لبنات تخصص اللغة الانجليزية كلية التربية الاساسية ادخلوا

سلام بنات انا عندي مقابلة لتخصص لغة الانجليزية بس ابي مساعدتكم شلون صايره المقابلة وشنو الاسئلة اللي فيها وكم دقيقة تستغرق يعني من الالف الى الياء والله يجزاكم خير

موفقه

عادي اسئله سهله بس انتي شدي حيلج بالاجوبه لان شكثر بنات ماقبلونهم لان يقولون ماعندج ثقافه بالانقلش والله بس كانوا البنات شاطرين حيل وكل من المقابله........
وموفقه حبيبتي....

مرحبا حبوبه

انا كنت بيوم من الايام طالبة تربيه اساسيه لغه انجليزيه

والله كانت اسعد ايام حياتي وانا الحين ولله الحمد مدرسه توني خلصت سنه اولى تدريس

المهم انا اتذكر المقابله عدل لانه كان يوم وايد مهم بحياتي

انا انصحج بالاتي
1- سمي باسم الله وقولي ( اللهم ملكني قلب من احوجتني اليه ) قوليها وايد
2- دخلي وانتي مبتسمه وسلمي على الدكتور او الدكتوره وحاجيها بالانجليزي
3- ردي عالاسئله بهدوء مصحوب بابتسامه وثقه ولا تتحجين وايد تجنبا للوقوع بالاغلاط
4- حاولي تفكرين قبلها بيوم شنو نوعية الاسئله يعني مثلا (طبعا فكري بالنجليزي ) شنو هوايتج ؟ شنو اخر كتاب قريتيه ؟ ليش دشيتي التخصص ؟ هل تحبين التدريس ؟ ( وياريت بهالسؤال تقولين ايه )

مقابلتي ماتجاوزت السبع دقايق سوالي ياها د.فاروق
كانت المقابله حلوه كانت مثل السوالف وانا كان مبين علي مستانسه حدي واهو مستانس على هالشغله وقالي ياها بوجهي ( يالله مبروك ...مقبوله)

وبـــــــــــــــــــــــــــــــــــــــــــــــــــــــــــــــــــــــــــــــــــــــــــــس

مشكوره اختي

حبيبتي انا مقبوله انغلش بس سقطت بالمقابله

يسأل عن مجلس الامه ومدري شنووو

شكو احنا بالسياسه

والمجلس ولا انا شاطره بالانغلش

خخخخخخخخخخخخخخخخخخ لازم البنت تكون مثقفه بكل شي و تعرف تجاوب مو شرط تعرف تجاوب بس تعرف ترد بلباقه و ذرابه يعني حتى لو سألوج عن شنو لازم تردين بطريقه راقيه ..و شفيه مجلس الامه مو بالكويت؟ لازم يكون في خلفيه و لو بسيطه عن هلأمور

لا حبيبتي انا ما احب لا مجلس امه لا سياسيه لا بطيخ هذوول ما اعرف عنهم

كستنائيـة ع ـسل قال:

لا حبيبتي انا ما احب لا مجلس امه لا سياسيه لا بطيخ هذوول ما اعرف عنهم

أنقر للتوسيع...

و الله أحسن ...شغلات ترفع الضغط بس الواحد شيسوي بعد