قولوا ماشاء الله - عيد ميلاد بنتي حبيبتي - حياكم

صباااحو يا بنات يا حلوين

بما انكم انتو دايما تساعدوني وماتقصرون معاي فقلت ابي احطلكم صور عيد ميلاد بنتي
واي مساعده انا حاااااضرة

بس بشررررررررررط

ذكروا الله وقولوا ماشالله والله يخليها لي ويحفظها من العين

ياااااااااااااااااارب

يوم الجمعة 19- فبراير-2010 بنتي حياتي كملت سنتين
سويتلها عيد ميلاد على LULU CATY

والفال لمن اشوفها عروس يارب
بعد مافتريت على الشركات ودقدقت وسويت سيرج

وصلت للنهايه لشركة شخابيط
http://www.shakhbit.com/
تلفون 99114114
وصاحب الشركة اسمه بوجراح
الصراحه تعامله قمه بالذوق
وكان يحاول يوفر لي كل الي انا ابيه
ويا عندي لي البيت اشرف على الشغل بنفسه

المهم انا شنو اخذت منه ؟!
DJ
طبعا ديجي المكسر مال العرس عجيييييييييييييييييييييييييب
Balloon decoration
(قوس باب – 2 ستاند – 100 هيليوم- ديكور حائط)
شخصية لولو كاتي
مقدمة برامج
مسابقات
50 هدية
مكينة النفيش وشعر البنات
والكراسي
وبالغلط يتلي الاضاءة الملونه بس خلاها ماشالها
والتاتو (قصته تحت)

طبعا ما اقدر اقولكم السعر الاجمالي لان ماصرح لي لان كان سعر خاااص
بس والله انا الي شفته ودرت على الكل كاان ارخص شي واقل سعر
لان سعر ديكور البالون الي انا ماخذته بره اكثر من السعر حق الي فوق كله !!!

الديكور الي على السلم الخارجي قلت حق الفلبينيه تسويلي جم ورده زياده بعدين انا علقتهم

النطاطيه والزحلاقه ملوت بنتي

يالله خل انشوف الصور شوي شوي ونتكلم

هذي بطايق الدعوه انا مسويتها
صممتها وشريت ورق متين شوي
وطبعتها عندي بالبيت
كنت ابي عواده خشب نفس ملوت الطبيب ماحصلت
فشريت سجاجين بلاستيك !!!
وحطيتهم ولفيتهم بشريطه
30 بطاقه كلفتني دنارين




المهم


انا ساكنة بيت اهل زوجي بالسرداب
وهذا مدخلي وحوشي

حياكم لا تستحون ماكو احد













هذي نطاطية بنتي

وديرفتها

وزولية خالتي بس لاتقولون لها












هذا شعر البنات والنفيش





الحوش اكثر مكان استانسوا في اليهال خصوصا الصغار

ماشلله
العمر كله

يالله كملو حياكم داخل








هذي الاضاءة الي اقولكم يت وانا مو طالبتها بس خلاها







والصراحه اشوه ان يت

شوفوا شحلوها
طبعا الستاف كله نسائي بس هذا الديجي قبل لا اييون المعازيم كان يضبط الشغل






اهني قسم الاكل
الطاولات والكراسي
الطاولات ملوت ابوي
بعدين حطيت عليهم المفارش






اول شي كنت حاطه الهدايا

هدايا بنتي

..

ما شاء الله
لا اله الا الله

الله يخليها لكم وعقبال 100 سنة كلها افراح

بس هدايا الاطفال

يابتلي الشركة 50 هديه حق وقت المسابقات اذا اليهال فازوا
بس طبعا بو 100 ولا 50 بعد
بس ياللله بعدين ونستهم
هذي الطاولة عليها الاغراض
ادري عفسه بس والله مامداني
لويه وعفسه

بما ان العيد ميلاد على لولو كاتي
فكانت الشخصية لولو كاتي
الهدايا والمسابقات لولو كاتي
بس هدايا الصبيان لا
فقمت وغلفتهم عشان لا يخربون الالوان

..

..
هذولي هدايا البنات حسب الاعمار

مرايا
شمسية
لوحه
واصغر شي طقم الاكل البلاستك حق البيبية الصغيره بنت اخوي العسسسسسسسسسل
والخدم بعد كان لهم نصيب باقلام من سوق بو 100

..

..

هذولي مسابقاتي انا غير مسابقات الشركة بعد
تركيب لولو كاتي
لعبة X0
ولي بالطرف هذي الفيونكات ملوتها مقصوصين وتغمضين عين اليهال واهم يحطونها مكانها
طبعا كلهم وراهم مغناطيس ومعلقتهم على اللوحة

..

المهم
في شي زايد بعد انا طلبته
واهو كان التاتو
انا كنت ابي ال Air Brush
قالي المصري الي عنده ماعندنا
انا اييبلج وحده من الصالون ترسم لج تاتو
قتله مو حنه ولا ستيكر
قالي لاااااا رسم
المفاجأة الي صارت ان تيلي وحده معاها جنطه
داخل الجنطه صور تاتو
صور صغيره مقصصة
تحطينها على الايد مع ماي تلزق
والمصييييييييييبه ان الصور كانو تلوع الجبد
اشباح
ورعب
وجماجم
وسيوف !!!!!
حتن الصبيان مايحطونها
حتن الي يطلعون لنا بالعلج اليااابس احلى منها !!!
المهم دقيت عى الاخ المصري الي واعدني ولا لسانه اطول منه
وانا بالحفله
قتله دبري اهي تعرف ترسم وجوه بس ريلي مايحبه يقول مو زين
فاهيا مايابت العده !!
قتله يبلي العده يبلي رسم وجوه الحين اي شي
طبعا طاااف
وبوجراح كان لاهي ابحفله ثانيه
وانا لاهيه بالمعازيم
الي هداني ان بنات خالتي حياتي
يايبين حق بنتي نفس التاتو من فانتسي وورد بس على فراش وورد اييييننن
جان اقوم واعطيها ياه قتلها يالله حطي حق اليهال
يعني اهي بس تحطه !!!

المهم ان اليهال كانوا مستانسين عليه ولو ا ن مو هذا الي ابيه

وهذي بنتي الحلو قاعده بكيفها تسوي حق اليهال

..

هذي بنت اخوي الصغيرة بعد سوينالها

فديييت الايد يا قلبييييييييييييييييي



..

والحين بعد ما العبو مسابقات
وكلو نفيش وشعر بنات
وارقصوا مع الشخصية
وحطوا التاتو
يا موعد الكيكه
بدلت بنتي حبيبتي
التنورة انا مسويتها
http://www.youtube.com/watch?v=B7aSPMEn7S0

كلفتني3 دنانير
المواقع تنباع فوق العشره
والقناع بنت خالتي يابته اتوقع من فانتسي وورد
والكعب حشاكم من اكسسوريز


..
..


يبت كب كيك من محل اسمه galze
NO : +965 50077878
www.glazeq8.com
[email protected]

وايد حلو تعاملها
وانا بغيت كب كيك عشان مافيه قص ولويه
وهمن كل اليهال يكون عندهم نفس الصوره
مو واحد يقولي ابي العين
انا الريل
انا الخشم
وسوالفهم عاد
بس للاسف ما اتفقنا عدل
وحاطتلي وايد الوان كنت بس ابي ابيض ووردي
ومادري ليش حاطه الفراشه ما ابيها بس الي القطوة

بس عموما اليهال حبوها
والطعم لذيييييييييييييييييييييييييييييييييييييييييذ
والله جد وايد كليت كب كيب بس هذي طعمها عجيييب عجيييب عجيييب وايد لذيذه

..




..
وهييييييييييييييييييييييييييييييييييييييييييييييييييييييييييييييييييييييييييييييي

..


وطلبت حق اليهال عشا من مكدونلدز
بس اول مادشوا خذيت كل واحد شنو يبي وجبه
بعدين طلبنا
صحتيييييييييييييييين
..

وانشالله تكون المعلومات كافيه
ووافيه
واي سؤال انا حاضرة
ومشكورين كل الي ساعدوني بالحفله واخدمكم بالافراح

والله يعني على التنظيف

كل عام وبنوتج الحلوه بألف خير وإن شاالله تشوفينها عروس

وماشالله شغلج حلو ومعلوماتج أحلى...... ماقصرتي

كل عام و بنوتج بخير و انشالله كل سنه اتسوين لها احلى و احلى و خوش حفله ما شالله و تتربى بعزج انشالله

كل عام والبنوته بخير وتفرحين فيها انشالله وخوووش حفله ماشالله

ما شاء الله حلوو العيد ميلاد

وكل عام وبنتج بخير وعقبال 100 سنه

رقي

نملة زقرتية

تراكمية

ام فويزان

manarah

سارة_kw

مشكورين كلكم حياتي على المروووور

مشاء الله
عقبال ماتفرحين بعرسها يارب

تــــــــــــــــــــبــــــــــــــارك الرحمن
الله يخليك لها وويخليها لك
ووتفرحين فيها عرووووووووووووس وووبعيالها بعد

ما شاء الله ، خووووووووووووش حفلة عليكم بالعافية وشغل مرتب

شوقتيني أسوي حق بنتي بس على شخصية دورا أنها تحبها

ياحياتي والله .. الله يخليها لج يااارب ..

ماشالله شغلج حلو ومعلوماتج أحلى...... ماقصرتي

وكل عام وبنتج بخير وعقبال 100 سنه

ماشالله ..

الله يخليهااا لج ان شاء الله وعقبال مليون سنه ..

وان شاء الله تشوفينهاااا عروس وتفرحين فيهاا يا رب

ماشالله وااايد حلو ومرتب الله يخليها لج انشالله