بغيت الاونس والافضل لدبي بالصيف ولا العيد !

خبيرات دبي




هذا سؤالي



اذا بروح دبي مع عيالي مثلا 5 ايام اسبوع اي اونس وافضل اروحلها بالعيد ولا الصيف احسن ياريت الي راحتلها بالعيد تقولي شلون في فعاليات ولا عادي بس بالصيف

هلا ومرحبا بج اختيه
شوفي غناتي لو انتي مش معزمه ع وقت معين بالسنة فأنصحج بالشتاء ولا الربيع يعني من الفترة الممتده مابين شهر 12 إلى نهاية فبراير الجو يكون عجيب وبراد ومغيم وشتانا تراه مش بارد كثير شراتكم وبالفتره هذه اعتقد بيكون عيد الأضحى وبعده مهرجان دبي للتسوق والفعاليات فيه كثيره ومختلفه وطبعا الجو هذا بيساعد ع الكشته الخارجية بعد مش مجمعات وبس عشان التغير بس ولا انسى الملاهي في القرية العالمية لانه يفتح بهالفتره لو حبيتي تروحين وكانوا عيالج مش صغار حيل إلى جانب التسوق فيه
وإن شاءالله قدرت افيدج لو شويه باللي عندي وحياج الله الغاليه

روحي بالعيد هم حلوه

صح وانا اقترح هالفترة مثل ما تفضلت الأخت شهر 12 روعة جو عجيب لا رطوبة ولا شي تقدرين تروحين اى مكان وتمشين بأماكن نفتوحة والبرودة حلوة لأنه بالصيف بتضطرين تروحين للمجمعات وكله اماكن مسكرة وبتكييف لأنج بتختنقين من الرطوبة القاتلة

بنات انا ان شاء الله ابي اروح لدبي بالشتاء بس ياليت لو وحدة فيكم تتكرم وتقولنا الاماكن اللي تبيع شنط وساعات ماركات رخيصة لان الحريم اللي يجيبون بضاعه من دبي يبيعونها علينا باسعار خياليه

ممكن تروحين بالعيد والأفضل باجازه نص السنه من شهر 12 الين شهر 2 .. هالفتره دبي تعيش فتره مهرجان دبي للتسوق وفيه القريه العالميه ... بالصيف خلاص المهرجان انتهى والتنزيلات اخلصت فالأحسن يكون بالوقت الي حددته لج شهر 12 - 2 ..... الجو يكون بااارد وحلو حق رحلات لحدائق عندنا حديقه الممزر فيها بحر وشاليهات.. وحديقه زعبيل روووعه .. ومن ناحيه التسوق عندج دبي مول والامارات مول وفستيفال سيتي احلى 3 مجمعات بنظري...... وحياج الله بدبي

بـــــــــدور قال:

بنات انا ان شاء الله ابي اروح لدبي بالشتاء بس ياليت لو وحدة فيكم تتكرم وتقولنا الاماكن اللي تبيع شنط وساعات ماركات رخيصة لان الحريم اللي يجيبون بضاعه من دبي يبيعونها علينا باسعار خياليه

أنقر للتوسيع...

والله شوفي اغلب المجمعات عندهم محلات الماركات المعروفه طبعاا اسعارها تكون غاليه بس اعتقد بتلقين في السوق الصيني ماركات رخيصه

الشتااء كشخه بيتكون القريــــــــه العالمــــــــيه مفتووحه

و روحي اتلانتس و دبي موول ... و مدهش بالصيييف حلو للاطفاال