بنات ابي اصلي الظهر بالدوام .. بــــس !!

عــروس · 8 أبريل 2009

السلام عليكم ورحمة الله وبركاته

بنات انا ولله الحمد اصلي صلواتي , لكن صلاة الظهر حيل حيل بخاطري اصليها بوقتها
وانا بالدوام , احنا عندنا غرفه نصلي فيها (مصلى)

بس المشكله في مكان الوضوء , تكرمون حماماتنا دايم مو نظيفه وان انغسلت يكون غسولها اي كلام
ومهما نتكلم محد يسنع وقطينا قطيه للتنظيف بس اساسا مافي مكان نعلق فيه ملابسنا لما نبي نتوضى

صحيح ان في بنات يتوضون بالدوام ويصلون بس انا طبعي سبحان الله ما احب اتوضى الا في بيتي
او مثلا عند اهلي وقتها احس اني نظيـــــــــــفه ومتوضيه عدل , ولما ارد من دوامي الساعه 2 اصلي الظهر

بس لما افكر ان الصلاة أخرتها حيل اتضايق ومابي ارتكب ذنب زياده لكن ربي عالم باللي داخلي

شسوي يا بنات ؟؟

احساس الشعور · 8 أبريل 2009

والله هذا من عمل ابليس اخليج تتوهميين انج مو نظيفه علشان ماتاخذين اجر الصلاة لوقتها

تعوذى من ابليس وتيددى بالدوام وان شاء الله مايضرج نياسه ولا شى من الحمام

om al ghaleen · 8 أبريل 2009

اشتري لج علاقه وحطيها مكان الوضوء
وتوضي عادي
صحيح المكان مو نظيف بس تأكدي انه الماي طاهر ويغلب النجاسه

وموفقه

عــروس · 8 أبريل 2009

احساس الشعور & am al qaleen

مشكورين يا خواتي وبارك الله فيكم

اشكركم على دعمكم لي :eh_s(17):

bedour18 · 8 أبريل 2009

نفس مشكلتي و انا ارجع البيت الساعه 3 و نص !!!!!!!!!!

اقولج اشسويت :

تشترين : مكرمة نعال حمام
و تحطين علاق في الحمام تعلقين عليه عباتج

و في المصلى انا حاطة لي جيس داخله سجادتي و ثوب صلاتي
عشان حتى لو عباتج تعتقدين انها مو طاهرة فصخيها و لبسي ثوب الصلاة

هالطريقة واااااااااااايد نفعتني الحمدلله و انشالله تنفعج

مشتاقة الى الله · 8 أبريل 2009

الله يعينج حبيبتي بس أفضل انج تتيددين في الدوام وتعوذي من الشيطان وحاولي بقدر المستطاع انج ما تحطي في بالج انج مو نظيفة والله يكون بعونج ان شاء الله

العهووود · 8 أبريل 2009

لا حبيبتي لا تخلين الشيطان يلعب عليج تعوذي من ابليس وتوضي بدوامج وصلي وكافي الاخلاص في النيه ......لا تتماهنين بصلاتج وصليها بوقتها افضل لج واغلبي الشيطان وارضي ربج هني يبين الايمان الحقيقي .........وتقبلي مروري

عــروس · 8 أبريل 2009

bedour18 قال:
نفس مشكلتي و انا ارجع البيت الساعه 3 و نص !!!!!!!!!!

اقولج اشسويت :

تشترين : مكرمة نعال حمام
و تحطين علاق في الحمام تعلقين عليه عباتج

و في المصلى انا حاطة لي جيس داخله سجادتي و ثوب صلاتي
عشان حتى لو عباتج تعتقدين انها مو طاهرة فصخيها و لبسي ثوب الصلاة

هالطريقة واااااااااااايد نفعتني الحمدلله و انشالله تنفعج

مشكوره يابعد قلبي والله يجزاج خير

بس العلاقه اللي تقولين عنها قصدج اللي تلزق عالطوفه ؟

عــروس · 8 أبريل 2009

مشتاقة الى الله قال:
الله يعينج حبيبتي بس أفضل انج تتيددين في الدوام وتعوذي من الشيطان وحاولي بقدر المستطاع انج ما تحطي في بالج انج مو نظيفة والله يكون بعونج ان شاء الله

ان شاءالله وعسى الله يثبتنا على ديننا يارب

عــروس · 8 أبريل 2009

العهووود قال:
لا حبيبتي لا تخلين الشيطان يلعب عليج تعوذي من ابليس وتوضي بدوامج وصلي وكافي الاخلاص في النيه ......لا تتماهنين بصلاتج وصليها بوقتها افضل لج واغلبي الشيطان وارضي ربج هني يبين الايمان الحقيقي .........وتقبلي مروري

الله يجزاج خير وماقصرتي على تعليقج

:eh_s(17):

رومانسية حالمه · 8 أبريل 2009

حبيبتي ترى هذا وسواس توضي وصلي
لأن الماي اهو الي يطهر مالج شغل بالحمام نظيف ولا وصخ دام ان في ماي نظيف توضي وصلي

بيبسية · 8 أبريل 2009

حبيبتي ليش ما اتوضين من البيييت...؟؟؟

انا اسوي جذي اتيدد من البيت احسن ....:eh_s(20):

لأن أنا نفس حاااالتج ما استخدم اي حمام ...:eh_s(22):

عــروس · 8 أبريل 2009

بيبسية قال:
حبيبتي ليش ما اتوضين من البيييت...؟؟؟

انا اسوي جذي اتيدد من البيت احسن ....:eh_s(20):

لأن أنا نفس حاااالتج ما استخدم اي حمام ...:eh_s(22):

من صجج تبيني اتيدد من الساعه 7 لي 12 ؟؟

لو اقدر جان سويتها اصلا , بس انا مااقدر نهائيا لان تكرمين ادخل الحمام واجد يعني 3 مرات تقريبا:23_asmilies-com:

عــروس · 8 أبريل 2009

رومانسية حالمه قال:
حبيبتي ترى هذا وسواس توضي وصلي
لأن الماي اهو الي يطهر مالج شغل بالحمام نظيف ولا وصخ دام ان في ماي نظيف توضي وصلي

تسلمين فديتج :eh_s(17)::sfg:

زيـنـه · 8 أبريل 2009

ركبي علاق اللزق بالحمام .. و علقي عليه عباتج وملفعج ..و اخذي معاج نعال للحمام حطيها بكيس نايلون و لبسيها بالحمام وقت الوضوء .
و الصلاة اخذي ثوبج و سجادتج للمصلي و صلي فيهم .

هذا الحل .

بنت السلف · 8 أبريل 2009

المشاركة الاصلية بواسطة الاخت عروس
بس انا طبعي سبحان الله ما احب اتوضى الا في بيتي
او مثلا عند اهلي وقتها احس اني نظيـــــــــــفه ومتوضيه عدل

اختي بارك الله فيج على حرصج

لكن بقولج على شي

الانسان مهما كان متسخ سبحان الله الاغتسال والوضوء يطهره

انا انصحج بالوضوء بالبيت او بالدوام وان حسيت ان وضوئج انتقض

فاعلمي ان بالوضوء طهاره وغسل للذنوب

توضاي وتوكلي على الله

عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "إِذَا تَوَضَّأَ الْعَبْدُ الْمُسْلِمُ أَوْ الْمُؤْمِنُ فَغَسَلَ وَجْهَهُ

خَرَجَ مِنْ وَجْهِهِ كُلُّ خَطِيئَةٍ نَظَرَ إِلَيْهَا بِعَيْنَيْهِ مَعَ الْمَاءِ أَوْ مَعَ آخِرِ قَطْرِ الْمَاءِ فَإِذَا غَسَلَ يَدَيْهِ خَرَجَ مِنْ يَدَيْهِ كُلُّ خَطِيئَةٍ كَانَ

بَطَشَتْهَا يَدَاهُ مَعَ الْمَاءِ أَوْ مَعَ آخِرِ قَطْرِ الْمَاءِ فَإِذَا غَسَلَ رِجْلَيْهِ خَرَجَتْ كُلُّ خَطِيئَةٍ مَشَتْهَا رِجْلَاهُ مَعَ الْمَاءِ أَوْ مَعَ آخِرِ قَطْرِ الْمَاءِ

حَتَّى يَخْرُجَ نَقِيًّا مِنَ الذُّنُوبِ". قال الإمام النووي في "شرح صحيح مسلم": وَالْمُرَاد بِالْخَطَايَا : الصَّغَائِر دُون الْكَبَائِر, وَكَمَا فِي

الْحَدِيث الْآخَر : "مَا لَمْ تُغْشَ الْكَبَائِر

الحنوونة · 8 أبريل 2009

لا حبيبتي لا تخلين الشيطان يلعب عليج تعوذي من ابليس وتوضي بدوامك وصلي
صلاتك في وقتها أفضل

}{داشـه عرض}{ · 10 أبريل 2009

ما شاء الله الخوات ما قصرو بطرح أفكارهم ، جزاهم الله خير ..

أنتِ توكلي على الله ، و ترى الاعمال بالنيات ..

مثل ما قالو الاخوات ، أشترى العلاقات اللي يتلزقون بالطوفه ، تحصلينهم بسوق بو 100 ، لزقيهم بالحمام حقج وحق غيرج
ولج الاجر إن شاء الله، وفي مناديل الديتول خليهم معاج الحمام تمسحين المغسله اذا شاكه بنظافتها ،وخليلج سجاده وعبايه راس خاصه حق الصلاه ، يعنى عندج عبايه زايده خليها بالمصلى حقج وحق زميلاتج ..

عسى الله يتقبل منا ..

عــروس · 11 أبريل 2009

بارك الله فيكم واشكر كل من ساعدني ونصحني يا اغلا خوات

جزاكم الله الف الف خير

kekat kakaw · 11 أبريل 2009

انا بعد اقووول لا تخلين الشيطان يوسوس لج تعوذيمن ابليس و صلي صلاتج بوقتها و افكار البنات حلوة و ماقصروا

الله يوفقج انشاء الله

بنات ابي اصلي الظهر بالدوام .. بــــس !!

New member

New member

New member

New member

New member

New member

New member

New member

New member

New member

New member

New member

New member

New member

**عضوة شرف في منتديات كويتيات**

New member

New member

*عضــوة شرف في منتديات كويتيات*

New member

New member

عضوة شرف في منتديات كويتيات

عضــوة شرف في منتديات كويتيات