رد : ودج بصديقات وايد؟؟ او صديقة نفس ميولج و افكارج؟؟
ههههههههههههههههههه خوش موضوع والله ضحكوني البنات ع المواصفات سويناه سجل خطابه
خوش يله خنجرب انشالله نلاقي اخت دنيا وصديقه صدوقه
انا سلمكم الله بنيه بين دين ودنيا يعني مو من هالبنات الي انشالله اطمح اصير منهم متدينات بشكل غالب على حياتهم ولا من البنات الفري وايد .. اخاف الله يعني ادعولي التزم يارب المهم <- " BLA BLA BLA :ch12:"
سلمكم الله انا مشكلتي الميك اب والفاشن يعني ماقدر اموت عليها لازم كل شهر بالافينيوز
طموحه حمد اله
احب الحياه
واحب اعيش ع الساس يعني وهم مو مترقعه لوول حمد اله على كل حال
عمري 20 ومو متزوجه
ستايلي حجاب وكاجوال حالي حال بنات خلق الله عادي يعني
ادرس حقوق جامعة الكويت دفعه 08
امممم بعد شنو
اي اطباعي : احب الي يحبني ومشكلتي بسرعه اصدق ومرات افهم الي جدامي غلط تلاقيني ارتحت لها قايلت لها الاكو والماكو وتاليتها اهي اقرب الحسودات والغادرين والكارهين ايييه الله كريم
.. المهم
ماحب الجذب ولا الخبث والمكر والحسد .. ولا النفاق ولا التكبر
صديقتي اتمنى تكون مثلي بسرعه تنسا ماتشيل بقلبها وايد لانه مصيرنا تراب .. حسد اتذكر انه باجر ربي ماراح يرزقني الي عندها واتمنالها الخير جذب اتذكر انه بيطيحني من عينها ويخليني صغيره وماتصدقني بكل حرف اقوله واساسا ماراح ترتاحلي فاوخر عنه ونفاق وتكبر من اولها مكروها يعني يبين على الوحده
وبعد زيدو عليهم التصنع دم ضروسي ;\ ,واحب الصديقه الي تقولي عيوبي وتنصحني اكثر من الي تجاملني
هذا بشكل عام
عيوبي : مزاجيه لدرجه السخافه لوول بسرعه اعصب واتنرفز مو زعوله بس شوي اتحسس من حجي حتى لو احد ماعرفه.. يعني املغها مرات
.. اي وبعد مااحط نفسي اجتماعيه ولا احط نفسي انطوائيه بس انا احب اسولف واخذ واعطي مع الي احبه وارتاحله يعني ماحب سوالف شلليه وقروبات الا اذا كان الكل على قلب واحد
وقرقه نوعا ما ممكن مرات يحوشني تفلسف الا اذا احد جعمني
روتيني : .. دوام بيت ... اطلع مرات بايام الدوام .. ويكند ماحب
ماعندي خوات وحيده
هوايتي : ميك اب وشوبينق .. الله الهادي انشاء الله
وشكرا
:eh_s(17):
اي بنات
للاستفسار ارسال رساله على الخاص
عاد كتبت مووضوع عني انشالله اتيي شبيهتي الروحيه :d