الشغل بالوزارة ارحم ولا القطاع الخاص ؟ ((رايكم ( ومواقفكـــــــمـ )؟

من الاخير
عشان ما اطول بالكلام وازهقكم معاي
انا مليت من معاملة القطاع الخاص جد تعذبت اصعب شي لما تحس نفسك انك وسط اختيارات صعبة بالحياة
يا انك تقبل رحمة القطاع الخاص يا إنك تنضبط وتعيش الوضع عادي
وتتحمل
معاملة المديرهـ حشاكم تلوع الجبد وغير جذي
المعاملة بالقطاع الخاص اعتبرها مذلة
الظروف حدتني عالقطاع الخاص لكن لو تجي علي
... ماراح اقبل غير شغل الوزارهـ مره يقولون لي يمين مره يقولون شمال
بالله عليكم ليش الناس كارهة شغل الوزارات ؟
عالعموم لو كنتي موظفة من القطاعين
شنو الفرق بين هالجهتين ؟

حبوبه هشي يرد على الشخص نفسه وعلى حسب طبيعه حياته سواء كنتي متزوجة او مو متزوجة مو شرط يعني الي متزوجة تقول انا مابي القطاع الخاص متى ارد البيت متى يمديني اريح وفي العكس المتزوجة تقدر توفق بالخاص اكثر من الحكومه وفي ناس يدورون الراحة وفي ناس يحبون يكرفون بالشغل اما بالنسبة حق المدير ترى اصابع ايدج مو سوى حظج جذي ويمكن لمن تروحين الحكومه اطيحين بمدير زين ويمكن لا انتي وحظج عاد

تحياتي لج

كلامج صحيح مشكورة حبيبتي عالرد

الحكومه اريح بس اقل معاش وميزات اتوقع ج

يعتمد انتي اي قطاع خاص رايحه شركات خاصه لاتروحين

برايي احسن بالنسبه للقطاع الخاص اللي يكون يا هيئات حكوميه مستقله او شركات النفط المعروفه غيرهم مانصح فيه

روحي اماكن تضمنين فيها حكوميه ومستقله بنفسها مثل ماذكرت لج فوق ..

هيبة فتاه قال:

كلامج صحيح مشكورة حبيبتي عالرد

أنقر للتوسيع...

العفو حياتي

{NoNa} قال:

انا كنت اشتغل في بنكين وطلعت و رحت وزارة المالية. الصراحة حديييييييييييييي مو مرتاحه
صج الدوام تعبه اقل بس المعاش فرق علي وااايد (كنت آخذ دبل الوزارة بالضبط) و ماكو تقدير اشتغلتي ولا لا ماكو فرق!
ولا ترقيات ولا زيادة معاش (كانت زيادتي 30 الى 40 دينار بالسنة) غير البونص السنوي والربع السنوي حسب شغلج
و ماكو فرق بين دبلوم و جامعي الي يشتغل يوصل والبنات بالوزارة بس قاعدين يعايروني لاني دبلوم مو جامعية :\
انا عندي الخااااااااااااااااااص احسن للي حابة تمسك منصب كبير و حلو

أنقر للتوسيع...

انا اوافقها الراااي 100000% لاني كنت بالقطاع الخاص و لظروف ما حدتني اطلع و اروح الحكومه و ياااليتني مارحت ارف ارف ارف مو بس بالمعاش حتى المعامله و التقدير و على قولت اختي نونا ماكو تقدير و لا ترقيات و فوق كل هذا قوانين الحكومه صكت صككك عالخاص والله ان الخاص رزه و تحسين انج قاعده تنتجين مو جنج طوفه سواء اشتغلتي و لا لا كله نفس الشي ...اتمنى اني ارجع الخاص :0bee2e8d89:

و تحيااااااااااااااااااااااتي لج حبيبتي :dddds:

الخاص فرصته اكبر من ناحية الترقيات ..
اما الحكومه لما يوصلين لي سن التقاعد يالله توصلين الدرجه ال2 ..
بالنسبه للمعامله بكل مكان تلقين الزين والشين ..
الخاص له مميزاته .. فترة الدوام اطول لكن المعاش احسن والترقيات اسرع ..
وهم بنفس الوقت له عيوبه ..
لو فكروا يسكرون الشركة لا قدر الله الموظفين بياكلونها ..
يعني مستقبلج بيد الشركة ..
اما القطاع الحكومي ..
من ناحية اريح فهو اريح ..
اشتغلتي او ما اشتغلتي راتبج بينزل لج ..
والدومات اغلبها معروفه ما يتعدى نهاية الدوام 2.15 ..
وعلى حسب التقارير يعطون مكفئات ( البونس)..
صج فيها ظلم احيانا بالتقارير بس تقدرين تاخذن حقج من خلال التظلم والقضايا الاداريه ..
مافي شي يضيع يعني ..
وبالنسبه لمعاشاتهم ولا شي بالنسبه للقطاع الخاص ..
يعني اقل بوااايد ..
وانتي استخيري وشوفي شنو يطلع معاج ..
والله يوفقج..