ياحلاة هالمكان بدبي

السلام عليكم انا بسافر باذن الله 3/7
وابي اماكن تنفع حق الشباب عيالي بعمر 15 و20 سنه اولاد وانا معاهم وحطيت لي جدول كله طلعات رومانسيه يعني قلت بعد العصر مجمعات وبالليل ابي اماكن هاديه نعشى ونرجع
واخر يومين نتسوق
ففياريت تقولون لي وين نروح وبشنو تنصحوني وما ادري الجو اخاف يخرب علينا من الرطوبه في اماكن مصكره وهايه وعلى البحر
وابي مساج سبا
وبالنسبة للتكاسي غاليه والا رخيصه وهل تمشي على عداد عشان ما يقصون علينا لان كل مره اروح مع ريلي بس هالمره مع عيالي وما ندل الشوارع
بقولكم وين فكرت اروح وابي احد من الامارت يبنسق لي الاماكن بحيث تكون يم بعض عشان ما يضيع الوقت وياريت تقولون لي كل مكان شنو فيه زين ويستاهل اروحله والمطاعم والكوفيهات الحلوه والرخيصه مع مراعاة الجو لاني بالرطوبه اتعب يحوشني هبووووووووووووووط بالضغط
سفرتي مدتها اسبوع بس
1- اتلانتس الاكواريوم والمدينه المائيه
2-شارع الجميره اهو شارع ذا ووك؟؟؟؟ والا سوق جميره ؟؟؟وشنو مارينا ووك نفس الشي؟؟؟والا اهو نفسه مرسى دبي (جي بي ار)بالخور ياريت توضحون لي الفرق او شنو هالاماكن؟؟؟
3-ميناء السلام يقولون السبا عجيب عندهم؟؟؟
4- فندق القصر ما ادري شنو فيه؟؟؟يقولون مطعم بحري مجابل برج العرب حلو اكله
5-الوايلد وادي يقولون ارخص من المدينه المائيه اللي باتلانتس
6-مدينة مدهش تنفع لعمر 15 وفوق؟؟؟مركز الوفي شنو فيه؟؟؟مدينة الطفل تنفع للعمل 15 وفوق بالنسبة للالعاب؟؟؟
7-حديقة القصباء الشارقه تنفع بهالجو؟؟
8-الباص المائي ينفع بهالجو؟؟؟
9-قرية البوم والعشاء في البوم يستهال والا الجو حار ورطوبه والا في اماكن نكييف؟؟؟وهي نفسها القريه التراثيه ؟؟؟
10-برج العرب شنو فيه يستاهل ؟؟؟شفناه بالصور من داخل
11-دبي مول فيه صالة التزلج وسوق البحار يم بعض وحلو والا لا؟؟؟
12- مول الامارات فيه صالة الجليد وماركات
13- مجمع برجمان حلو والا لا؟؟؟
14- ياريت ترشحون لي المجمعات الحلوه والرخيصه من هالمجمعات وشنو المطاعم والمحلات المشهوره فيهم
مركز ميركاتو- جميرا / مركز صحارى- الشارقه / مركز ميغا مول- الشارقه /لغرير سنتر /سوق نايف/سوق مرشد /سوق بوهيل حق العبي والشيل
15- منو افضل ستي شنتر الشارقه او ديره
16-حديقة الحيوان في دبي تقع في جميرة حلوه تستاهل والا نضيع وقت عالفاضي لانه السفره بس اسبوع
وشاكره لكم واسفه على كثر الاسئله
ناطره رايكم​