تربية البنات في هذا الزمن .... دعوة عامة للنقاش

رد : تربية البنات في هذا الزمن .... دعوة عامة للنقاش

قوه سرابيل درابيل احب اشكرج علي الموضوع القيم من صج صج موضوع مفيد


ياربي الزمكن هذا ينخاف منه لدرجه صار لاواحد يخاف اييب بنت مو عدم ثقه بتربيته عدم ثقه بالمجتع والبيئه ، والله يحففظ الكل
بالنسبه لاسالتج
انا راح اتكلم عن بيئه اهلي وتربيتنا انا ماقول ان احنا بيرفكت لكككككن الحمدالله علي كل حال
الأسس
احنا تربينا تربيه اسلاميه مع الحريه ، يعني الصلاه والصيام والفروض اساسيه جدا جدا جدا جدا وغير قابله للنقال وممنوع نقعد ويا ابوي اذا ماصلينا فرضنا والحمدالله ، بس للاسف كانو متساهلين بموضوع الحجاب واللبس وهذي شغله راح اتلافاها مع بناتي بربيهم علي الحجاب انشالله.
كان عندنا حريه في اللبس والحديث والمناقشه والحياه واحنا انقرر شنو نبي بشرط مانتعدا علي حريه غيرنا ، مثلا احترام المكان والزمان والمناسبه هذي شغله ، ما اتعدا حدود الادب العام ، ماق اقل ادبي بالحديث علي اللي اكبر مني واحترامه واجب حتا لو غلط علي من الادب والاحترام اني اسكت ومارد عليه بمجادله واقدر ادخل احد بالموضوع يحله عقب ماتهدا النفوس

ممنوع لي تناجرت وياخواتي او احد اضل ماكلمه اكثرمن ثلاث ايام

صله الرحم واجبه جدا واساسيه بصفه اساسيه مع اهلي القراب وخواتي وامي اختي المتزوجه تزورنا كل يوم ويوم تزوجنا صرنا جذي ولازلنا والله لايغير علينا
وتربينا ان الاشياء مشتركه يعني للي عند اختي ماعندها مانع تعطيني اياه واللي عندي اكون اكثر من سعيده لي عطيتها اياه



الأساليب
وضحتها فوق

المبادئ

اولا الدين ثانيا الحريه في اتخاذ القرار واحترام الغير وعدم التعدي عليهم وتريبنا تربه اشتراكيه الكل للفرد والفرد للدوله (الام والابو ) عن طيب خاطر وتراضي
حق التعليم مفتوح ومسنود نختنارين اللي تبينه بالحياه محد يتدخل والكل يساعدج

الممنوعات
ممنوع امكياج قبل سن 18 او دخول الجامعه ايهما اقرب ، لاتقولين عيد ميلاد او عازمتني رفيجتي اصلا ممنوع
صبغ الاظافر قبل ال 13 (مادري ليش)
الكعب قبل ال 15
مو اي رفيجه انزورها لازم اهلنا يتعرفون عليها اول ويعرفون الباك غراوند مالتها ويفضل انها زايرتج قبل لاتطلبين انج تزورينها
ممنوع البيات بره البيت لاي سبب من الاسباب بتاتا ورفضا قاطعا واحسنلج ماتعرضين ويهج لاتقولين بنام ابيت اختي او بنام ابيت عمتي او حالتي فوق سن الست سنين (حدج 8) ممنوع النوم بره البيت
الموبايل ممنوع قبل الجامعه او المعهد يعين لما تكونين بالبيت ومع اهلج او بالمدرسه ولي ييتي تطلعين ياتطلعين ويا خواتج او رفيجاتج يعرفونهم خواتج وبهالسن اكيد وياكم احد كبير او اذاوياسياق يعطونج موبايل لكن غيره ليش تحتاجين الموبايل؟؟
يعني انا ممو مقتنعه بياهل بالابتدائي عنده موبايل شنو البورصه بتوقف عليه؟
(انا تفق تماماا مع سياسه اهلي)

هذا اللي اذكره وان ذكرت شي ثاني راح حطه

رد : تربية البنات في هذا الزمن .... دعوة عامة للنقاش

هلا والله يا كوين بالموضوع إلى أتمنى نستفيد منه .
وأنا بإنتظار باقى الأخوات

رد : تربية البنات في هذا الزمن .... دعوة عامة للنقاش

والله انه موضوووووع حسااااااااس ومهم جدااااااااااااااااا

انا مااتزوجتج لي اللحين واحاتي شلون بربي البنات بهالزمن

بس من رايي فيه نقاط لازم نراعيها

1)ازرع فيها الخوف من الله واعلمها شلون تحاسب نفسها اول باول وشلون تحس بألم الذنب وهالشي يبدى من شغلات صغيره مثل اذا طولت صوتها او تركت فرض عشان يصير عندها ضمير حي وخوووووووووووف من الله وعقابه بالدنيا والاخره

2)لازم الام تصير رفيجة بنتها وتطيح الميانه وياها شوي بحيث انهم تقريبا يصيرون نفس مستوى التفكير القصد من هذا ان كل ام تعرف بنتها شلون تفكر ولي وين ممكن افكارها وطموحاتها توديها وان البنت ماتتعود تخش شي عن امها وحتى لو خشت شي يبين عليها بسرعه

3)احاول انمي شخصيتها بالافكار والهوايات المفيده والدورات بالمجال اللي تحبه وابعدها عن الشغلات المثيره للمشاعر الشعر او الافلام او الاغاني مو ابعاد كلي ولكن تهميشهم

4)ادعييييييييييييييييييييييييييلها بالصلاح وابين لها شكثر انا خايفه عليها من هالزمن يمكن تتذكر هالشي اذا فكرت تغلط وتحن وترجع




الحمدلله الذي عافانا فيما ابتلاهم فيه

يارب لاتبليني بعيال من هالنوع وارزقنا اجمعين بالذريه الصالحه

مشاركة: تربية البنات في هذا الزمن .... دعوة عامة للنقاش

مشكورة سرابيل على المووضوع المهم

والله انا مثلج وايد افكر بتربية بناتي

الدنيا تغيرت مو مثل قبل

وكل شي قام يخرع

وخصوصا من عقب السوالف الي صارت

البنت الي تدرس بكلية الطب هذي وايد مأثرة فيني

وعندنا بمنطقتنا وحده رايحه تمشي واعتدو عليها بالممشى

يعني مافي أماااااااااااااااان


أهم شي البنت تتربى على الدين ،، بالدارسه والمعامله وكل شي

وتكون الأم قدوة لبنتها بكل شي

لاتقولون يهال ومايعرفون

مشاركة: تربية البنات في هذا الزمن .... دعوة عامة للنقاش

تربية البنات وايد صعبة
لازم نحط مبادئ نربيهم عليها
لازم ما نشد ولا نرخي الحبل معاهم كل شي بالمساواة
لازم ما نفرق بينه وبين اختها
لازم ما نقولها شوفي غيرج احس منج
لازم نحسسها ان اهيا احس وحده
واهم شي نعلمها على الدين الاسلامي
لازم الام والابو يكونون قدوة لبناتهم واولادهم
والحين الوقت يخرع

مشاركة: تربية البنات في هذا الزمن .... دعوة عامة للنقاش

انزين و اللي عندها صبيان شتسوي شلون تربيهم خصوصا ان طبيعة الولد غير عن البنت ؟؟؟؟

مشاركة: تربية البنات في هذا الزمن .... دعوة عامة للنقاش

صج والله
البنت صعب تربيتها مث الولد
وخاه لما تشوف صديقاتها تتاثر وايد
هني دور الام لازم يكون كبير
والدين شيء مهم ......... الخوف من الله شيء مهم يغرس فيها الحذر

مشاركة: تربية البنات في هذا الزمن .... دعوة عامة للنقاش

انا ماني مكثرة حجي ماشالله كوين كفت ووفت بس الزمن يخرع والوحدة كثر ماتقدر تحاول تكسب بنتها وتصير رفيجتها اكثر من امها وتكتم اسرارها وتحاول تنزل لي عمرها تذكرو شلون كنتو بهالعمر وعاملو بناتكم بالطريقة اللي كنتو تحبون اهلكم يعاملونكم فيها ..

وانا ماأأيد الموبايل بعمر صغير وكبديل ممكن اعطي بنتي موبايل يكون لها اذا كانت بره البيت ولي دشت البيت تعطيني اياه يعني يكون موبايلي وهي تستخدمه لزوم الرقابة ..
اللبس ماعندي مشكلة تلبس اللي تبيه لكن اذا بلغت خلاص لازم تتحجب واحاول احببها بهالشي من وهي صغيرة علشان لايكون مفروض عليها ..

لكن بخصوص اللبس احب انبهكم بنات ترى صج انا أأيد ان البنت تلبس اللي بخاطرها دام اهي صغيرة بس ديرو بالكم من عيون الناس وهالزمن الاقشر يعني تلبس اللي تبيه في الاماكن اللي مامنها خوف ولما تكون مع اهلها احفظ لبناتكم والله يستر عليهم ويحفظهم من هالزمن الاقشر ..

فعلا صحيح كلامكم البنت اصعب