أكيد كل بنت مرة في هذا الموقف...زواج المطلق من بنت...

أميرة الورد قال:

ما تفرق اهم شي التوفيق من رب العالمين الزواج نصيب محد يدري شنو ربنا خاش لنا فعشان جذيه امشي على طريج الصح وربنا راح يكافئج بالزوج الصالح باذن الله

أنقر للتوسيع...

همسات ليالي قال:

حبيبتي مو كل مطلق يعني فيه عيب يمكن العيب بالمره ويا كثر عيوب الحريم

الاحسن انج تسألين عدل قبل اي قرار اما الارمل اتوقع انه للحين فيه محبه وايام حلوة مع مرته اللي ماتت فالاحسن المطلق على الاقل اهو اللي طلق مو القدر اللي فرقهم

أنقر للتوسيع...

ريفيل قال:

انا اشوف السالفة عادية مطلق او ارمل نفس الشي كله مافي مره هههههه
بس مثل قالت اختي همسات الليالي الارمل للحين يحن لايام زمان وقلبه مكسور بس المطلق عايف ولايعة جبده .. نصيحتي لج اذا جاج واحد اخلاقه زينه خايف ربه توكلي على الله والله هالزمن صار يخوف فالواحد يحمي نفسه ويتحصن بالزواج ابرك لله النفس اماره بالسوء لا تقولين انا وانا ..

أنقر للتوسيع...

حبيبته آنا قال:

انا لما تزوجت زوجي كان مطلق وعنده ولد بس الولد بحضانة امه ومافيها شي عادي وكان عمري صغير وايد اصغر منج ووالحمدلله الله عطاني جمال ملفت يعني السالفه سالفة نصيب ومو شرط ان يكون الريال فيه عيب علشان جذي طلق مرته بالعكس عادي يمكن يكون مومرتاح بزواجه الاولي الواحد مايعرف الاسباب

أنقر للتوسيع...

lady_flana قال:

شوفي..انا كنت بنفس حالتج..وكتبت موضوع ناقشت فيه بنات المنتدى عن زواجي بمطلق..بس الفرق انا اكبر منج..ما احب اقولها بس هذا الصج...

صراحة بالنسبة لي..الاثنين صاروا نفس الشي..العازب والمطلق..انتي تبين اخلاق وعشرة حلوة....ونصيب عدل...ماتدري اهو مع العازب ولا المطلق..سالي عدل وادعي ربج..انا ادري انه اهوا قرار مو سهل وتحسين انج تتنازلين وايد...بس هاذي الدنيا...سالي عنه عدل عدل عدل والله يسر امورج...واموري...

وانت ترى ما كبرتي وايد احس يمكن عندج فرصة بنصيب زين...فلا تستعيلين بقرارج

أنقر للتوسيع...

شاي اخضر قال:

25 صغيره تو الناس على المطلق او الارمل بالعكس حلاتها تعيشين حياتج مع واحد مومتزوج من قبل انتي اول وحده بحياته ... مادري هذا رايي بس لو كنت مكانج ماافكر اخذ واحد مطلق مومجبوره لي حق اخذ واحد ولد اول مره يجرب الحياه الزوجيه واللي اعرفه ان اللي مومتزوج مستحيل يفكر ياخذ وحده مطلقه عكس هو اذا كان مطلق عادي ياخذ بنت ..وتدرين اعرف بنات صغار خذو مطلقين وحياتهم عادي ماشيه وبنات تزوجو اكبر منج 28 و29 وخذوا رياجيل مومتزوجين وكبرهم بالظبط وبالعكس انطرو نصيبهم لين جااهم وهم عادي عايشين حياتهم والمسأله اولا واخيرا نصيب

أنقر للتوسيع...

بنت الطنايا قال:

واله بصراحه صت اخاف من هالموضوع

ياكثر اللي من أهلنا ومعارفنا يطلق ويتزوج وبعد ما يتزوج وحده ثانيه تحلى بعينه الأوليه ويردها لها

وصارت مع ولد عمي طلق مرته وعنده بنت وقعد كم سنه وتزوج وصار عنده بنتين فجأه وبدون مقدمات رد للأوليه بعد يمكن 6 سنين من طلاقه حلت بعينه وردها

وبنت خالي خذت واحد مطلق جم شهر وطلقها ليش

طلع يبي يرد طليقته بس زفته وتزوج يبي يحرها عاد غيرت رايها ووافقت تردله وطلق بنت خالي

طلع شنو متزوج بنت خالي عشان توافق ترد له طليقته

يلعبون في بنات الناس حسبي الله عليهم

عشان جذيه انا لو شنو ما آخذ واحد مطلق لو اتم بدون زواج

صج مالهم أمان​

أنقر للتوسيع...