خلونا انقش روحات الازواج للقهاوي و الدواويين

جوريةkk · 26 مايو 2007

قوه بنات ...عفوا يا مدامات..

حبيت اناقش معاكم موضوع مهم جدا الاوهو طلعات الازواج و تعلقهم بالربع وجنه هالربع شي مهم في حياتنا وما نقدر نستغنى عنه ...

هاتو ما عندكم:eh_s(10):

أحب ترابها · 27 مايو 2007

موضوع مهم وذكرني بموضوع ندي على قناة الجرس البارحه ..اعتقد التربيه تلعب دور اذا الولد تعود بصغره علي ان ابوه راعي دوانيات وقهاوي شي طبيعي لما يكبر بقلده .وفيه شباب طول عمره مع ربعه ماله دور باسرته فيصيرون الربع هم بديل للاسره ولما يتزوج ما يتغير مفهوم الاسره عنده يتمون ربعه في نظره اهم الي يستانس معاهم والاهل للعلاقه الجديه فقط

Dancing^Queen · 27 مايو 2007

والله ما اعارض
خل يروح مع ربعه ويطلع ويرد ويروح دوانيه ويقعد ماعندي مانع نهائيا
بس لايتعدا الوقت الزمني المقبول
او اذا احتجته نتيجه ظرف طارئ لايحقر
والباجي عليه بالف عافيه
احسن من مايقعد غصب ويناجرني
الرياييل بالنسبه لهم الدوانيه تعادل السبا عندنا راحه واستجمام

لوكريسيا · 27 مايو 2007

ماعندي مانع يروح الدوانية .. أحسن له من الفرارة بالشوارع و الهياتة و القهاوي .. و اذا قعد معاي مغصوب بينكد عليي عيشتي ليش عاد .. لازم ياخذ الريال بريك شوي عن لوية البيت و اليهال مثل ما احنا نحب نطلع مع رفيجاتنا و خواتنا للسوقة و الكافيهات .. و مثل ما قالت كوين ان ما يتأخر واااااااااااااايد و اذا بغينا بشي ضروري يكون برسم الخدمة و عليه بألف عافية

nonia · 27 مايو 2007

انا عندي خل يروح الدوانيه والقهوه لأن اذا ياج البيت واهو مجبور بس علشان يراضيج , الله لا يوريج النفس الخايسه , عاد ليش يروح الله يحفظه ومتى ما ترس راسه خل يرد هذا اللي قررت اسويه بعد معاناة تمت سنه ونص على هالسالفه والحين انا مرتاحه اقعد على النت على راحتي ولما يرد لا اقوله وين رحت ولا شسويت تلقينه بروحه يخر كل شي

۩۩ الجـــــود ۩۩ · 27 مايو 2007

يطلع مع ربعه ولا يجابلنى كافى ازعاج عيالى

توت عنكبوت · 27 مايو 2007

عادي يطلع بس بصراحة طلعته بنظام ويرجع مبجر ما يتاخر تبين الصج احسن طلعته يجدد شوي نشاطه ويسمع سوالف وبجذيه تحلا القعده بعدين وياه يعني في سوالف جديدة واكشن

دهن الورد · 27 مايو 2007

انا وحدة منا عندي مانع على الدواوين بس زوجي مصخها من يتغدي وعلى طول في الدوانية ولا يجي الا الساعة 11 واذا قلت بروح مشوار صارت عندنا في هذا اليوم مصيبة يقولي انتي تبين تخربين وناستي مع اني كنت اسوق قبل اتزوج وهو ما رضى اسوق والله ما ادري شسوي يا بنات

عنايد · 27 مايو 2007

Dancing^Queen قال:
والله ما اعارض
خل يروح مع ربعه ويطلع ويرد ويروح دوانيه ويقعد ماعندي مانع نهائيا
بس لايتعدا الوقت الزمني المقبول
او اذا احتجته نتيجه ظرف طارئ لايحقر
والباجي عليه بالف عافيه
احسن من مايقعد غصب ويناجرني
الرياييل بالنسبه لهم الدوانيه تعادل السبا عندنا راحه واستجمام

جنج تقرين أفكاري:eh_s(2):

Dancing^Queen · 27 مايو 2007

المنتج الوطني موحد عنايد عادي عادي

سبائك · 27 مايو 2007

اصلا قعدة الريال بالبيت=هوااااااش

خل يروح من غير شر الله يحفظه

جوريةkk · 27 مايو 2007

عجبني ردكم على الموضوع لكن الي ابي اناقشه معاكم هو الاهتمام الزايد من الريال بهالربع وانه طول اليوم وقته معاهم وسوالفه معاهم وطلعته من الغداء الي اخر اليوم . ولاياج اخر اليوم قال انا تعبان بنام باجر عندي دوام هذا اشلون الوحده تتعامل معاه .

Brounzi_girlly · 27 مايو 2007

حبيبتي صار عندي عاااادي مليت ومليت ومليت من كثر ماكلمته عن الربع والقهوة والخ آخر شي شريت راحتي يبي يطلع الله يحفظك ولا اقوله وين ولا متى بترد ولا اي شي ما ردهم بيملون وبيحسون بالتقصير تجاه البيت
ادعي بصلاتج الله يهدي زوجج ويسخره (حاسة بشعورج)
مع التحية............

مهاوي البحرين · 27 مايو 2007

انا الصراحه ريلي ما يطلع الا ليلة الاجازات

اما الايام العاديه بالبيت يتعشى وينام من وقت علشان الدوام

وانا صرت مثله

manoola · 27 مايو 2007

ليش تحرمون الرياييل من وناستهم عليهم بالعافيه خليه ولاتبينهم يقزون بالاسواق مه اليهالوا

موحلوة الريال ينحكر بس حق النجرة والمشاكل

ام نواري · 28 مايو 2007

يطلعون بحدود مو يمصخونها الصراحة كل يوم دوانية لي اليلل الوقت كله ييع بها الديوانية او القهوة
مادري مايملون نفس الويوه كل يوم يشوفونها ؟

جوريةkk · 28 مايو 2007

و الحل ؟؟؟؟؟؟:eh_s(10):

lolwah · 28 مايو 2007

دهن الورد قال:
انا وحدة منا عندي مانع على الدواوين بس زوجي مصخها من يتغدي وعلى طول في الدوانية ولا يجي الا الساعة 11 واذا قلت بروح مشوار صارت عندنا في هذا اليوم مصيبة يقولي انتي تبين تخربين وناستي مع اني كنت اسوق قبل اتزوج وهو ما رضى اسوق والله ما ادري شسوي يا بنات

اهم شي وناستة ؟؟؟ شنو كل تفكيرهم بوناستهم ؟ مايحسون ؟؟

حاااايره · 28 مايو 2007

تبوووووون الصج ما الومهم لو حاصلي نحشت ولا رديت الا الفجرررررررر

أغلى الناس · 28 مايو 2007

والله الصراحه انا ماعجبني الوضع نهائيا من الشغل الى المشاوير الى القهوه لى الدوانيه وايي الساعة 2 او 3 بالليل تهاوشت وزعلت وكافحت لما تغير وصار ينسق وقته اكو بعض الرياييل يحس اذا سكتي واكو اذا سكتي يزيد ويستانس انج راضية

خلونا انقش روحات الازواج للقهاوي و الدواويين

New member

New member

&#9829; المــراقبـــة العـــامــــه &#9829;

New member

New member

New member

New member

New member

New member

&#9829; المــراقبـــة العـــامــــه &#9829;

New member

New member

Active member

New member

New member

New member

New member

New member

New member

New member

♥ المــراقبـــة العـــامــــه ♥

♥ المــراقبـــة العـــامــــه ♥