ماعرف انظف الديايه

هاي بنات
بليز ساعدوني انا باجر ريلي بيرد من السفر وماكو احد بالبيت حتى الشغاله وعندي ديايه كامله يعني مع عظم ماقدرت اطلع اشتري بدون عظم وموعار فه اشلون انظفها

والله لاتضحكون علي بس مادري بليز ساعدوني قبل باجر

اختي
الله يرده لج باليسلامة ويسعدكم يارب


ما يبيلة شي طلعيها وحطيها بماي من الحنفية مو حار حطي بالج تطلع ريحة الزفر

قبل لا تنظفينها اذا مجمدة بساعتين او ثلاث بعدين شيلي الجيس وقصيها بالنص او حسب الحجم اللي تبينه حطيها بصحن ورشي على ملح الطعام وفركيها فيه عدل مدل وشيلي الاحشاء اكيد يعني احنا نشيل الجلد لانه يسوي كوليسترول وموصحي
تبين الجلد عشان يتقرمش براحتج اذا عندج ليمون بعد فركيها بليمون الملح كافي بعدين عسليها عن الملح عدل وبس

اهم شي غسلي ايدينج والمغسلة عدل بالصابون:dfgl: عشان الجراثيم تسوي الله يكافيج الشر سالمونيلا

بعدين جهزي حمستج او تبين تسلقينها الطريقة اللي بتطبخين فيها انتي حرة

يعني حطي بجدر زيت وبصل وثوم وشوي هيل ومسمار وعود دارسين وحمسيهم وحطي الدياية المغسولة وحطي الملح والفلفل والبهار الللي تبينه وبعدين غطيها بالماي وخليها ليما تنضج

وانتي حرة تبين تقلينها او مسلوقة

وبالعافية ولاتنسينها من صالح دعائج

اهم شي غسلي ايديدنج والمغسلة عدل

انزين حبيبتي انا لما افركها بالملح اول شي بعدين لما افوحها هم احط ملح يعني ماتصير مالحه ولا عادي

miss_jamsheer قال:

انزين حبيبتي انا لما افركها بالملح اول شي بعدين لما افوحها هم احط ملح يعني ماتصير مالحه ولا عادي

أنقر للتوسيع...

لا عادي ماتصير مالحه لانج لمن تنضفينها بملح وليمون بتغسلينها مره ثانيه بس اذا ماتبين فيها زفره قبل لاتحطين اي شي بالجدر حطي الديايه بروحها من غير بهارات ولا دهن ولا شي ونطري ليما يطلع ماي الدياي وذيج الساعه حطي شويه دهن وبهاراتج وحمسيها شوي بعدين حطي الماي وسلامتج عاد انتى وطريقتج تبينها مسلوقه او شي ثاني وبس

شكرا على ردج دنيتي زوجي كفيتي ووفيتي

اختي ماتصير نالحة لانج بتغسلين الملح

وبالعافية

غسليها بماي وعب نقعيها بخل واذا ماعندج طحينوكركموملح وخليها ساعه وعقبها غسليها عدل وزهبي تتبيلتج شوفي شنوتبين اتبلينها فيه وحطيها بصنيه الفرن وحطيملحوبهاراتجوثوم وفلفل اخضر وشويه معجون طماط وكاتشب وفركيها وغطيها بقصدير عقبها فجي عنها القصدير وردي دخليها الفرن عشان تحمر وبسسس بالعافيه

الحين مواهنيه المشكله المشكله اشلون انا قالولي قصيها وغسليها وخالتي اتقول ساعات يصير فيها ريش ويييييييع انا اهنيه لاعت جبدي وام رفيجتي اتقول ساعات يكون فيها هذا اللي داخل نظفيه امبيه اشلون لاعت جبدي

مشكووورييييييييييييييين

http://q8yat.net/showthread.php?t=564699&highlight=%CA%E4%D9%ED%DD+%C7%E1%CF%CC%C7%CC


http://q8yat.net/showthread.php?t=261369&highlight=%CA%E4%D9%ED%DD+%C7%E1%CF%CC%C7%CC

جبتيها على الجرح ماأعرف اقطع الدجاجة ولا اللحم والله متوهقة

هههههه
ذكرتيني بمعاناتي سابقا

نصيحه شيلي الجلد انظفلج لان الوصاخه تكون ع الجلد

مشكورين حق البنات اللي ردوا علي بخصوص الديايه خاتل ر يلي جزاها الله الف خير مسكينه يتلي بليل ويابت خدامتها ونظفتها
والمشكله انه ريلي كلا لقمتين وشبعو الله ماستوي هالحوسه اللي حستها

العفو



حبيبتي