شسوي مع بنتي والدوام :( تعبت

قوه بنات




انا عندي بنوته الله يحفظها عمرها سبع شهور وماعندي خدامه
ولا ابي الخدم اخاف منهم
المهم انا رافضه موضوع الخدامه بالمره




مشكلتي اني موظفه وتعبت حيييييييييل من الدوام لانه كله اروح سهرانه بنتي تسهر ولما اعدل نومها اسبوعين وترد تعكس نومها
شنو اسوي
مع العلم
خالتي الله يخليها مو مقصره لما اروح الدوام اخلي بنتي عندها
وياخذونها مني مرات

بس هم تعب علي
خالتي بعد ماتحب الخدم مو حاطه خدامه ومرات تطبخ ولا تنظف واظطر اني اخذ بنتي
المهم انا فكرت استقيل
بس حرام معاشي 700
واذا استقلت بعيش انا زوجي براتبه
وماراح يكفي
شنو الحل بنات بليز فيدوني

حبيبتي مردج بتحطين خدامة الحين ولا بعدين ... لاتغلطين غلطتي والله بتندمين ... الله يسلمج انا ماكنت يايبة خدامة لحد ماصار عمر بنتي

8 شهور وكنت عايشة بشقة بعيد عن أهلي وحمولتي ... وقدر الله اني حملت وكنت أشيل بنتي طبعا واسم الله عليها كانت متبتبة ..

ماطول عليج السالفة طبعا اجهضت .. ومن حملت بعدها ريلي علطول ياب لي خدامة ... والله العظيم ارتحت نفسيا حتى بدوامي

الكل لاحظ ماقمت أغيب ولاأتأخر نفس أول ...

الحياة تتطلب شئتي ام ابيتي <<< بصراحه انا ما عندي خدامه و لدي اخليه يوم عند يوم عند اختي و هو بعمر بنتج بس فكري فيها اذا صار البرد شلون بطلينه ؟؟؟؟ حرااااااام اصغااااااار

شووفي حبيبتي مافي احد يحب يخلي عيااله عند الخدامه
يعني الحيين انتي حملتي وولدتي وتعبتي واخرتها تقطينها عند الخدامه اكييد ماتحبيين

بس شتسويين الحياة تطلب جذي يا انج تييبيين خدامه واذا وصلت تاخذين اجازة بالدوام وتعودينها علييها او انج ادخلينها حضانة وبصراحة حرام ادخلينها بهل عمر واايد صغيره ودامج فبيت خالتج ييبي خدامه وتساعدج وطبعن تحت اشرافج واذا كنتي بالدوام خالتج تقعد معاهم

وسبحاان الله الام تحس اذا الخدامه زينه مع الطفل ولا لاء
وترا اذا كبر شووي بتصير واايد متعلقه فييج وبتتعبيين معااها واايد

بنات خالتي مو مقصره بس هم تعب
وذا جبت خدامه راح احكر نفسي ولا راح اقدر اكشخ حق زوجي
لانه انا بالبيت على طول البس شورتات وقصير
واذا حطيت خدامه ماراح اقدر البس الا بغرفة نومي يعني مو شي


بنات ابي حل او نظام امشي عليه اما سالفة الخدامه لاااااااااااااااااااااااااا
يمكن بعدين اذا صار عندي بيبي ثاني يمكن اجيب

ودي بنتج حضانه اريح شيء

يعني احنا ما نكشخ لازواجنا عشان عندنا خدامه!!!


عادي حبيبتي

انتي ادرى بظروفج

عن نفسي زوجي ما يقعد بالبيت عشان اعطيه كل وقتي واعيش حقه بروحه
والوحده ما تعيش هيامانه بالزوج 24 ساعه تفج شوي

وعادي انا البس لقنز وشورتات وبرمودا من انور والطاهر وخدامتي موجوده بس كاجوال ستايل لاسنزا


ايزي

والخدامه صراحه رااااااااااحه

انا مفكره اجيب الثانيه تطبخ وترتب ووحده للاطفال
انا 3 اسم الله عليهم ومتعبيييييييييييييين

طيب اذا بتسبحين شتسوين!!

حلج واضح خدامه او حضانه

حطي ببالج انها فتره وتعدي بالنسبه حق سالفه النوم بليل خل تكمل سنه ان شاء الله ويتعدل بروحه
وتقدرين من الحين تتحكمين بنومتها بعد 6 مافي نوم لعبي معاها لهيها على الساعه 11 بالكثير تلقينها تعبت ونامت
انا من 5 شهور اعدل نومت عيالي وارتاااااااااح
لدرجه اني اذا طلع ولدي وياي ارجع 10 البيت غصب عني بس عشان ما تتخربط نومته
وطول الطريج الهي عشان ما ينام وعلى طول اوصل البيت ابدله وارضعه وينام
بعد السنه الصبح تقدرين تخلينها بحضانه لانه بعمر الشهور اتوقع ماراح تستفيد شي
تحملي هالجم شهر بس تالي ترتاحين صدقيني
الخدم عللللللللللللللله سأليني
اذا يبتي الثاني ان شاء الله تالي فكررري على موضوع الخدامه

احسن شئ الحضانه
اول شئ يترتب نومتها واكلها وراح اتصير اجتماعيه
والله يعينج كنت نفسج والله حاسه فيك

الحضانه وبس

sunshine22 قال:

يعني احنا ما نكشخ لازواجنا عشان عندنا خدامه!!!


عادي حبيبتي

انتي ادرى بظروفج

عن نفسي زوجي ما يقعد بالبيت عشان اعطيه كل وقتي واعيش حقه بروحه
والوحده ما تعيش هيامانه بالزوج 24 ساعه تفج شوي

وعادي انا البس لقنز وشورتات وبرمودا من انور والطاهر وخدامتي موجوده بس كاجوال ستايل لاسنزا


ايزي

والخدامه صراحه رااااااااااحه

انا مفكره اجيب الثانيه تطبخ وترتب ووحده للاطفال
انا 3 اسم الله عليهم ومتعبيييييييييييييين

طيب اذا بتسبحين شتسوين!!

أنقر للتوسيع...

لا حبوبه مو قصة ماتكشخين
بس انا طبعي في البيت كله قصير البس
ومرات شفاف
واذا حطيت خدامه راح انحكر عرفتي لانه حرام البس جذي جدامها غير جذي الخدم عيونهم حاره

tmtmt قال:

انتي نفس حالتي بالضبببببببببط ...

بس انا الي مساعدني دوام ريلي شفتات يعني بس يوم واحد الصبح يكون مو موجود اوديها حق اختي
الله يستر لا داومت اختي مادري شسوي !!!

كنت بوديها حضانه بس مع المرض الحين هونت

أنقر للتوسيع...

الحمدالله في احد نفس وضعي
انا الحمدالله قاعده مع اهل ريلي ف هالشي شوي مساعدني
واسعدني مرورج حبيبتي

++the duchess++ قال:

حطي ببالج انها فتره وتعدي بالنسبه حق سالفه النوم بليل خل تكمل سنه ان شاء الله ويتعدل بروحه
وتقدرين من الحين تتحكمين بنومتها بعد 6 مافي نوم لعبي معاها لهيها على الساعه 11 بالكثير تلقينها تعبت ونامت
انا من 5 شهور اعدل نومت عيالي وارتاااااااااح
لدرجه اني اذا طلع ولدي وياي ارجع 10 البيت غصب عني بس عشان ما تتخربط نومته
وطول الطريج الهي عشان ما ينام وعلى طول اوصل البيت ابدله وارضعه وينام
بعد السنه الصبح تقدرين تخلينها بحضانه لانه بعمر الشهور اتوقع ماراح تستفيد شي
تحملي هالجم شهر بس تالي ترتاحين صدقيني
الخدم عللللللللللللللله سأليني
اذا يبتي الثاني ان شاء الله تالي فكررري على موضوع الخدامه

أنقر للتوسيع...

ياحياتي هذا الكلام الي يريح

حين قاعده احاول اخليها تعدل نومها قبل لا اداوم

بنات من صجكم احط بنتي بحضانه وعمرها سبع شهور
مستحيل اثق بناس ماعرفهم

حبيبتي كلنا نا انحب الخدم بس اهما شر لابد منه

والدنيا الحين تغيرت ،، وكل شي غلى والواحد لازم يشتغل مرة ،، ريال

علشان يتساعدون

ومو مثل قبل الام بالبيت اتربي بس

شتسوين حبيبتي ،،، مردج لخدامه وهم خالتج اذا اتقولين انها ما عندها خدامه اكيد اهيا تتعب معاها انا اقولج ييبي خدامه وحليج زينه وياها وراح اتحب بنتج واذا رختي الدوام خل تنزل مع البنت تحت عند خالتج ،، خالتج جذي ابترتاح وبتكون البنت تحت عينها ولي ييتي من الدوام انتي جابليها والخدامه اتنظف والله نحتاجهم غصبن علينا

إيييييييييي عشان جذي الجنة تحت أقدام الأمهات ..

ياقلبي انتي مأجوورة انشالله ... وكنت مثلج


اكره الخدم


خالتي و أمي ما قصروا عسى عمرهم طويييل ... هذا على بكري

لكن يوم اشتغلت وحمل بالبيبي الثاني ... خذيت وضع و امومة و بعدين دخلتها حضانة ... و عندي خدامة في البيت بس ابد ما تجيس اليهال الا بالضرورة فقط

وعالبيبي الثالث انشالله ... باخذ فوق إجازة الأمومة إجازة رعاية الأسرة 6 شهور يعني يصير عمر البيبي على ما أدخله الحضانة سنة !

صبري ياقلبي ميخالف مثل ما قالوا البنات فترة و تعدي ودايما الطفل الأول متعب و هو حياة يديدة الثاني أسهل

و النومة ... لاااااااااااااااااااااازم يكون عندج رووتين ... روتين نوم ... روتين ... أكل ... روتين لعب

و الله إنه بنتي كانت من الروتين حتى الحفاظة صارت تلقائيا بموعد لأن تكرمين حتى خرووجها انتظم


يعني اللي بيمسكها بغيابج لااام يطبق الروتين اللي تبينه


ومن ضمنه : نومة الظهر هذي واايد مهمة لأن تترتب عليها نومة الليل ...
شوفي حبيبتي

الصبح ...خليها تقعد مبكر مو تنام ... تتريق ... وتتتبدل و تلعب

وبعد اقل من ساعتين ... سنااك

وبعد تقريبا ساعتين ... الغدا ... يعني على صلاة الظهر

أول ما تتغدى على طول تتغسل و تتبدل و تتحفظ و تنام

بالكثير ساعتين

يعني مع صلاة العصر لازم تقعد ما تنام


أول ما تقعد سنااك


و تلعب ... إهلكيها لعب عشاان تتعب و تدوخ

و بعد صلاة المغرب زهبي العشا ... وكليها

وعلى صلاة العشا تتبدل و تتزهب للنوم ... وفي ناس يحبون يسبحون عيالهم كل يوم
فتكون السباحة قبل النووم

ويوم خلاص البنت زاهبة للنوم متعشية و متبدلة و نظييفة ( مشطيها كل يوم قبل النووم و دهنيها بكريم جونسون البنفسجي ريحته مالت ريلاكس ... حتى اهي تربط الريحة و كل هالروتين اللي تسوينه بوقت النوم ... هذا واايد مهم انج تكررين الروتين بنفس الطريقة والأحداث كل يووم )

و بعدين ... شفتي القصص اللي تونس اللي بعمرها ... مسكي وحدة و حطي البنت بحظنج و تصفحي معاها و اقريها
ميخالف أول شي تبي تاخذه من إيدج و ما تفهم انج انتي اللي بتقريين ... بس شوي شوي تتعود
و الله تلقينها تتعلم بسرعة و مخها يكبر ... و لما تكبر تحب القراءة ... وهذ يقوى علاقتج فيها و يعطيكم تواصل ... وهو من الروتين اللي تحتاجينه

آآآآآآآآآآآآآخر شي .. تسكرين القصة ... وتقولين لها ... ياللا وقت النوم ... تشيلينها تقرين عليها قرآن شوية ... وبهدوووء حطيها بفراشها بوسيها ... وإذا معلمتها تبووسج خليها تبوسج ... قوليلها إنج تحبينها ... وطلعي من الدار طياري

ملاحظة : زهبي الدار قبل القصة ... خليها ظلمة و فراشها زاهب و الجوو هدووء ..

لو كل يووم تكرريين الروتين نفسه ... بتزبوط معك انشالله