ويحددها العامل نفسه لأن السقف عبارة عن جسور (في البيوت الحديثة) أو ممكن يكون في عمود يمنع لأن أساس البيت (في البيوت القديمة)، واذا حصل وبنيتي الدري داخل الشقة، حلو وايد يكون تحته مطبخ وهذا استغلال للمنطقة نفسها بأكثر من شي بس لا يكون حجمه كبير يعني تحضيري

واذا عندكم اي استفسارات ثانية لا تترددون وعلموني بالمستجدات

Miss ksh5h

يعطيج العافيه اخت تاتوما

عندي سؤالين وان شاء الله مااثقل عليج

شنو اقتراحج لتوسعة المداخل الضيقه من خلال الخدع الديكوريه او اللوحات

والثاني

عندي درج يطل عالصاله ولبسته حجر فـ محتاره شنو اصبغ الحجر ابيه لون يبرز الحجر ويعطي كحياه

كأنه حقيقي وشنو تنصحيني بالاثاث اللي احطه تحت الدرج ويناسب الحجر

والف شكر اختي

mo0on-q8

حبيبتي مشكوره وماقصرتي وان شاء الله ان احتجتج بدق عليج ..
ياليت نشوف شغلج وترتيبج للغرف والصالات ..

tattoma

الله يعافيج اختي Miss Ksh5h وحياج الله

بالنسبة للأماكن الضيقة والممرات أفضل طريقة اهي استعمال اللون الفاتح: البيج، الاوف وايت، او الاصفر البيجي، واستعمال مرايا شرط تكون كبيرة وبمساحة الطوفة بس مو المرايا العادية لأن شكلها قبيح بالحجم الكبير، اكو نوع من المرايات المغبش يستعمل للفنادق وماراح يكون مكلف لأن المساحة اللي تحتاجينها صغيرة، لونها عادة بني او مغبش رمادي.
وتقدرين بالديكور (السقف) تستعملين اضاءة مخفية عالجوانب وشوفي الفرق، أما بالنسبة للوحات استعملي المستطيلة للأسفل يعني مو بالعرض شرط تكون اكثر من وحدة ومتجاورين.

أما لون الحجر يفضل دائما ان يكون بلونه الأصلي في الطبيعة: الألوان الترابية أو الرمادي المايل للبيج، ولا تفكرين يكون غير هالألوان. وبالنسبة لنوعية أثاث الصالة خليه يكون خشبي*مثل البامبو واهوا طراز صيني يستعمل عادة للحدايق او الشاليهات ولكن يمكن استعماله الحين في غرف المعيشة، وتقدرين تحطين طوفة التلفزيون مثلا من نفس نوع الحجر عشان يصير الtheme واحد (هذا اذا كانت الغرفة تحت الدرج اهي جزء من الصالة) اما اذا كانت منطقة فاضية فاستعمال الزرع راح يعطي منظر حلو ومناسب، اما اذا كانت المساحة كبيرة تقدرين تحطين طاولة صغيرة من الخشب مع كرسين مع الزرع، عند الحديقة الملكية في الشويخ انواع مو طبيعية من الزرع الصناعي تماما كأن طبيعي وتلقين نفسه مستخدم في مجمع الأفنيوز

أتمنى أكون ساعدتج

tattoma

حياچ الله اختي mo0on-q8 بأي وقت

وإن شالله راح أنزل كل الصور على صفحتي وراح احط لكم كل الصور اليديدة بس أحتاج وقت
وانتوا تستاهلون والله

malak_sa5

اختي المصممة مكتب زوجي بالعمل 5*5 لون الغرفة ابيض حاب يغير الصبغ علماً بان طاولة المكتب خشبي بني غامق والكراسي جلد بني غامق ..زوجي حاب لون البيج وانا اقترحت جدار واحد اخضر تفاحي و3 جدران بيج
اعطيني رائيك بصراحة ولك كل الشكر ..

{ انعم دفشة ~

يعطيج العافيه عالمبادره الحلوه

اختي انا عندي غرفه فاضيه مساحتها 5 ونص × 4 وابي اسويها مكتب عشان ادرس فيه

انا احب الالوان الفاتحه (وردي فوشي سماوي اخضر فاتح اصفر برتقالي. الخ)
والاشياء اللي بحطها فالغرفه: مكتب دراسي مكتبه صغيره لكتبي وكنبه وتلفزيون مع ستاند


هاي صور للغرفه (ورق الجدران كل طوفتين نفس الشي) وللأسف يديد فما اقدر اغيره






شنو ممكن اسوي بحيث تطلع الغرفه حلووه وذوق؟

توقيع » { انعم دفشة ~

اللهم استرني فوق الأرض وتحت الأرض ويوم العرض


اللهم أسالك التوفيق في دراستي وكافة امور حياتي

قسي قلبك تعيش

حبيبتي بخصوص الدرج شقتي موسنترال فاقدر اسوي شيشتيني زياده توقعين بحدود كم يكلف

ذبحني صمتي

يامال العافيه ...

بس تو خالصه بيتي لييتج مبكره شووووووووووي بالموضووع ...

توقيع » ذبحني صمتي

عدنا والعود احمدوو ....

فديت كل من سأل عني وفقدني ..

احبكـــــــــــم مـــــــــــوووت ..

tattoma

السلام عليكم

اختي ملاك: بخصوص المكتب والوان الطوفة، انا ضد فكرة اختيار لونين لنفس الغرفة وكل طوفة لون خاصة اذا كان اللونين سادة، يعني بعض الغرف ممكن تستعملين لون طوفة مقلم مثلا والباجي سادة خاصة لغرف الأطفال.
بالنسبة للون التفاحي جدا رائع بس ما يكون فاقع يعني اختاري الزيتوني الفاتح أو درجات الزيتي ولكن أفتح درجة بما ان الغرفة حجمها متوسط، والبيج ودرجاته كلها حلوة للمكاتب ولكنها تقليدية مع انها الأفضل. في حالة احترتي معاه أفصل شي اختيار لون محايد بين البينين وراح تشوفين الوان وااااايدة ومتعددة عند الصباغ ما تتخيلين، واكو الوا بيجية مايلة للزيتوني اختاريها بس حاولي يكون درجته فاتحة.

اللي حاطتلي الصور، الصراحة عجبني الwall paper وايد وحسافة تغيرينه، واذا فكرتي في المستقبل تغيرينه لا تحاولين باللون الأزرق السماوي ولا الاخضر لأنها الوان تساعد عالاسترخاء وهذا مكتب دراسي يعني تحتاجين طاقة وافضل الالوان اهي الالوان الحارة مثل درجات الاصفر والبرتقالي والفوشي ينفع لغرف الناس اللي يشتغلون في مجال ابداعي لأن جدا حيوي.
بس عندي تعليق على الستارة: ما ينفع هذا الموديل للمكاتب لأن كلاسك فخم، تحتاجين تغيرينها أما الأثاث ابتعدي عن المودرن تماما لأن ما يمشي مع الطوفة واختاريه بلون غامج ( بني مهوجني ).


(قسي قلبك تعيش):
----------------
في هالحالة تعتمد التكلفة على اللي راح ينفذ ولازم زيارة عشان يشوف شنو المعوقات اللي راح تواجهه لأن احيانا تكون العملية صعبة واحيانا سهالات. وانتي استخيري وشوفي


(ذبحني صمتي):
--------------
حبيبتي اذا انتي في مرحلة التشطيب او التأثيث يمديچ تسمعين النصايح وان شالله تستفيدين

tattoma

السلام عليكم

اختي ملاك: بخصوص المكتب والوان الطوفة، انا ضد فكرة اختيار لونين لنفس الغرفة وكل طوفة لون خاصة اذا كان اللونين سادة، يعني بعض الغرف ممكن تستعملين لون طوفة مقلم مثلا والباجي سادة خاصة لغرف الأطفال.
بالنسبة للون التفاحي جدا رائع بس ما يكون فاقع يعني اختاري الزيتوني الفاتح أو درجات الزيتي ولكن أفتح درجة بما ان الغرفة حجمها متوسط، والبيج ودرجاته كلها حلوة للمكاتب ولكنها تقليدية مع انها الأفضل. في حالة احترتي معاه أفصل شي اختيار لون محايد بين البينين وراح تشوفين الوان وااااايدة ومتعددة عند الصباغ ما تتخيلين، واكو الوا بيجية مايلة للزيتوني اختاريها بس حاولي يكون درجته فاتحة.

اللي حاطتلي الصور، الصراحة عجبني الwall paper وايد وحسافة تغيرينه، واذا فكرتي في المستقبل تغيرينه لا تحاولين باللون الأزرق السماوي ولا الاخضر لأنها الوان تساعد عالاسترخاء وهذا مكتب دراسي يعني تحتاجين طاقة وافضل الالوان اهي الالوان الحارة مثل درجات الاصفر والبرتقالي والفوشي ينفع لغرف الناس اللي يشتغلون في مجال ابداعي لأن جدا حيوي.
بس عندي تعليق على الستارة: ما ينفع هذا الموديل للمكاتب لأن كلاسك فخم، تحتاجين تغيرينها أما الأثاث ابتعدي عن المودرن تماما لأن ما يمشي مع الطوفة واختاريه بلون غامج ( بني مهوجني ).


(قسي قلبك تعيش):
----------------
في هالحالة تعتمد التكلفة على اللي راح ينفذ ولازم زيارة عشان يشوف شنو المعوقات اللي راح تواجهه لأن احيانا تكون العملية صعبة واحيانا سهالات. وانتي استخيري وشوفي


(ذبحني صمتي):
--------------
حبيبتي اذا انتي في مرحلة التشطيب او التأثيث يمديچ تسمعين النصايح وان شالله تستفيدين