تجمع للمصابات بالداء الجميل(داء السكري)

السلام عليكم
اول مره اكتب موضوع بهالقسم واول مره ادش هالقسم اصلا
قررت اني اسوي تجمع لجميع المصابات بداء العصر الجميل(السكري؟)
كل وحده حابه تنظم للتجمع حياها الله
وهني بنسوي حمله لنا السكريات ننضم فيها حياتنا مع السكري
يعني لا للسكري بعد اليوم
صح حنا رب العالمين كتب علينا هالمرض بس احسن من غيرنا بالف مره
الحمدالله انه مو سرطان او ايدز الله يبعدهم
او التهاب كبد وبائي
يعني هالحمله لها قوانين واهداف
القوانين:
1_اللي بتشترك لازم تكون مصابه بالسكري
2_او عندها قبول وخايفه انها تنصاب
3_لازم تكون تراجع وتتعالج
4_اللي تسجل لازم تعرفنا شنو علاجها(حبوب او ابر)

5_المحافظه على الحميه طوال فترة الحمله
6_اخذ دواء السكري بانتظام سواء كان (حبوب او ابر)
7_الانتظام بالرياضه يوميا مدة ساعه او نصف ساعه(مولازم رياضه المهم مجهود وحركه)
8_ان تمتلك المسجله جهاز لقياس نسبة السكر يوميا
9_المحافظه على نظافة الاطراف

الاهداف:

1_المحافظه على نسبة السكر بالدرجه المقبوله(70 الى 135ملغ)او(4الى 7 مل مول
2-الاقلال من نتائج وعواقب مرض السكر مع الزمن والتي تخص(العين_الكلى_الاعصاب_الاطراف)




هذا ما تضمه الحمله باختصار
اللي حابه تسجل تنضم وان شالله نفيد ونستفيد
واي وحده حابه تضيف معلومات عن العلاج واخ الاخبار مافي مانع
اهم شي ندش كل يوم نكتب شنو سوينا مع السكر
شنو كلينا وكم خذينا نسبة دواء
وكم بذلنا مجهود حركي وكل شي سويناه يخص صحتنا
اهم شي نستمر مانتملل
عشان نحافظ على انفسنا من المخاطر اللي مو مستوعبها البعض للحين


مرض السكر يا خوات صديق الانسان اللي ينصاب فيه
اذا وفيناله وفا
واذا غدرنا فيه وقمنا نخبص ونخورها بالحميه والدوا رؤاح فيها
فياااااااااااااااريت نقدر مدى خطورة اهماله
ويااااريت نقدر شكثر بيكون طيب اذا تعاملنا معاه عدل وشلون رايحين نرتاح



ان شالله اني ما ثقلت عليكم بس حبيت نتجمع ونشتكي ااااااهاتنا لبعض
لان مافي احد يحس بالثاني الا اذا مر بنفس المعاناة

هلا فيج اختي وانا بعد وياكم انا سويت تجمع قبل هالمره بس مالقيت تجاوب على ايدج انشالله نرجي الفايده ونستفيد
انا بالنسبه لي صابني السكر قبل 3 سنين والحين اخذ ابر طبعا اول سنه كنت انضبط الحين خرطي بالبدايه خذيت حبوب بس نزل وزني حييييل وصرت مومياء فقررت اخذ ابر الحين اخذ ابر مع كلوفاج في نسب مرتفعه بس لاني ماانضبط بالحميه سويت تحليل الانسولين نسبته طبعا مرتفعه وانا مشكله السكر الضاهر انه جسمي مايستفيد من الانسولين فعشان جذيه الكلوفاج يفيدني اكثر -وياليت نستمر في هذا التجمع -وشكرا لج اختي مره ثانيه على هذه المبادره

كارلوفي فاري قال:

هلا فيج اختي وانا بعد وياكم انا سويت تجمع قبل هالمره بس مالقيت تجاوب على ايدج انشالله نرجي الفايده ونستفيد
انا بالنسبه لي صابني السكر قبل 3 سنين والحين اخذ ابر طبعا اول سنه كنت انضبط الحين خرطي بالبدايه خذيت حبوب بس نزل وزني حييييل وصرت مومياء فقررت اخذ ابر الحين اخذ ابر مع كلوفاج في نسب مرتفعه بس لاني ماانضبط بالحميه سويت تحليل الانسولين نسبته طبعا مرتفعه وانا مشكله السكر الضاهر انه جسمي مايستفيد من الانسولين فعشان جذيه الكلوفاج يفيدني اكثر -وياليت نستمر في هذا التجمع -وشكرا لج اختي مره ثانيه على هذه المبادره

أنقر للتوسيع...

حياج الله ياقلبي معانا
والله مدري ليش الناس متخوفه من المشاركه
ترى السكر مرض من الله موعيب
وبالنسبه لج حبيبتي الانسولين احسن والتزمي بالعلاج والحميه والرياضه
وان شالله انج بتستفيدين من الحمله ومن المعلومات اللي بنحطها
بس شفت تفاعل بوافيكم بكل شي يخص هالمرض

كل ممنوع مرغوب وللأسف ماعندي إرادة أوقف عن الحلو والتمر يم يم يم
وعلى قولت الوالد اللي مافيه سكر موكويتي
يعني مبروك الكل أخذ الجنسية حتى المواليد مساكين وهذا حال الدنيا حلوووووووووووووووووووة

كويتية بكل فخر قال:

كل ممنوع مرغوب وللأسف ماعندي إرادة أوقف عن الحلو والتمر يم يم يم
وعلى قولت الوالد اللي مافيه سكر موكويتي
يعني مبروك الكل أخذ الجنسية حتى المواليد مساكين وهذا حال الدنيا حلوووووووووووووووووووة

أنقر للتوسيع...

لا لا حبيبتي خلاص قررنا يكون عندنا اراده
انت بس حطي ببالج انج بتلتزمين
وقوليها 10 مرات لا للحلا لا للتمر لا لكل ما هو مضر بالسكر
وبتلاقين نفسج مثل الفرس تركضين من الاراده
حنا بس خلينا نتجمع وبعدين لكل حادث حديث

وين السكريات الحلوات

ورد وريحان يعطيك العافيه على هالتجمع راح يساعد كثير من اللي عندهم سكر ان يغير بعض المفاهيم الخاطئه عن التعامل مع داء السكر وبالتوفيق ......

انا بنتي مريضه بالسكر... الله يشفيها و يشفيكم اجمعين

*سولاف* قال:

ورد وريحان يعطيك العافيه على هالتجمع راح يساعد كثير من اللي عندهم سكر ان يغير بعض المفاهيم الخاطئه عن التعامل مع داء السكر وبالتوفيق ......

أنقر للتوسيع...

حياج الله ياقلبي
حنا هذا اللي نبيه اهم شي بالنهايه نوصل للصحه الدائمه لنا وللجميع ان شالله

كنوز78 قال:

انا بنتي مريضه بالسكر... الله يشفيها و يشفيكم اجمعين

أنقر للتوسيع...

هلا فيج حبيبتي والله عورتي قلبي على بنتج
الله يشافيها
انت استمري معانا بالحمله وان شالله بتلقينلها كل خير هني
وبحكم اصابتي بمرض السكر صرت خبيره فيه حيل
حتى دكتتوري يسميني دكتورة السكر خخخخخخخخخخ

مساء الخير ها خواتي وينكم شنو عندكم من اخبار -اليوم الضهر جاني هبوط ردديت من الدوام مالي خلق اتغدى قعدت من النوم سابحه بالعرق ومااشوف اللي قدامي خدامتي جابت لي كاكاو والحمدالله الله ستر

كارلوفي فاري قال:

مساء الخير ها خواتي وينكم شنو عندكم من اخبار -اليوم الضهر جاني هبوط ردديت من الدوام مالي خلق اتغدى قعدت من النوم سابحه بالعرق ومااشوف اللي قدامي خدامتي جابت لي كاكاو والحمدالله الله ستر

أنقر للتوسيع...

الف سلامات عليج حبيبتي
طبيعي ما تغديتي بينزل
يمكن انا اكثر وحده بالدنيا يصير معاي هبوط
لان على طووووووووووووول مالي خلق اكل
واحيانا يكون زوجي بالدوام
ما القى قدامي الا حبيبة قلبي بنيتي الصغيره ربي يخليها لي
اقوله قلبي عورني تفهم علي وتركض تجيبلي العصير

انا اراجع بالعرف عند محمود البدري اشوفه زوين

انا اراجع بالعرف عند محمود البدري اشوفه زوين

بنات كل وحده قبل لا تنام تدخل تكتب احداث اليوم اللي صارت معاها
نسب السكر
كميات واسماء الدواء
هبو وارتفاع واعراض ثانيه مثل تعب وخمول وغيرها
الاكل اللي كلته
والطاقه اللي بذلتها
عشان نتواصل كل يوم
هذي الاساسيات


والتفاصيل بتكون
الاخبار العامه عن السكر من علاجات وتطورات
واشياء تفيد ومعلومات قيمه واي وحده تبي تضيف اي شي حياها الله

انا اليوم كان مرتفع عندي وذبحني العطش ووصلت نسبته بعد الريوق 22 -والله انه يدوخ الله المستعان -زين باسالكم عن تحليل الانسولين سويتوه ولا لا وكم طلع معاكم مع تحديد النسب لانه القرائات تختلف من مختبر للثاني

كارلوفي فاري قال:

انا اليوم كان مرتفع عندي وذبحني العطش ووصلت نسبته بعد الريوق 22 -والله انه يدوخ الله المستعان -زين باسالكم عن تحليل الانسولين سويتوه ولا لا وكم طلع معاكم مع تحديد النسب لانه القرائات تختلف من مختبر للثاني

أنقر للتوسيع...

وااااااااااااااي حبيبتي 22واجد ماتشوفين شر ان شالله
حبيبتي التزمي بالدوا والحميه
مانبي نشوف هالرقم مره ثانيه ولا حتى نصه
مسويين هالتجمع عشان نظبط السكر عدل
بالنسبه لسؤالج ما فهمت شنو تحليل النسولين
واااااااااااسفه اني ما شفت ردج الا متاخر
لان المنتدى مو راضي يفتح اليوم
وانا والله حدي مشغوله بشغل البيت والعيال
ويمكن هذا اللي مظبط السكر عندي اني اكرف حيييييييييييل بالبيت

كارلوفي فاري قال:

انا اليوم كان مرتفع عندي وذبحني العطش ووصلت نسبته بعد الريوق 22 -والله انه يدوخ الله المستعان -زين باسالكم عن تحليل الانسولين سويتوه ولا لا وكم طلع معاكم مع تحديد النسب لانه القرائات تختلف من مختبر للثاني

أنقر للتوسيع...

وااااااااااااااي حبيبتي 22واجد ماتشوفين شر ان شالله
حبيبتي التزمي بالدوا والحميه
مانبي نشوف هالرقم مره ثانيه ولا حتى نصه
مسويين هالتجمع عشان نظبط السكر عدل
بالنسبه لسؤالج ما فهمت شنو تحليل النسولين
واااااااااااسفه اني ما شفت ردج الا متاخر
لان المنتدى مو راضي يفتح اليوم
وانا والله حدي مشغوله بشغل البيت والعيال
ويمكن هذا اللي مظبط السكر عندي اني اكرف حيييييييييييل بالبيت

ها وين الحبايب اليوم وين نتايجكم
انا امس من كثر الحوسه (كنت مسويه حفلة فالانتاين انا وزوجي)خخخخخخخخخخخخ
نسيت اخذ ابرة الليل
وقمت الصبح راسي بينفجر وخفت احلل