زوجي والادمان

السلام عليكم ورحمه الله وبركاته
بنات انا عندي مشكله كبيره ومولاقيه لها حل وبصراحه تفشل بس مالقيت احد يسمعني غيركم واتمني انكم تساعدوني وتعطوني رايكم
انا كويتيه من اصل مصري عمري 29 سنه من مواليد الكويت متزوجه من 99 من كويتي عمره 31 سنه والله مارزقني غير بنت عمرها 5 سنوات مشكلتي في زوجي احنا تزوجنا عن حب الحمد الله بعد الزواج اتكشفت انه مدمن كحول والله اني صبرت عليه وتحملت وحاولت اني اساعده طول 7 سنوات بس ماكو فايده فيه تكلمت مع امه ماكو فايده حاولت فيه وانا كل ماسافرت لاهلي اقولهم مايصدقون عالبالهم ملاك وانا والله تعبت من يفتح عيونه وهو يشرب حتي دوامه يروحه بالغصب حتي ماعنده وقت يودي بنته روضتها ودايما البيت مولع من المشاكل والبنت ماقامت تتحمل اي صوت عالي حتي ابسط حقوقي الزوجيه والشرعيه مااخذها هاذا طبعا ولا شي من الي انا عايشته
انا محتاره المفروض اني بسافر لاهلي بعد شهر فكرت اني ماارد مره ثانيه بس خايفه علي بنتي ماادري شلون بتعيش بره ديرتها واهلها وماابي احرمها من ابوها مع انه موصاحي لها ولايدري عنها اصلا
بنات الي عندها حل لمشكلتي ماتبخل علي بالرد تكفووووووووون

الله ياجرج ان شاء الله

وهذه المشكله يعاني منها الكثير مو بس انتي بس حاولي اذا تقدرين تقنعينه اتودينه عيادة علاج الادمان وعليج بالدعاء والله يفك كربكم ان شاء الله

شكرا لج ياصوت السهاري علي الرد
والله اني حاولت معاه بس ماكو فايده رافض الموضوع نهائي
انا قلت اسافر وهناك احاول اطلق منه بس متردده علشان البنت

يالله يصبرك ياحبيبتى مالك الا الدعاء والصبر وعسى ربى يهديه هذى قلة ايمان عطيه كتب عن اللى قاعد يسويه عطيه ادعيه وعسى ربى يهديه انصحيه شجعيه كلمى عن مستقبلكم انتو والعيال قولليله لوباجر طردوك من الوظيفيه من وين بنعيش وانا ابيك قدوه حق بنتك ابيها تشوف ابوها فى احلى صوره باجر البنيه لما تتزوج يسئلون عن اهلها يعنى تفخى شويه والدعاء والدعاء وشغلى القران بصوت مسمعو ععسى قلبى يصحى من الغفله اللى اهوا فيها يارب الله يقويك انشالله وانتى قدها واقدود والطلاق مو حل خليك معاه وهذار راى وانتى فكرى والله كريم

تسلمين يااختي والله كلامج يريح القلب انشاء الله بعمل بنصيحتكم والله كريم

الله يعينج وانا لو مكانج آخذ البنت واسافر
بس مو هذا الحل

الحل انج فعلا تتصلين على المدمن المجهول وتبلغين عنه
وبالعكس ممكن يكرهج ويحقد عليج
بس بعدين راح يحبج وتكبرين بعينه وايد وجميلج برقبته

لا لا تبلغين المخافر !! ليش الفضايح.. ممها كان هذا زوجك

حاولي معاه

واذا العيشه مستحيله .. بعد شتسوين تطلقي

بس اهم شي تأكدي انه بعد الطلاق ما ياخذ البنت !!

ويغربلها وياه !! حرام هذي بذمتج

والله الموضوع صعب, الله يصبرح على بلواج

انا رايي لا تبلغين عنه, ترا ان دش السجن وهوا مخترب مره راح يطلع منه مخترب مرات و مرات, ترا السجن لافيه تأهيل و لا بطيخ و حدها سايبه, عاطي يتعاطون داخل السجن, انا اعرف وحده من اهلي محاميه قديمه لا تشوفين شتقول عن السجن
حاولي مع جماعه المدمن المجهول انشاءالله يفيدونج, و عليج بالدعاء و الصلاه, بس تبين الصج اهوا لازم يبدي من نفسه اذا ما عنده اراده صعبه, يمكن جماعه المدمن المجهول تقدر تقنعه انشاء الله
و ان ما فاد يمكن لما يشوفج خليتيه و رحتي عند اهلج يصحى ضميره و يحس, مرات الواحد ما يحس الا لما يفقد الشي
و ان بعد هذا كله ما فاد انا صراحه راي الشخصي انه البنت تتربى معاج و معا اهلج احسن لها من هالوضع, اذا انتي تقولين انه ابوها ماله دور و انها قاعده تشوف مشاكل على طول و الله حرام هذا كله اخاف يأثر عليها, و ممكن باجر تطيح عليه يسوي اشياء مو زينه, ما ابي اخرعج و اسفه و الله على هالكلام بس ترا اللي يغيب عن وعيه ما يحس باللي يسويه و ماتدرين شنو ممكن يسوي باي احد بالبيت او بره البيت حتى لو كان غالي عليه!!! ياما سمعنا عن سوالف ما تتصدق و السبه انه العقل كان غايب بالسكر و الادمان

و الله اسفه اذا ضايقتج بس لازم تعرفين كل الجوانب اللي ممكن تصي
و صلي استخاره اكثر من مره, صلي مرات و مرات, ربنا احسن منا و انشاء الله يدلج على الطريج اللي فيه الخير لج و لبنتج

و الله يصبرج و يخلي لج بنتج انشاء الله

شوفي حبيبتي هالاشكال مالهم أمان حتى لو كان زوجج

اخذيها نصيحه مني اذا كان مدمن وسكران طول الوكت

ما بيكون حاس بعمره وما فيه غيره لاهله ومرته ويمكن

بعد يددشش الربع وتصيير اشياء وانتي مو حاسه بولا شي

عندج حلين اذا ما مقتنع انه يعالج يا انه تقولين لاهله يكلمونه ويخلونه يمشي

للطريق المستقيم من بعد رب العالمين او انج تاخذين بنتج وتهدينه بس السجن

لاا تقربين منه كللش لانه مثل ما قالوا لج خواتي انه السجن يفطنه يمكن

على اشياء اكثر ويخربه اكثر مما اهو مخترب وادعي ربج بكل صلاه انه يهديه

لانه و راج بنت... بنتج رااح تكبر ما راح تصغر فلاا يخترب عليها طريجها

واهي بهالعمر

ابدا لا تفكرين بالمخافر .... لان ماوراهم غير السمعة السيئة

والفضايح عليج انج تقنعينه يروح عند طبيب نفسي يمكن

يقدر يقنعه او يعطيه حل لمشكلته هالايام الكل يورح الطب النفسي

مو مثل اول الناس تستحي منه ويظل طب نفسي اسمه احسن من

طب الادمان عالاقل يمكن يفرق معاه الاسم

الله يفرجها عليج اختي...
والله انا اعرف احد حيل قريب علي عنده نفس المشكله بس هذي زوجته 3 وهي الوحيده اللي اصبرت ومتحمله حتى عياله من الزيجات الثانيه يقولون لها هديه...
ومسكينه لي الحين متحمله ..والمصيبه دوامه كلهم يشربون كل ماقطع عيال الحرام ماخلوه...
انا اقول حبيبتي دائما حطي قرأن في البيت لما يكون قاعد على ان انتي تسمعين او حطي دروس دينيه...
ادري ان الحياة صعبه هذي اللي اعرفها عيالها تربوا على ابوهم سكران ويشرب ...
الله يهدي من يشأء...حاولي ولا تيأسين هذا كل اجر لج انشاءالله....

لا لاتبلغين المخفر مهما يكون هذا ريلج وبنتج شايله أسمه

الله يهديلج ريلج ويصلحه ويصبرج إن شاء الله

والهدايه من الله إدعيله وحاولي أتكلمينه بس بوقت يكون هادي وصاحي كلميه عن بنته ومستقلبكم

الله يعينج يارب

mrmr mrmora قال:

لا لاتبلغين المخفر مهما يكون هذا ريلج وبنتج شايله أسمه

الله يهديلج ريلج ويصلحه ويصبرج إن شاء الله

والهدايه من الله إدعيله وحاولي أتكلمينه بس بوقت يكون هادي وصاحي كلميه عن بنته ومستقلبكم

أنقر للتوسيع...

انا مع مرمر

الله يصبرج على بلوتج انزين ما حاولتي تقوليلا كلام عن اللي يدمن كحول او تعطيني شريط ديني يسمعة بالسيارة او شي جذي ...؟ اذا كلش انتي كلمي وحاولي تقنعينة بهداوة يبيلة كلام الرسول وآيات وخوفي من ربة وذكرية ان الله مثل ما اهوا شديد العقاب اهوا غفور رحيم ...؟ وديري بالج تاخذين بنتج وتسافرين انتي اصلا بتضيعين نفسج لأن لو بلغ عليج صدقيني بتروحين فيها وذيك الساعة لو قلتي للشرطة انه مدمن وانة وانة ماكو فايدة التهمة لابستج لأنج انحشتي فيها .... واذا كلش كلش خلاص عيشي لبنتج وادعي ربج بكل صلاة انه الله يهديه وانشالله الله يهدية ...

شوفي حبيبتي المدمن المجهول وااايد راح يفيدونج اذا اهوا من داخل وده يتعدل .. أما اذا اهوا عاجبه الوضع .. تقدرين تروحين المحكمه تطلبين ورقة (بلاغ ادمان) ما راح يسوونلج شي ولا قضية ولا مخفر !!
بس يعالجونه !!!
بس شنو .. بالغصب !!!
يعني اييون شرطة ايرونه غصبن عليه !!!
واذا ما تبون الفضايح وجذي .. يودونه مستشفى بالسعودية مو شرط الكويت !!

بس اذا تبين شي يفيدج كثر سألي اب لجنة بشائر الخير الدكتور عبدالحميد البلالي ... راح يفيدج إن شاء الله

الصبر مفتاح الفرج

وتحملي عشان بنتج

انا انصحج تصبرين لان الله مع الصابرين..

وحرام شذنب البنت تكون بعيده عن ابوها ..

وحاولي تشغلين القران في البيت علشان يوم يسمع شوي يمكن يتووب ..

مالك الا الدعاء والصبر وعسى ربى يهديه