الانتقال من ابتدائي الى ثانوي

teacher801 · 27 يوليو 2009

السلام عليكم ..:eh_s(1):

أنا معلمة ابتدائي لغة انجليزية .. ورحت الحين الى المرحلة الثانوية ..

حق مدرسة الرتقة في فهد الأحمد ..

أبي رايكم في الموضوع .. يعني غلط ولا صح .. من ناحية ان منو الأحسن

وشرايكم في المدرسة هذه ؟؟

ابلة غزالة · 27 يوليو 2009

اذا هذا شي مريحج و شايفة نفسج في الثاونية تعطين احسن من الابتدائي فليش لآ ... اكيد النقل هذا بيكون لصالحج و لصالح العمل،،،،، اما المدرسة فاسفه ما اعرفها .................. موفقه

هبونه · 27 يوليو 2009

اعتبرها خطوة كبيرة تمنيت اني اسويها من قبل علي راي موجهي (الله يذكره بالخير ) يتروالي احسن من دوخة اليهال والصيحة اللي احنا فيها وبالنسبة للمدرسة ماعرفها والله يوفقج ويوفق الجميع

ليدي كويتية · 27 يوليو 2009

انا انتقلت من ابتدائي للثانوي وايد حسيت بالفرق وارتحت
بس سبحان الله المدرسة اللي انقلوني لها شفت منها مشاكل وايدة غيرة وحسد
وكله من الموجه الله يسامحه
من يوم ما مدحني وقاللي انا اول مرة اشوف معلم بهالمستوى من عشر سنوات ما شفت جذيه
حسافة ليش من الاول ما جيتي ثانوي؟؟؟؟؟
ومن يومها انا مو مترقعة بهالمدرسة
المهم ان شاء الله انتقل مدرسة ثانية وما اجذب عليج من كثر المشاكل اللي شفتها قلت ابرد ابتدائي على الاقل ثبت نفسي اهناك
بس تذكرت لوية اليهال والوسائل التعليمية خاصة ان كله على المدرسة
بس بالثانوي
يكون شغلج بحصتج وبس كافي ان الطالبات كبار ويتحملون مسؤولية نفسهم واذا حبوج البنات صاروا يحبون مادتج لا بعد ويبدعون فيها
يعني مستواج يبين عدل حتن لو كانوا البنات كسالى اما ابتدائي تعبتي ولا ما تعبتي ماكو فايدة وبالعكس حتى المعلمة اللي ما تشتغل بضمير كافي عليها قاعدة بيبي سيتر حق اليهال
ارجو اني اكون افدتج
موفقة باذن الله
على فكرة انا تعييني كان ثانوي ويبتلي وقعدت احوس حق الابتدائي والحين موندمانة ندمانة!!!!!!!!!!
لان كل شي مقدر ومكتوب
بس متحسفة شويونة ليش كنت بابتدائي كل هالسنين اللي طافت
وعذرا عل الطوالة

blue rain · 27 يوليو 2009

لو سمحتو بنات انا سمعت ان مدرسة انجليزي للثانوي معاشها اكثر من مدرسة انجليزي ابتدائي صحيح هالشي؟؟؟

توفي ذايب · 27 يوليو 2009

لا طبعا
كل المدرسات نفس الشي بجميع المراحل والتخصصات
بس احس صعبة نقلج من ابتدائي لي ثانوي
انا مدرسة ثانوي صج اريح بالنسبة للفئة العمرية بس مسؤؤليات اكبر وتعب اكثر
عالعموم ربي يوفقج وين ماكنتي وكل واحد يعرف اللي يناسبه

قوطي نيدو · 27 يوليو 2009

موفقه انشالله
و الثاوي البنات فاهمين اكثر

الإمبراطوره · 27 يوليو 2009

حبوبه كيف انتقلتي من الابتدائي للثانويه.... بخاطري احول بس ما دري شلون؟

~ الزيـــن ~* · 27 يوليو 2009

موووفقة والثانوي البنات كبار وفاهمين والمدرسة الي نقلتيلها واااااااااايد يمدحونها ويقولون الادارة رووووعة

doooora · 27 يوليو 2009

ليدي كويتية قال:
انا انتقلت من ابتدائي للثانوي وايد حسيت بالفرق وارتحت
بس سبحان الله المدرسة اللي انقلوني لها شفت منها مشاكل وايدة غيرة وحسد
وكله من الموجه الله يسامحه
من يوم ما مدحني وقاللي انا اول مرة اشوف معلم بهالمستوى من عشر سنوات ما شفت جذيه
حسافة ليش من الاول ما جيتي ثانوي؟؟؟؟؟
ومن يومها انا مو مترقعة بهالمدرسة
المهم ان شاء الله انتقل مدرسة ثانية وما اجذب عليج من كثر المشاكل اللي شفتها قلت ابرد ابتدائي على الاقل ثبت نفسي اهناك
بس تذكرت لوية اليهال والوسائل التعليمية خاصة ان كله على المدرسة
بس بالثانوي
يكون شغلج بحصتج وبس كافي ان الطالبات كبار ويتحملون مسؤولية نفسهم واذا حبوج البنات صاروا يحبون مادتج لا بعد ويبدعون فيها
يعني مستواج يبين عدل حتن لو كانوا البنات كسالى اما ابتدائي تعبتي ولا ما تعبتي ماكو فايدة وبالعكس حتى المعلمة اللي ما تشتغل بضمير كافي عليها قاعدة بيبي سيتر حق اليهال
ارجو اني اكون افدتج
موفقة باذن الله
على فكرة انا تعييني كان ثانوي ويبتلي وقعدت احوس حق الابتدائي والحين م وندمانة ندمانة!!!!!!!!!!
لان كل شي مقدر ومكتوب
بس متحسفة شويونة ليش كنت بابتدائي كل هالسنين اللي طافت
وعذرا عل الطوالة

كلام سنع يا ليت المعلمات اللي ذكروا ان معلمات الثانوي مظلومين وشغلهم اكثر من الابتدائي اللي مرتاحين وحرام يتساوون بالمعاش ويعطلون قبل !!! يشوفون تجربتج بين الابتدائي والثانوي ،،،
وثانوية الرتقة مدرسة جديدة وحيل يمدحونها ،،،، موفقه :ggdw::ggdw:

teacher801 · 28 يوليو 2009

يعطيكم العافية على ردودكم ..

أنا كان تعييني ثانوي بس شتقولون ..

القرادة .. حطوني ابتدائي عشان يغطون نقص في المدرسة اللي كنت فيها .. بس عقب مااشتغلت فيها .. فهمت ليش محد يبي يشتغل فيها ..

تعبت في الابتدائي وايد .. الوسائل والتكاليف وغيرهم .. هذا غير اليهال..

ومافي فايدة .. محد يقدر المجهود والتعب ..

انا اعرف مدرسات ثانوي .. مرتاحين ويحبون مدارسهم لأن يبين مجهودهم مع البنات ..

ليدي كويتية .. انا اشتغلت في الابتدائي سنة وحدة بس وندمانة كثر شعر راسي فما اتخيل شكثر انتي ندمانة

الامبراطورة .. عادي قدمي نقل وبس .. وان شاء الله بتتنقلين

جود 2006 · 28 يوليو 2009

شرايكم أنا نقلت من الروضة غلى الثانوي ولله الحمد راحة وفرق عن اليهال الصغار والبنات الكبار يساعدون في عملية الشرح في الحصة والحمد لله ماني ندمانه عالتحويل

teacher801 · 29 يوليو 2009

جود .

شكرا على ردج ..

طمنتيني انتي وباجي البنات الصراحة ..

كنت خايفة من النقل .. بس الحمد لله

الله يوفقكم انشالله ..

blue rain · 29 يوليو 2009

بس انا سمعت انه في تخصصات معينه مثل الرياضيات والعربي والكيمياء والانجليزي لهم علاوه زيادة 100 دينار في التدريس الثانوي
يعني وحده قالت لي مدرسه انجليزي ثانوي معاشها اكثر من مدرسة انجليزي ابتدائي صحيح هالكلام والا لا

SσOσsi ..′ · 18 أغسطس 2009

كح كح آنا أدرس هنااااك :$

خوش مدرسه والله :$

ريانا · 19 أغسطس 2009

والله اختي على حسب

انا اعرف مدرسه كانت تدرس ثانوي وكانت تدرسني لما كنت طالبه عقب شفتها بالابتدائي لما ييت ادرس سبحان الله الدنيا جمعتني فيها تقول مافي مقارنه بين الابتدئي والثانوي لا واهي تدرس صبيان بعد تقول والله يا ( ريانا ) ان بالثانوي صعب وتصليح امتحانات صعبه ولويه الابتدائي بس نصلح ورقه وحده امتحاناتهم والشغل اخف...وانا مدرسه ابتدائي لو يعطوني شنو ما اروح ثانوي بنات كبار وبعضهم لسان طويل وتطنز الابتدائي كلمتين ويخافون

ادعي ان يكون لج بالثانوي خيره وحبوبه كل شخص يختلف عن الثاني

قهوة_-_عربية · 19 أغسطس 2009

حبيبتي شلون سويتيها ؟ على حسب علمي ما يصير لازم تخلصين الابتدائي بعدين تروحين المتوسط و بعدين الثانوي ؟!

فروحه آلمطيري · 14 سبتمبر 2009

هلآ وغلآ بـ آبلتنآإ آلجديدهـ :$

حيآآآج آلله ..

مدرستنآآ خوؤش مدرسهَ وآلآدآرهـ وآلآبلآت عسَل ..

وآلبنآإت محترمآإت وآلكل يشهد بهـ آلشي ..

وآنشآلله نشوفج بـ آلمدرسه وموفقه يآإرب !

فـلـفـلـهـ · 14 سبتمبر 2009

قطيعه الكراااااااااف بكل مكان .. انا جربت ابتدائي ومتوسط وثانوي

وبجرب الروضه قبل ماأتقاعد ..

warda_76 · 14 سبتمبر 2009

والله مادري شقولج انا معلمة ثانوي وودي بالابتدائي عشان اريح وماكو مراقبة امتحانات ..بس انتي اذا هذه رغبتج كيفج واحنا هالايام اسبوعين امتحانات الدور الثاني وصايمين ولاعت جبدنا من المراقبة .. أما عن مدرستج يمدحونها وااااااايد

الانتقال من ابتدائي الى ثانوي

New member

New member

New member

New member

New member

New member

New member

New member

New member

New member

New member

New member

New member

New member

New member

New member

عضوه موقوفة

New member

New member

New member