rawona
**مشرفة قسم السياحة والسفر**
هاي بنات .. هذي اول مره اكتب فيها قصة بمنتدى .. "الرجاء الالتزام بحقوق الملكية الفكرية" << اهم شي .. وذكر اسمي واسم المنتدى عند النقل << واثقة من قدراتها الادبيه لوول
بنات القصة حقيقية .. وصارت صج .. اعرف ابطالها بس طبعا غيرت بالاسماء والاحداث علشان ما انطق واتكفخ!! لووول وانشالله تعجبكم ..
نجديه << شيشتني اكتب هالقصه .. واذا بدعت بالكتابه فكله منها :eh_s(6):
شيخة بطلة قصتنا بنوته حبوبه وطيوبه البنت الوحيده بين صبيين .. وترتيبها "الوسطيه" .. اخوها الكبير مشعل متزوج وعنده ولد "خالد" وبنت "ليان" واخوها الصغير "عبدالعزيز او عزوز" اصغر منها بسنتين ..
بداية احداث القصة لما كانت شيخة بالمرحلة الثانوية "السنة الأخيره" ..
كانت شيخة بالمدرسة مع صديقتها المقربة "الروح بالروح" .. صديقة الطفولة وبنت جيرانهم "حنان" قاعدين بالكافتيريا يسولفون بساعة الفراغ .. وفجأة يتهم رفيجتهم لوجين تركض .
لجين: شيووووووووخ.. تعالي شوفي شنو عندي .. بتموتين من الحره!!
التفتت لجين ناحية حنان" حنون انتي بعد اهني ماشفتج!! شلونج؟
حنان: هلا لجونه! اشدعوه ما شفتيني !! لهالدرجه ما ابين؟؟ << ماتحب لجين
لجين: هيهيهيهي دمج خفيف
قاطعت شيخه حوار صديقاتها السخيف : شعندج لجونه يايه تركضين؟ شاللي بيخليني اموووووت من الحره؟؟
لجين: شوفي الصور هذي وبتعرفين!!
شافت شيخه وحنان صور رفيجاتهم من الدفعه السابقه "مريم" و "جنان" .. اللي سافروا للدراسة بامريكا وكانوا مصورين بالجامعه .. والكلاس .. ومعاهم مجموعة شباب وبنات بعضهم شكله اجنبي والبقيه اشكالهم كويتيين ..
شيخه: وااااااااي ياحلوهم .. صج وناسه .. حنون ابييييييييييييييي .. ابييييييييي اصير مثلهم .. ابي اروح ادرس بره! ودي .. بخاطري .. اعيش بروحي واعتمد على نفسي .. وااااااااي شلوووووووووووون؟؟؟؟!!
حنون: الحمدلله والشكر .. صج العقل نعمه .. بعد شرايج تناقزين واطامرين؟ وتخلين اللي مايشتري يتفرج؟!!
لجين: هيهيهيهي
شيخه: حنون اشفيج؟؟ .. يعني انتي ماتدرين ان هالشي "حلمي الكبير" من زمااااااااااااان .. حلو الواحد يعيش حياته بروحه! بكيفه! مثل ما اهو يبيها.. ينام متى ما يبي ينام .. يدرس متى ما يبي يدرس.. ياكل بكيفه.. يطلع بكيفه .. من غير ماحد ينغص عليه عيشته!!
حنان: اللي يسمعج يقول عمي خالد وخالتي بدرية (اهل شيخه) .. قامتينج!! ما جنهم مخلينج على كيفج!! دلوعتهم .. ماتقولين ابي .. الا ويايبيلج اللي تبينه من قبل لا تتحجين!!
شيخه: حنووووووون .. انتي علبالج انا مو عارفه هالشي؟؟ والله ادري .. بس انا احس في شي ناقصني .. احس ودي اغير حياتي .. مادري شاقولج حنووووووون بس احس حياتي مو اهني!! احس في شي غير ناطرني بره.. شي مادري شنو بس احس انه يناديني .. شي يخليني .. ما اتخيل اني اقعد بالكويت وادرس اهني .. احس ماراح اكون انا نفسي .. ابي ذاتي .. ابي اكون حرة نفسي ...
طالعت شيخه مره ثانيه الصور وسرحت بخيالها بعالم ثاني .. بعيــــــــــــــد .. ونست لجين وحنان اللي قاعدين يتناجرون يمها!!!
******************************************** يتبع!!
التعديل الأخير:
