الخدج الخدج الخدج

*فاصوليا* · 18 يناير 2010

السلام عليكم

بنات شوي بتكلم عن الخدج

لان بنتي باطة جبدي لوول
عمرها اسم الله عليها 3 شهور ولحد الحين ترضع رقمين

بطئية حيل ابيها تكبر لحد الحين تلبس نيو بيبي وكبير عليها

شلون تغلبتو على هالشي

هل ازيد لها الكمية وانطر بدال الساعه ساعتين؟؟؟

هذا شي
الشي الثاني لي متى راسهم طويل يعني لووول طول عمرهم والا يتعدل؟؟؟ باجر ريلها يعيب عليها يقولها ام راس لوول

ومن صادف
ان بنتها ياتلها مشكلة وطولت معاها بحكم انها من الخدج
لان بنتي عندها مشكلة بدمها وكل 3 اسابيع تحتاج دمولحد الحين مو عارفين من شنو
وواحد من هالاحتمالات هل اهي شغله عرضية بحكم انها من الخدج وتروح بعد فترة 6 شهور لو سنة
والي عندها جواب يخوف لا تقولة ماني ناقصه

_shh_:
ومنو تعرف دكتور دم شاطر برة الكويت

وشكرن

بحرينية كووووووول · 19 يناير 2010

فاصوليا حبيبتي انة بنتي عمرها 7 شهور وللحين تلبس مقاس 0_3 اشرايج حيل اضعيفة نتفةةةةةةةةةةةة وتوني من جم يوم بديت البسها مقاس 6_9 وبعد كبير عليها للعلم بنتى مو خدج ترى بالنسبة للراس حبيبتي يتعدل بس يبي لة وقت واذا بنتج كل مرة يحطون لها دم سويتول لها تحليل الامراض الوراثيةةةةة ؟او لا؟؟؟؟؟رزم اسون تحليل وبعد ياقلبي ترى توها نونووووو بعدج عليها ليمى تكبر وخلج مستانسة فيهااااااا ولا تقولين باطة جبدج ترى الببي و محل انفرغ فية اعصابنا وان شاء اللة تتربى بعزكم وتشوفينها عرووووووووووس

عروسة · 19 يناير 2010

حبيبتي انا بنتي خدج خدج خدج
والحمدلله على كل حال صحيح اتعب معاها وبالشهر لازم مرتين تتعب لي وكم مره تنام بالمستشفه التهارب رئوي او نزله معويه او او او الحمدلله يارب على كل شيء...
بالنسبه لبنتي المفروض عمرها 9 اشهر بس والله ليومج ماترضع الا مال عمر 4 اشهر ونتفه وحيل ناعم جسمها وحساس
بالنسبه للحجم طبيعي الخدج نموهم بطيء لاتخافين واللي تشربه هذا اللي تحتاجه لان معدتها غير عن الطبيعي اللي مكمل 9 اشهر
لاتحاتين بنتي الين 7 اشهر تلبس من 03
والان اشوه صارت من 3 ل 6 لووول عادي لاتخافين بس اهم شيء حافظي عليها من جميع النواحي والنظافه والرضعات تكون معقمه وان شاء الله ماقدامها الا العافيه
لما تدخل الشهر الرابع ابدي عطيها مهلبيه بحليبها طبعا ولما تدخ 6 اشهر ابدي عطيها خضار مهروسه ..
وكمان بالشهر الرابع اسلقي رز مصري وخذي المويه حقته وسوي حليبها بموية الرز المصريه مره مفيده
بالنسبه للراس عادي مع الوقت يتعدلاهم شيء حاولي تسدحينها على ظهرها وراسها يكون مستقيم ولاتعودينها على جنب معين علشان ماينخفس جهه وجهه لا

Hello_kitty · 20 يناير 2010

لووووووووووووول عادي عادي خليها رشيقه ليش تبينها تصير متينه

حبيبتي انه اعيالي خدج خدج خدج مثل ما تقولين كملوا 6 شهور اسم الله عليهم لي الحين يلبسون من 0_3 وكبير شوي عليهم بع

ولي الحين ما قعدوا ولا سننوا حتى رقبتهم ما شدت يضحكووووون مسميتهم عالم الرخويات

اذا تبينها تنتفخ شوي زيدي عدد الرضعات الحليب اهو اللي يكبر البيبي

غند-777 · 20 يناير 2010

لا تحاتين انا ولدي خدج والله تو صار عمره 9شهور اللي يشوفه يقول 4 شهور عمره وكنت كله البسه من 0-3 تو الحين قمت اخذ من 3-6 والحمدلله لا تحاتين

*ماي الورد* · 20 يناير 2010

الله يبلغج فيها ان شاء الله
انتي باي اسبوع والدتها

حلاتي بندرة وجودي · 20 يناير 2010

انا انصحج بالدكتور مازن العيسى تخصص اطفال خدج
اعرضي بنتج عليه احسنلج

ZajiL · 20 يناير 2010

انا 2 من عيالي خدج وتوني والده طفل خدييييج
بس الي اعرفه اطفال الخدج حليبهم غير ولازم يتمون على حليب الخدج لين يكبرون شوي لانه سعراته وااايد
صج حليب الخدج مزعج وكله غازات بس بسرعه يكبر اليهال لانه متروس حديدوفيتامينات
وبعد مايتعدل نموهم يتحولون على الحيب العادي

ولاتحاتين بالنسبه للكمه والله ولدي الي عمره سنه الحين يوم طلع من المستشفى كان يسرب 15 ملي بسسسسسسسسسسس
ينعي نص رقم بس تعالي شوفيه اسم الله عليه كبر لانه اول فتره يكنون صغار مايتحملون ويتعبون من المس ومعتهم صغيره
بعد الست شهور ماشاء الله بسرعه يكبرون

*ماي الورد* · 20 يناير 2010

رجاها قال:
انا انصحج بالدكتور مازن العيسى تخصص اطفال خدج
اعرضي بنتج عليه احسنلج

وين عيادة الدكتور لو سمحتي

أسـيـل · 20 يناير 2010

عياده الكتور مازن العيسى بخيطان

ام ريان3 · 21 يناير 2010

ر فع

PHOTO♥BOOTH · 21 يناير 2010

ولد اختي نفس الشي

عمره 3 شهور لوتشوفينه جنه توه مولود

Om Rashoodi · 21 يناير 2010

حبيبتي ه مقاس مديوم عشان يشرب عدل حتى لو يطلع بره عادي بس المهم يشرب لان السمول تطيح بلعوم الياهل وماطلع شي وتعب وينام انلدي خديج وجذي اسويله والرا س يتعدل يروحه

Om Rashoodi · 21 يناير 2010

** حطي الحلمه مقاس مديوم

ZOHOR · 21 يناير 2010

زين راس عوي عادي ولالا ولايتعدل بعدين انا رأس بنتي طويل شوي.. ؟؟

++The DuchesS++ · 21 يناير 2010

عادي مع الوقت تكبر وتتغير لا تحاتين

الدنيا لحظة* · 21 يناير 2010

قووووووووووه امهات
اشلونكم شخباركم ؟
شوفي حبيبتي انا عندي ولدي كنت والدة بأول السابع تخيلي كان وزنه كبلو بس انتوا مستوعبين شنو كيلو يعني وزن الديايه الي تاكلونها

و خلوه عندهم بالمستشفى شهرين طبعا و كانوا يحطوم له دم بين فترة و فترة بس وهو بالمستشفى وبس بعد ماطلع ماحطوله شي الحمدلله بس كنت اوديه مراجعه عاديه يشووفون الوزن و الطول و من هالسوالف و كنت استخدم حليب نيو شور سميلاك للخدج لمدة سته شهور ولمن تعدل وزنه و كل شي صار اوكي قالولي غيره بس انا اقولج شنو الي رد عافيه ولدي كنت احطله شويه شيريلاك و بسكويت فارليز طبعا نتفه مرتين باليوم مرة الصبح و مرة بليل عشان يشبعه والحين وللله الحمد عمره سنه يا رب يخليه لي ولايحرمني منه و لا تنسين تدعيلي بعد ما يتعدل وزن بنتج اي وبعد ما تكمل الاربع شهور عطيها تمر بس خففيه بماي وايد زين و مو تكثرين رقمين او رقم ونص اوكي و ماتشوفين شر

*ماي الورد* · 22 يناير 2010

الدنيا لحظة

يعني عطيتيه البسكوت بعد الست شهور لانه عندنا خديج بعده ما طلع من الحاضنة

*فاصوليا* · 28 يناير 2010

مشكورين بنات ما قصرتو
الله يكبر كل خديج ان شاءالله ويرد كل الخدج الي بالمستشفى حق امهاتهم

ويحفظهم يارب وتخليلي هالبنيه وتشافيلي اياها يا رب

بحر الذكريات · 28 يناير 2010

انا ولدي جايبته على اول التاسع وكل من شافه علبالهم انه من الخدج حتى الدكارته

ملابسه نيوبيبي وكبار عليه الحين بطلع من الاربعين وهو ليلحين جنه توه مولود بس طلع معاه فتحه بالقلب وفتاق وليلحين مايشرب الا رقم ومرات مايشربه بعد

الله يشفيهم ان شاء الله ويعطيهم الصحه والعافيه ويخليهم لنا

الخدج الخدج الخدج

Active member

New member

New member

New member

New member

New member

New member

*مشرفة قسم التربية والطفل**

New member

New member

New member

New member

New member

New member

New member

New member

New member

New member

Active member

New member