يومياتي مع الرجيم والرياضه وابي بنات ينافسوني

حبيبتي .. اول شي الله يرحم ابوج ياااارب ويجمعه مع النبي عليه الصلاه والسلام وعلى صحبه واله اجمعين


والله يوفقج يااارب برجيمج

موفقة حياتي

تسلـمييين حياتي علي الدعــوه ومشكووره علي المرووور نوورتي صفحتي

:s141: أقووول مو صح انا غلطانه وحاظه موضوعي بمكان غلط ......؟؟؟؟

ياليت المشرفات ينقلونه بمكانه الصح


والـسموووحه :eh_s(16):

موفقين انشالله

هلا السنافية تبين تسوين ريجيم خليج مع اخصائي تغذية يتابعج بروحج صعب لان ماتفدرين تمسكين نفسج وانا مشجعة معاج

وزني 72 ومشتركة بنادي ودي اضعف وارجع 66 :eh_s(20): لان قبل كان وزني



عاشت السنافية :eh_s(15):

وانا بعد وياكم

السنافيه فديتج انا بعد معاكم وبنشجع بعض

انا الحين مشتركه بقروب سأصل الي هدفي بس ماعندي مانع اني اشترك معاج فديتج

وبجذي نشجع بعض ونكتب يومياتنا

Target قال:

السنافية
اذا تبين انا وياج نتنافس
انا السبت ببدى رجيمى
وزنى 68 وودى اقط منه 10 كيلو بصحه وعافيه

يالله اشوفج باجر السبت ..

أنقر للتوسيع...

:eh_s(9): عااااااشوووووو حياااااج Target خلاااااص تم نتنافس انا وياج ونبي بعد تشجيع :lkmnkl: وووينكم ياابنااااااااات :eh_s(4): باجر السبت نبي نبدي

كيكه توفي قال:

موفقين انشالله

أنقر للتوسيع...

اجمعييين ياااارب وتسلمين حبوووبه علي الكلام الطيب :friends:

أحبك خفاا قال:

هلا السنافية تبين تسوين ريجيم خليج مع اخصائي تغذية يتابعج بروحج صعب لان ماتفدرين تمسكين نفسج وانا مشجعة معاج

وزني 72 ومشتركة بنادي ودي اضعف وارجع 66 :eh_s(20): لان قبل كان وزني



عاشت السنافية :eh_s(15):

أنقر للتوسيع...

تعبت و:flower: رحت عند دكتور تغذيه اوسامه واستفدت منه بس غالي وميزانيتي ماتسمح كل مره اقط فوق الـ50 دينار
لا بس ان شاءلله هالمره بمسك نفسي عندي مناسبه وبلبس اللي بخاطري فيه وانا ان شاءلله راااضيه لو بالـ79 الحمدالله بس همن بضعف بضعف مليت من شكلي بغير شوي تدرين شنو اللي يحبطني لمن يقولون لي :eh_s(16): انتي حلوه بس المتن مخرب جمالج ,, امممممممم وانا بسجل بنادي بس باي منطقه انتي ؟

الحلا^^مبتليني قال:

وانا بعد وياكم

أنقر للتوسيع...

حياااااج خيتوووو .. جم وزنج وجم بخاطرج تنزلين من الوزن ..؟

عشان نشجع بعض اكثر واكثر:weight_lift:

الـ غ ـلا قال:

السنافيه فديتج انا بعد معاكم وبنشجع بعض

انا الحين مشتركه بقروب سأصل الي هدفي بس ماعندي مانع اني اشترك معاج فديتج

وبجذي نشجع بعض ونكتب يومياتنا

أنقر للتوسيع...

أهـلين منوووره والله :sfg: ’’ خلاااص تم باجر باذن الله نبتدي ونشجع بعض :friends:

بنات وبقول لكم تجربتي مع كل شي استخدمته حق الرجيم وياليت كل وحده هم تشاركنا مو الا علي تشجيع حتي لو وحده دخلت عادي تحط تجربتها مع اعشاب ولا ادويه ولا نوادي واستفادت ولا لا ..


بقول لكم اول مابديت الرجيم من قبل سنتين تقريبن كانو هابين بحبوب الزينيكال انا عن نفسي استخدمتهم بس استخدامي لهم كرهني بنفسي بس كانت نتايجهم حييل حلوه كنت اكلهم قبل الاكل بنص ساعه كانت تنزل الدهون اللي اكلتها بالاكل سوا بالغدا او بالعشاء بنات وانت بكرامه كنت البس كوتكس من كثر الدهون اللي تنزل والله من يومها كرهت نفسي وماستخدمتهم لان اللي كرهني فيهم الدهون اللي تنزل ..
وفي كتاب ينباع بالمكاتب واعتقد كل البنات عندهم الكتاب حواء فيه خلطات شلون تضعفين ومن ضمنهم اجيبين جره خلطه عطور فاضيه واتحطين فيها نص خل والباقي ماي وتخلينه بالثلاجه وكل يوم تستخدمينه وترشين علي جسمج يشد ويخسس الجسم بس والله والله والله مافيه فايده او شي ريحه ويعدين قريت عن نتايج اللي استخدموها تفتت الجلد فما بالج لو تحطين قطعه لحم بكاس خل ..؟ اكيد بيتفتت وبعدها صرت اشرب بعد الاكل خل وماي بس والله يابنات الله سترها معاي وقمت بسلامه حاشني عوار مو طبيعي بمعدتي وقعدت بالفراش تعبانه وماغير التوي من الالم لا علاج ولا اعشاب فاده معاي والله كنت احس مثل اللي يتقطع بمعدتي وكان هذا كله من شرب الخل فنصيحه لا تستخدمون الخل بالشرب استخدموه بالسلطات من غير ليمون احسن لكم في وحده غريت عنها اول بالمنتدي اهني كانت تشرب خل وماي ولمن تبي تولد ماولدوها لان معدتها من داخل متفتته ماتساعد علي الولاده وانا توووني بنت عمري 23 ..

ادري عورت راسكم معاي بس ان شاءلله اذا شفت منكم تشجيع بحط لكم شغلات استفدت وفي منهم ولا فدت منهم ...

فديتج والله انا صار لي فتره اسوي رجيم وامشي مع تمارين وبتشجع اكثر معاج

السنافيه فديتج عندج رجيم معين ابي رجيم اتبعه عدل ؟؟

الصراحه الشاي الاخضر نتايجه حيييييييييييييييييييييل حلووووه

جربيه

الـ غ ـلا قال:

فديتج والله انا صار لي فتره اسوي رجيم وامشي مع تمارين وبتشجع اكثر معاج

السنافيه فديتج عندج رجيم معين ابي رجيم اتبعه عدل ؟؟

أنقر للتوسيع...

هلا والله ,, حياااج اختي ,, العيش والخبز مااكلهم الريوق جبن او لبنه خاليه الدسم او بيض مسلوق مع شاي او حليب خالي الدسم اخلي ريوقي منوع كل يوم مره لبنه واليوم الثاني جبن واللي وراه بيض بس اليوم اللي اتريق فيه بيض مااكل لحم ولا دجاج لا اخلي غداي سلطه وروب والعشاء وخضار مشكله ويكون العشاء بدري الساعه 7

خلاص قلبي انا بنزل الجدول اللي سويته حق الرجيم اللي ابيه وان شاءلله تستفيدون منه

الـ غ ـلا قال:

الصراحه الشاي الاخضر نتايجه حيييييييييييييييييييييل حلووووه

جربيه

أنقر للتوسيع...

اي والله حلو الشاي الاخضر انا اذا شربته احس نفسي تنسد علي الاكل

الريوق


حبه جبن او ملعقه لبنه خاليه الدسم او بيض مسلوق + حبه توست ويكون احسن اذا كانت بدالها خس + كوب حليب خالي الدسم

الضحي
كوب نسكافيه او تفاح اخضر

الغداء

اذا كان الريوق بيض لا ينصح باكل انواع اللحوم باليوم نفسه .. الغداء سلطه والكميه مفتوحه مع ملعقه بذر الكتان + روب خالي الدسم واذا حسيتي بالجوع اكلي خس او روب لان اثنينهم فيهم فايده
واذا كان ريوقج جبن او لبنه اكلي علي الغداء صدر دجاج مشوي او كباب او همبرغر مشوي + روب وخس او خضار مشكله + خس


العصر
قطعتين اناناس او عصير اناناس او تفاح او عصير تفاح

العشاء

خضار مسلوقه + خس .. او سلطه روب بخيار


الممنوووع ولازم ماناكله ونعرف انه يزيد الوزن عندنا ومايساعد علي الرجيم ..

الفواكهه مثل الموز المانجا
الخبز والعيش والمعكرونيه والشعيريه
المغليات + الحلويات + المشروبات الغازيه


والمسمووووح

اذا حسيتي بجوع اكلي خس او روب خالي الدسم مع ملعقه بذور الكتان او تفاح اخضر او شربي ماي ولا تنسون بنات العصاير ترا لازم بس ماتكثرون منها عندج عصير التفاح والاناناس وكثرو من المااااي ..

انا هذا الرجيم اللي بسويه وان شاءلله تستفيدون منه بصراحه انا مابي اقول لازم تسوونه لا ترا كل جسم يفرق عن جسم بفصيله الدم انا فيني غده درقيه واحس هالاكل راح استفيد منه ..

وان شاءلله بكون متواصله معاكم ونشجع بعض اكثر