عيش مهما اكلتي منه ما تشبعين .. روعه وريحته هيل ودارسين وشغل عدل

ما شاء الله تبارك الرحمن

ادعوا لي بنات بالتوفيق واني اولد بالسلااامه

قولوا عسى الله يهون عليج ولادتج .

اللهم آآمين

هذا طبق العيش اللي قدمته لريلي و ضيوووفه اتمنى يعجبكم





اول شي نغسل الدجاج عدل ونسلقه
انا استخدمت اهني 3 دجاجات لان ريلي كان عازم ناس على الغدا . حوالي 5 رياجيل . وزين زين كفتهم ما شاء الله تبارك الرحمن ..

وحنا نسلق الدجاج نسوي الحميسه هذه ..


طبعا حطيت عود دارسين وشوي مسمار وورق الغار وهيل حسب الرغبه

بالمقلاه زيت .
نحط البصل . 2 بصله كبيره
نحط الثوم . راس ثوم مدقوق
نحط فلفل حار . 1 حبه كفايه




نقصص طماطم مثل السلطة صغير حوالي 4 كبار او 5 وسط
وبقدونس او كزبره المتوفر




الحين نزيد الطماطم فوق الحميسه .


ونزيد فوقها علبه فاصوليا بيضاء ( هذه اللي تجي مطبوخه بمرقه )



اخلي الطماطم يطلع مايه .. واحط الخضرا

وبالمطحنه حقت البهارات اطحن :
1 دارسين ـ 3 مسمار ـ 4 هيل ـ ملعقة وسط كمون ـ ملقعة وسط كزبره يابسه ـ 2 ورقه غار .
وزدت عليهم 2 لومي انا طحنته فرش .

ولما ينطحنون عدل عدل . احطهم بالمقلاه فوق الحميسه .. وازيدعليهم الملح حسب الرغبه .



ازيد عليهم شوي من العلبه الخضرا ( السفينه ) هذه بهارات بكل الجمعيات لونها اخضر وعليها رسمه سفينه . وااايد حلوه
واحط 3 ملاعق معجون طماطم .

الحين .
بعد ثلاث ارباع الساعه من سلق الدجاج
اخذ نصف كميه الحميسه اللي بالمقلاه وازيدهم على ماي الدجاج واهوا يسلق ... وازيد حوالي نصف كوب كشمش واسكر الجدر واخليه على نار هاااديه



بالوقت هذا انا نقعت العيش حوالي 4 اكواب كبيره ( كوب ماي )
قبلها على الاقل بساعه . استخدمت بوابه الهند

وقليت حق التزين لوز مبشور بالشكل هذا




الحين اطلع الدجاج من ماي السلق لان خلاص استوا مرت عليه ساعه وربع . واخليه يبرد .



اجيب الماي اللي سلقت فيه الدجاج الحين كله بهارات والحميسه وكل شي شغال فيه .. ازيده شوي ماي من الحنفيه واخليه يغلي عدل واذوق ملحه . بعدين ازيد عليه شعريه حمستها بالمقلاه .

واستخدم الماي هذا في سلق العيش .. انا بس ابي اسلق العيش فيه بعدين اشخله بالشكل هذا


لما يستوي العيش خلاص .. اشخله
واجيب جدر كبير طبعا واحط نص كميه العيش ..




بعدين احط الباجي من الحميسه ( الطماطم بالبهارات والثوم والبصل تذكرونها ؟ ) احطها وازيد فوقها باجي العيش ..



حطيت حوالي 3 ملاعق كبيره من الدهن بمقلاه حديد
وخليته يحتر حيل مني ليما طلعت ريحته عدل




الدهن اللي استخدمه


بعدين زدته فوق جدر العيش . وسكرت الجدر عدل بالقصدير وخليته على نار هاااديه اقل شي الصغيره وحطيت تحته الحديده .


الحين اقلي الدجاج عادي بالشكل هذا




عقب ارتب الاكل بالصينيه اللي اقدم فيها



العيش والدجاج المقلي واللوز للتزيين مع شرايح ليمووون



غلفت الاكل بالقصدير وقدمناه للضيوف . طبعا في سلطة فتوش ـ وسلطة روب ـ وحلويات ـ وعصير ـ مرقه
بس طبعا ما قدرت اصور كل شي . اهتميت بالعيش اكثر لانه صعب والباجين كلهم سهلين



اللي تبي تنقل تنقل . بس بليز ذكروا اسم المنتدى

حلوه حدي قال:

ما شاء الله تسلم ايدينج روعة بس انا عندي استفسار اصغيرون اشلون يطلع العيش نثري وحبتة طويلة؟

أنقر للتوسيع...

شوفي ياقلبي انا استخدم عيش بوابه الهند ( انديا جيت )
انقعه قبل الطبخ على الاقل ساعه ونصف الى ساعتين
ولما اطبخه نفس ما شفتي اغلي الماي حيل . بعدين اقطه بالماي واخليه يغلي لما يستوي العيش اشخله وارده للجدر واقط عليه دهن مسخنته حيل حيل . يكون بخار الدهن طلع وريحته اترست البيت واسكر عليه بالقصدير واخليه على نار صغيره وتحته الحديده 10 دقائق ما اقلبه . وبعدين اقلبه شوي بالملاس وارد اسكره بالقصدير دقيقتين واقدمه .

يعني لازم مو كل شوي تقلبين العيش .

ابرار القحطاني قال:

سؤال شنو كشمش؟؟


ومشااءالله عليج
احس الريحه بطت راااسي


ااااااااااااااااااابي ^_^

عليكم بالف عافيه وان شاء الله قريب اجربها

أنقر للتوسيع...

الكشكمش اهوا نفسه الزبيب الاصفر